ອົງການອານາໄມໂລກ(WHO)ຢາກຮ່ວມກວດສອບທີ່ມາຂອງ ໂຄວິດ ກັບຈີນ

ອົງການອານາໄມໂລກ(who)ຢາກຮ່ວມກວດສອບທີ່ມາຂອງ ໂຄວິດ ກັບຈີນ - 96 - ອົງການອານາໄມໂລກ(WHO)ຢາກຮ່ວມກວດສອບທີ່ມາຂອງ ໂຄວິດ ກັບຈີນ
ອົງການອານາໄມໂລກ(who)ຢາກຮ່ວມກວດສອບທີ່ມາຂອງ ໂຄວິດ ກັບຈີນ - Untitled design - ອົງການອານາໄມໂລກ(WHO)ຢາກຮ່ວມກວດສອບທີ່ມາຂອງ ໂຄວິດ ກັບຈີນ

ໂດຍ: ລູກເມືອງພວນ

ອົງການອານາໄມໂລກມີຄວາມຫວັງວ່າ ຈີນຈະເຊື່ອເຊີນພວກຕົນເຂົ້າຮ່ວມການກວດກາຫາສັດທີ່ເປັນຕົ້ນເຫດໃຫ້ເກີດພະຍາດ ໂຄວິດ.

ໂຄສົກຂອງ ອົງການອານາໄມໂລກ Tarik Jasarevic, ວັນທີ 1 ພຶດສະພານີ້ ໄດ້ຂຽນອີເມວ ສົ່ງເຖິງສຳນັກຂ່າວ AFP ວ່າ: “ອົງການອານາໄມໂລກ ພ້ອມແລ້ວທີ່ຈະໃຫ້ການຮ່ວມມືກັບສາກົນ ຖ້າຫາກລັດຖະບານຈີນ ເຊື່ອເຊີນພວກຕົນເຂົ້າຮ່ວມກວດສອບສັດທີ່ເປັນຕົ້ນເຫດໃຫ້ເກີດພະຍາດ ໂຄວິດ”.

ທ່ານໃຫ້ຮູ້ຕື່ມອີກວ່າ ອົງການອານາໄມໂລກຮູ້ດີວ່າໃນຂະນະນີ້ຈີນກຳລັງດຳເນີນການກວດສອບບາງຢ່າງຢູ່ ເພື່ອຊອກຫາຕົ້ນເຫດທີ່ມາຂອງພະຍາດ ແຕ່ອົງການອານາໄມໂລກບໍ່ໄດ້ເຂົ້າຮ່ວມການຄົ້ນຄວ້າດັ່ງກ່າວຂອງຈີນ.

ຜູ້ອຳນວຍການໃຫ່ຍຂອງ ອົງການອານາໄມໂລກ Tedros Adhanom Ghebreyesus ເຄີຍນຳພາຄະນະໜຶ່ງໄປທີ່ຈີນໃນທ້າຍເດືອນມັງກອນຜ່ານມາ. ໃນເວລານັ້ນໄດ້ພົບປະກັບທ່ານປະທານຂອງຈີນ ສີຈິນຜິງ ເພື່ອຊອກຮູ້ປະຕິກິລິຍາຂອງຈີນຕໍ່ກັບບັນຫາດັ່ງກ່າວ.

ຫຼັງຈາກນັ້ນກໍມີຄະນະນັກວິທະຍາສາດສາກົນກໍໄດ້ເດີນທາງໄປຈີນໃນລະຫວ່າງເດືອນກຸມພາ ເພື່ອກວດກາເບິ່ງສະພາບການ, ຊຶ່ງຄະນະດັ່ງກ່າວລວມມີນັກຊ່ຽວຊານຂອງ ເຢຍລະມັນ, ຍີ່ປຸ່ນ, ເກົາຫຼີໄຕ້, ໄນຈີເຣຍ, ລັດເຊຍ, ສິງກະໂປ ແລະ ສະຫະລັດອາເມລິກາ.

ອົງການອານາໄມໂລກ(who)ຢາກຮ່ວມກວດສອບທີ່ມາຂອງ ໂຄວິດ ກັບຈີນ - Wave100S AD to Website 2020 0 - ອົງການອານາໄມໂລກ(WHO)ຢາກຮ່ວມກວດສອບທີ່ມາຂອງ ໂຄວິດ ກັບຈີນ

ໃນຂະນະທີ່ມີການກວດກາຫາຕົ້ນເຫດຂອງໄວຣັດເພີ່ມຂຶ້ນຢູ່ຈີນນັ້ນ, ອົງການອານາໄມໂລກບໍ່ໄດ້ເຂົ້າຮ່ວມ, ຊຶ່ງການກວດກາໃນເວລານັ້ນແມ່ນເພື່ອ ເບິ່ງກໍລະນີຜູ້ຕິດເຊືອມີອາການແນວໃດ ໃນເຂດ ອູຮັ່ນໃນທ້າຍປີ 2019 ແລະ ໄດ້ເອົາຕົວຢ່າງຈາກສະພາບແວດລ້ອມຢູ່ໃນເຂດຕະຫຼາດ ແລະ ນິຄົມທີ່ມີການສົງໄສຕິດເຊື້ອກໍລະນີທຳອິດ ພ້ອມທັງເກັບກຳເອົາປະຫວັດການກຳເນີດ ແລະ ຊະນິດສັດປ່າ, ສັດລ້ຽງທີ່ຂາຍຢູ່ໃນຕະຫຼາດດັ່ງກ່າວ.

ອົງການອານາໄມໂລກ ຈະສືບຕໍ່ຮ່ວມມືກັບບັນດາຊ່ຽວຊານສັດຕະວະແພດຂອງບັນດານານາຊາດ ແລະ ຄູ່ຮ່ວມມືອື່ນໆ ເພື່ອຊອກຫາຊ່ອງຫວ່າງ ແລະ ໃຫ້ບູລິມະສິດໃນການຄົ້ນຄວ້າ ເພື່ອຄວບຄຸມໂຄວິດ-19, ຊຶ່ງຈະລວມມີທັງ ການກຳນົດຕົ້ນເຫດຂອງໄວຣັດຢູ່ໃນຈີນນຳອີກ.

ນັກວິທະຍາສາດສ່ວນຫຼາຍໃຫ້ຄຳເຫັນວ່າ ໂຄວິດ ມີຕົ້ນກຳເນີດມາຈາກໂຕເຈຍ ແລະ ໄດ້ແຜ່ເຊື້ອໄປສູ່ຄົນໃນຕະຫຼາດຂາຍສັດປ່າທີ່ ອູຮັ່ນ ໃນທ້າຍປີກາຍນີ້.

ປັດຈຸບັນ, ອົງການອານາໄມໂລກກຳລັງປະເຊີນກັບການຕິຕຽນຢ່າງໜັກຈາກ ປະທານາທີບໍດີ ໂດນັລທຣຳ ຂອງສະຫະລັດອາເມລິກາ. ຕົ້ນເດືອນເມສານີ້ ທ່ານ ທຣຳໄດ້ງົດໃຫ້ການຊ່ວຍເຫຼືອແກ່ ອົງການອານາໄມໂລກ ຊຶ່ງກ່າວຫາວ່າ ອົງການອານາໄມໂລກບໍ່ໃຫ້ຄວາມສຳຄັນກ່ຽວກັບຄວາມອັນຕະລາຍຂອງພະຍາດດັ່ງກ່າວ ແລະ ເຂົ້າຂ້າງຈີນເກີນໄປ.

ອົງການອານາໄມໂລກ(who)ຢາກຮ່ວມກວດສອບທີ່ມາຂອງ ໂຄວິດ ກັບຈີນ - WhatsApp Image 2020 05 27 at 5 - ອົງການອານາໄມໂລກ(WHO)ຢາກຮ່ວມກວດສອບທີ່ມາຂອງ ໂຄວິດ ກັບຈີນ
ອົງການອານາໄມໂລກ(who)ຢາກຮ່ວມກວດສອບທີ່ມາຂອງ ໂຄວິດ ກັບຈີນ - WhatsApp Image 2020 05 27 at 5 - ອົງການອານາໄມໂລກ(WHO)ຢາກຮ່ວມກວດສອບທີ່ມາຂອງ ໂຄວິດ ກັບຈີນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!