ຍີ່ປຸ່ນຕຽມຂະຫຍາຍພາວະສຸກເສີນອອກໄປອີກ 1 ເດືອນ ຄາດວ່າຈະມີຄົນຕົກງານເພີ່ມເປັນ 780 ພັນຄົນຍ້ອນໂຄວິດ-19

ວັນທີ 2 ພຶດສະພານີ້, ທາງການຍີ່ປຸ່ນຕຽມຂະຫຍາຍໄລຍະເວລາພາວະສຸກເສີນທົ່ວປະເທດອອກໄປອີກ 1 ເດືອນ ຫລັງຍີ່ປຸ່ນມີຍອດຜູ້ຕິດເຊື້ອຄົນໃຫມ່ເພີ່ມ ເປັນ 261 ຄົນ ແລະ ເສຍຊີວິດ 26 ຄົນ, ວານນີ້ ລັດຖະບານໄດ້ພິຈາລະນາ ແລະ ຈະປະກາດຢ່າງເປັນທາງການໃນວັນຈັນທີຈະເຖິງນີ້,ໂດຍນັກເສດຖະກິດຄາດການວ່າ:ຖ້າມີການຂະຫຍາຍໄລຍະພາວະສຸກເສີນອອກໄປອີກ 1 ເດືອນ, ຕົວເລກຂອງຄົນຕົກງານໃນຍີ່ປຸ່ນອາດເພີ່ມຂຶ້ນອີກເທົ່າຕົວເປັນ 780 ພັນຄົນ.ຊຶ່ງລ່າສຸດ ຍີ່ປຸ່ນມີຜູ້ປ່ວຍໂຄວິດ-19 ສະສົມ 14.304 ຄົນ, ຮັກສາຫາຍດີແລ້ວ 2.975 ຄົນ, ເສຍຊີວິດ 455 ຄົນ, ຫລັງການແຜ່ລະບາດຜ່ານມາດົນກວ່າ 4 ເດືອນ ໂດຍສາທາລະນາສຸກຍີ່ປຸ່ນກວດຫາເຊື້ອໄປແລ້ວປະມານ 170 ພັນຄົນ, ປະມານ 1.400 ຄົນຕໍ່ຈຳນວນປະກອນ 1 ລ້ານຄົນ.

ນັກເສດຖະເສດປະຈຳ Nomura Research Institute ຄາດວ່າ: ການຂະຫຍາຍໄລຍະພາວະສຸກເສີນອອກໄປອີກ 1 ເດືອນ ເພື່ອຮັບມືໂຄວິດ-19 ອາດສົ່ງຜົນໃຫ້ເມັດເງິນຈາກການບໍລິໂພກຂອງພາກເອກະຊົນລຸດລົງ 13,9 ລ້ານລ້ານເຢນ.ໂດຍລັດຖະບານຍີ່ປຸ່ນປະກາດສະຖານະການສຸກເສີນທົ່ວປະເທດໃນວັນທີ 7 ເມສາທີ່ຜ່ານມາ ເຊິ່ງຕາມກຳນົດຄືເກົ່າໄລຍະເວລາດັ່ງກ່າວຈະສິ້ນສຸດໃນວັນທີ 6 ພຶດສະພານີ້.