“ຄົມໃນຝັກ”, “ໝາກເຜັດນ້ອຍຂີ້ໜູ”

"ຄົມໃນຝັກ", “ໝາກເຜັດນ້ອຍຂີ້ໜູ” - 68 - “ຄົມໃນຝັກ”, “ໝາກເຜັດນ້ອຍຂີ້ໜູ”
"ຄົມໃນຝັກ", “ໝາກເຜັດນ້ອຍຂີ້ໜູ” - Untitled design - “ຄົມໃນຝັກ”, “ໝາກເຜັດນ້ອຍຂີ້ໜູ”

ໂດຍ: ລູກເມືອງພວນ

ຢູ່ທຳມະດາບໍ່ມີໃຜວ່າແພດໝໍລາວເກັ່ງ, ມີຄວາມຮູ້ຄວາມສາມາດ, ວ່າຄາດເດົາບົ່ງມະຕິພະຍາດບໍ່ໄດ້ຄາດແຄ້ວຄືແພດໝໍຕ່າງແດນ. ແມ່ນໃຜສິເຊື່ອວ່າແພດໝໍລາວຈະສາມາດປິ່ນປົວຜູ້ຕິດເຊື້ອໂຄວິດ-19 ຫາຍດີໄດ້ ໃນລະດັບໂລກແບບນີ້.

ແຕ່ໃນຕົວຈິງແລ້ວ, ເມື່ອແພດໝໍລາວໄດ້ຖອດງ້າວອອກມາຟາດຟັນກໍບໍ່ຕ່າງຫຍັງກັບແພດໝໍຕ່າງປະເທດ, ແມ່ນແຕ່ແພດໝໍຢູ່ໃນທ້ອງຖິ່ນຢ່າງຫຼວງພະບາງກໍຍັງສາມາດປິ່ນປົວຜູ້ຕິດເຊື້ອພະຍາດໂຄວິດ-19 ໄດ້.

ປັດຈຸບັນຜູ້ຕິດເຊື້ອທັງ 3 ຄົນທີ່ປິ່ນປົວຢູ່ໂຮງໝໍຢູ່ຫຼວງພະບາງນັ້ນກໍໄດ້ອອກໂຮງໝໍໝົດແລ້ວ. ສ່ວນທີ່ຍັງເຫຼືອ 11 ຄົນທີ່ປິ່ນປົວຢູ່ໂຮງໝໍມິດຕະພາບ(150 ຕຽງ) ນັ້ນ ກໍມີອາການດີຂຶ້ນຕາມລຳດັບ, ບໍ່ມີອາການໄຂ້, ໄອ ອີກ ແລະ ແຂງແຮງປົກະຕິຄືຄົນທຳມະດາ, ຄາດວ່າຈະໄດ້ອອກໂຮງໝໍໃນເວລາອັນບໍ່ດົນນີ້.

ພວກເຮົາຄົນລາວມີຄວາມພາກພູມໃຈໃນຝີມື ແລະ ຄວາມສາມາດຂອງແພດໝໍລາວ ຊຶ່ງບໍ່ໄດ້ນ້ອຍໜ້າໃຫ້ແກ່ປະເທດໃດໃນໂລກ. ປະເທດເຮົາເຖິງຈະເປັນປະເທດນ້ອຍດ້ອຍພັດທະນາ ຂາດເຂີນວັດຖຸອຸປະກອນ ແລະ ຢຸກຢາ ທາງການແພດທີ່ທັນສະໃໝລໍ້າຍຸກ ກໍຕາມ ແຕ່ກໍສາມາດປິ່ນປົວຜູ້ຕິດເຊື້ອໂຄວິດ-19 ໃຫ້ຫາຍຂາດໄດ້ ໂດຍບໍ່ມີຜູ້ເສຍຊີວິດແມ່ນແຕ່ຄົນດຽວ. ນີ້ແຫຼະ ຄືທາດແທ້ ແລະ ຄຸນະພາບຂອງແພດໝໍລາວ ທີ່ສະແດງອອກປະຈັກຕາຕໍ່ໜ້າຊາວໂລກຢ່າງເອກອ້າງທະນົງໃຈ.

"ຄົມໃນຝັກ", “ໝາກເຜັດນ້ອຍຂີ້ໜູ” - Wave100S AD to Website 2020 0 - “ຄົມໃນຝັກ”, “ໝາກເຜັດນ້ອຍຂີ້ໜູ”

ນອກຈາກນັ້ນ, ແພດໝໍລາວຍັງມີຄວາມສາມາດຄວບຄຸມການແຜ່ເຊື້ຶອໄດ້ເປັນຢ່າງດີອີກດ້ວຍ, ຊຶ່ງມາເຖິງມື້ນີ້ ວັນທີ 2 ພຶດສະພາ ເປັນເວລາ 20 ວັນແລ້ວທີ່ລາວເຮົາບໍ່ພົບຜູ້ຕິດເຊື້ອລາຍໃໝ່.

ນີ້ແຫຼະ, ເພິ່ນວ່າ “ຄົມໃນຟັກ” ບໍ່ຖອດມາຟາດຟັນກໍບໍ່ຮູ້ວ່າມັນເຂົ້າ ຫຼື ບໍ່.

ທ່ານໝໍລາວບໍ່ເຄີຍອວດອ້າງ ຄວາມຮູ້ຄວາມສາມາດຂອງຕົນ ເປັນຄົນມິດງຽບ ແຕ່ບາດໄດ້ອອກສູ່ສະໝາມຮົບຖອດງ້າວຟາດຟັນບໍ່ໄດ້ນ້ອຍໜ້າໃຜເລີຍ. ຊົມເຊີຍແພດໝໍລາວ, ຊາວລາວຮັກເຈົ້າສຸດຫົວໃຈ. ຂໍເທີດທູນເຈົ້າໄວ້ໃນຊົ່ວກາລະນານ.

"ຄົມໃນຝັກ", “ໝາກເຜັດນ້ອຍຂີ້ໜູ” - WhatsApp Image 2020 05 27 at 5 - “ຄົມໃນຝັກ”, “ໝາກເຜັດນ້ອຍຂີ້ໜູ”
"ຄົມໃນຝັກ", “ໝາກເຜັດນ້ອຍຂີ້ໜູ” - WhatsApp Image 2020 05 27 at 5 - “ຄົມໃນຝັກ”, “ໝາກເຜັດນ້ອຍຂີ້ໜູ”
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!