WHO ຊື່ນຊົມອູ່ຮັ້ນ ຫລັງບໍ່ພົບຜູ້ປ່ວຍໂຄວິດ-19

ວັນທີ 2 ພຶດສະພາ ອົງການອະນາໂມໂລກ WHO ກ່າວຊືນຊົມ ແລະ ສະແດງຄວາມຍິນດີກັບທາງການອູ່ຮັ້ນ ແຂວງຫູເປຍ ສປຈີນ ທີ່ບໍ່ພົບຜູ້ປ່ວຍໂຄວິດ-19 ທີ່ມີອາການຮ້າຍແຮງນັ້ນ ພາຍຫລັງຍົກເລິກມາດຕະການປິດເມືອງໃນເດືອນເມສາຜ່ານມານີ້.“ຖືເປັນເລື່ອງຍິນດີທີ່ບໍ່ມີຜູ້ປ່ວຍໂຄວິດ-19 ອີກແລ້ວ ຫລັງຈາກຜູ້ຄົນໃນເມືອງແຫ່ງນີ້ພົບສະຖານນະການທີ່ຍາກລຳບາກເມື່ອໄລຍະຕົ້ນປີນີ້, ຈົນບໍ່ມີຫຍັງເວົ້າອີກ ນອກຈາກຄຳຊື່ນຊົມ ແລະ ຂອບໃຈສຳລັບຄວາມພະຍາຍາມຢ່າງບໍ່ທໍ້ຖອຍຂອງປະຊາຊົນເມືອງອູ່ຮັ້ນທຸກຄົນ”.ລ່າສຸດ ຈີນມີຜູ້ປ່ວຍໂຄວິດ-19 ສະສົມປະມານ 83.000 ຄົນ ຮັກສາຫາຍດີແລ້ວກວ່າ 77.000 ຄົນ, ເສຍຊີວິດ 4.633 ຄົນ. ປັດຈຸບັນມີຜູ້ປ່ວຍໂຄວິດ-19 ທີ່ມີອາການຮຸນແຮງ ພຽງ 37 ຄົນເທົານັ້ນ.

ເມືອງອຸ່ຮັ້ນຖືເປັນສູນກາງແຜ່ລະບາດຂອງໂຄວິດ-19 ໃນໄລຍະທຳອິດເລີ່ມແຕ່ທ້າຍປີ 2019 ຜ່ານມາ, ກ່ອນທີ່ສູນກາງການແຜ່ລະບາດຈະຂະຫຍາຍໄປສູ່ບ່ອນອື່ນໆດັ່ງອາເມລິກາ, ອາຟຣິກກາ, ເອີລົບທີ່ຍັງສືບຕໍ່ຮ້າຍແຮງໃນປັດຈຸບັນ.