ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ?

ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ? - 33 - ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ?
ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ? - Untitled design - ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ?

ໂດຍ:​ມຶກບໍ່ແຫ້ງ

ໜຶ່ງໃນພາກສ່ວນທີ່ໄດ້ຮັບຜົນກະທົບໜັກຈາກການລະບາດຂອງພະຍາດໂຄວິດ 19​ ກໍແມ່ນ ພາກສ່ວນທຸລະກິດ, ເຮົາມາເບິ່ງວ່າ ຢູ່ນະຄອນຫຼວງວຽງຈັນ ນັ້ນຈະເປັນແນວໃດ?

ໃນເດືອນ ມີນາ 2020​ ທີ່ຜ່ານມາ ສະຖາບັນຄົ້ນຄວ້າ ເສດຖະກິດ ອຸດສາຫະກຳ ແລະການຄ້າ ກະຊວງອຸດສາຫະກຳ ແລະ ການຄ້າ ໄດ້ ເຮັດການສຶກສາ ຄົ້ນຄວ້າເຖິງຜົນກະທົບ ເນື່ອງຈາກ ພະຍາດໂຄວິດ 19 ລະບາດ ຕໍ່ທຸລະກິດຢູ່ນະຄອນຫຼວງວຽງຈັນ.

ໃນບົດຄົ້ນຄວ້າ ດັ່ງກ່າວ ຊີ້ໃຫ້ເຫັນວ່າ ຜູ້ປະກອບການ ຂາຍເຄື່ອງແຫ້ງນັ້ນໄດ້ຮັບຜົນກະໜ້ອຍກວ່າ ພາກສ່ວນອື່ນ ເພາະ ຍັງມີການສະໜອງ ເຄື່ອງຂອງ ເພື່ອຂາຍ ເກືອບວ່າຜົກກະຕິ ແລະ ການຊື້ ເຄື່ອງຂອງ ຈາກຮ້ານຂາຍເຄື່ອງ ຖືວ່າບໍ່ໄດ້ຫຼຸດລົງຫຼາຍ.

ແຕ່ແນວໃດກໍຕາມ ຜູ້ທີ່ປະກອບທຸລະກິດ ການຂາຍເຄື່ອງນຸ່ງ ແມ່ນໄດ້ຮັບຜົນກະທົບຈະແຈ້ງ ເຊິ່ງ ບາງ ຄົນໄດ້ຮັບຜົນກະທົບສູງສຸດຮອດ 95% ເຊິ່ງເຫດຜົນກໍຄື ເຄື່ອງນຸ່ງ ແມ່ນສິ່ງຂອງທີ່ຈຳເປັນໜ້ອຍກວ່າ ອັນອື່ນ ໂດຍສະເພາະ ອາຫານ ການກິນ ບວກໃສ່ກັບ ບໍ່ມີງານບຸນ ເທດສະການຕ່າງໆ ຍິ່ງເຮັດ ໃຫ້ຍອດຂາຍຫຼຸດລົງຫຼາຍ ເຊິ່ງໂດຍລວມແລ້ວ ການຈຳໜ່າຍຫຼຸດລົງຮອດ 80%.

ນອກນັ້ນ ບັນດາ ບໍລິສັດສົ່ງສິນຄ້າ ກໍມີຜົນກະທົບ ເຊັ່ນກັນ ໂດຍ ຍອດຈອງສິນຄ້າຫຼຸດລົງ ເກືອບເຄິ່ງ ແລະ ພ້ອມນັ້ນ ທາງ ຄະນະຄົ້ນຄວ້າ ເພິ່ນກໍໄດ້ ສຶກສາ ກ່ຽວກັບ ບໍລິສັດຜະລິດຢາ ຕື່ມອີກ, ສຳລັບບໍລິສັດ ຜະລິດຢານັ້ນ ຖືໄດ້ວ່າ ເປັນ ຊ່ວງທີ່ເຮັດວຽກໜັກ ພໍສົມຄວນ ໂດຍສະເພາະ ການຜະລິດ ນໍ້າຢາລ້າງມື (ເຫຼົ້າ 90) ເຊັ່ນ ບໍລິສັດ ຢາເລກ 3 ຜະລິດ 5000 ຕຸກຕໍ່ມື້ ແລະ ບໍລິສັດ ຊີບີເອັມ (CBM) ຜະລິດ 3000​ຕຸກ ຕໍ່ມື້.

ສັງເກດເຫັນວ່າ ໃນບັນດາ ພາກສ່ວນທີ່ ຄະນະຄົ້ນຄວ້າ ເພິ່ນໄດ້ສຶກສານັ້ນ ແມ່ນໄດ້ຮັບຜົນກະທົບ ໂດຍສະເພາະ ຜູ້ຈຳໜ່າຍເຄື່ອງນຸ່ງ ແຕ່ ພາກສ່ວນອື່ນເຊັ່ນ ຜູ້ຂາຍເຄື່ອງແຫ້ງ, ບໍລິສັດສົ່ງສິນຄ້າ ແມ່ນໄດ້ຮັບຜົນກະທົບ ແຕ່ບໍ່ໜັກຫຼາຍປານໃດ.

ຄະນະຄົ້ນຄວ້າດັ່ງກ່າວ ເພິ່ນກໍມີຂໍ້ສັງເກດວ່າ ການສ້າງດູນການສະໜອງ ແລະ ຄວາມຕ້ອງການ ຂອງສິນຄ້າ ເພື່ອຄວບຄຸມການສວຍໂອກາດ ໃນການຂຶ້ນລາຄາສິນຄ້ານັ້ນ ຖືວ່າເປັນສິ່ງທ້າທາຍສົມຄວນ, ນອກນັ້ນ ການໃຫ້ການຊ່ວຍເຫຼືອ ຕໍ່ຫົວໜ່ວຍທຸລະກິດ ທີ່ຖືກຜົນກະທົບໜັກນັ້ນ ກໍແມ່ນວຽກງານທີ່ສຳຄັນທີ່ສຸດ ຂອງຂະແໜງ ອຸດສາກະກຳ ແລະ ການຄ້າ ພາຍຫຼັງ ການລະບາດຂອງພະຍາດ ໂຄວິດ 19 ເບົາບາງລົງ.

ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ? - Wave100S AD to Website 2020 0 - ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ?

ນອກນັ້ນ ຄະນະຄົ້ນຄວ້າ ກໍຄິດວ່າ ໃນຊ່ວງໄລຍະ ວິກິດ ຄືແນວນີ້ ດີແທ້ ແມ່ນຕ້ອງ ໄດ້ ອຳນວຍການຄ້າລະຫວ່າງ ປະເທດ ເພື່ອຊ່ວຍໃນການຄວບຄຸມລາຄາສິນຄ້າ, ພ້ອມນັ້ນ ກໍຫາຊ່ອງທາງໃນການ ຊ່ວຍເຫຼືອ ທຸລະກິດຂະໜາດ ນ້ອຍ-ກາງ ໂດຍການ ປ່ອຍສິນເຊື່ອຮອບໃໝ່ ແລະ ອີກບັນຫາໜຶ່ງ ກໍຄວນ ພິຈາລະນາ ຜ່ອນຜັນ ການເກັບອາກອນ ນຳຜູ້ໄດ້ຮັບຜົນກະທົບ ເປັນຕົ້ນ.

ແນ່ນອນ ນອກເໜືອຈາກ ບັນດາຂະແໜງການທີ່ໄດ້ສຶກສາຂ້າງເທີງນັ້ນແລ້ວ ກໍຍັງມີຫຼາຍຂະແໜງການ ທີ່ໄດ້ ຮັບຜົນກະທົບ ເຊັ່ນດຽວກັນ ເປັນຕົ້ນ ການທ່ອງທ່ຽວ, ການຂົນສົ່ງ ແລະ ອື່ນໆ ເຊິ່ງພວກເຮົາຄວນໄດ້ເກັບກຳ ຂໍ້ມູນ ຢ່າງລະອຽດ ເພື່ອການວາງແຜນຟື້ນຟູ ຕື່ມອີກ.

ຫັນວິກິດໃຫ້ເປັນໂອກາດ! ເມື່ອມີບົດຮຽນ ຄືແນວນີ້ ມັນເປັນໂອກາດທີ່ດີ ທີ່ພວກເຮົາຕ້ອງກຸ້ມຕົນເອງ ເພີ່ງຕົນເອງຫຼາຍຂຶ້ນ ໂດຍສະເພາະການສົ່ງເສີມການຜະລິດພາຍໃນ ແທນທີ່ຈະກາງຕໍ່ໃສ່ການນຳເຂົ້າ ເຊິ່ງບາງອັນພວກເຮົາກໍຄວນກຸ້ມຕົນເອງໄດ້ແລ້ວ ເຊັ່ນ ການຜະລິດຜ້າອັດປາກ ແລະ ອື່ນໆ.

 

 

ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ? - WhatsApp Image 2020 05 27 at 5 - ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ?
ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ? - WhatsApp Image 2020 05 27 at 5 - ໂຄວິດ 19 ມີຜົນກະທົບຕໍ່ ທຸລະກິດ ຢູ່ນະຄອນຫຼວງວຽງຈັນແນວໃດ?
error: Alert: ເນື້ອຫາຂ່າວມີລິຂະສິດ !!