ຍອດຕິດເຊື້ອໂຄວິດ-19 ສະສົມທົ່ວໂລກທະລຸ 3,5 ລ້ານຄົນ ບຣາຊິວມີຜູ້ປ່ວຍເປັນຫລັກແສນເປັນ ປະເທດທີ 9
ວັນທີ 4 ພຶດສະພາ ຕອນເຊົ້ານີ້ຕາມເວລາປະເທດໄທ ສູນວິທະຍາສາດ ແລະ ວິສະວະກຳ ເຊິ່ງລະບົບ (CSSE) ແຫ່ງ ວິທະຍາໄລຈອນ ຮອບກິນ ລາຍງານວ່າ ຂະນະນີ້ຍອດລວມຜູ້ຕິດເຊື້ອໂຄວິດ-19 ສະສົມທົ່ວໂລກໄດ້ເພີ່ມຂຶ້ນສູ່ລະດັບ 3,506,924 ຄົນ ມີຜູ້ເສຍຊີວິດ 247.473 ຄົນຮັກສາຫາຍແລ້ວ 1,125,255 ຄົນ.
ປະເທດທີ່ມີຜູ້ຕິດເຊື້ອ ແລະ ເສຍຊີວິດຫລາຍທີ່ສຸດໃນໂລກຍັງຄົງເປັນສະຫະລັດອາເມລິກາ ທີ່ມີຜູ້ຕິດເຊື້ອສະສົມຈຳນວນ 1,158,041 ຄົນ ເສຍຊີວິດ 67,682 ຄົນ, ຕໍ່ມາ ແອດສະປາຍ 217.466 ຄົນ, ອີຕາລີ 210,717 ຄົນ, ສະຫະຣາຊະອານາຈັກ 187.842 ຄົນ ແລະ ຝຣັ່ງ 168.925 ຄົນ ເຊິ່ງຢູ່ໃນກຸ່ມປະເທດທີ່ມີຈຳນວນຜູ້ຕິດເຊື້ອສູງທີ່ສຸດ 5 ອັນດັບທຳອິດ.
ໃນຂະນະທີ່ບຣາຊິວຖືເປັນປະເທດທີ 9 ທີ່ມີຈຳນວນຜູ້ປ່ວຍຕິດເຊື້ອເປັນຫລັກແສນຄົນ ໂດຍຍອດລ່າສຸດມີຈຳນວນ 101.826 ຄົນ ຫລັງພົບຜູ້ຕິດເຊື້ອເພີ່ມພາຍໃນມື້ດຽວ4.500 ຄົນ ມີຜູ້ເສຍຊີວິດທັງໝົດປະມານ 7.025 ຄົນ.