ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ”

ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ” - 50 scaled - ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ”
ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ” - Untitled design - ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ”

ຜູ້ນຳ​​ໂລກ ​ແລະ ອົງການ​ສາກົນ ປະກາດ​ຮ່ວມ​ກັນ​ໃຫ້​ເງິນ 8.000 ລ້ານ​ໂດ​ລາ​ສະຫະລັດ ​ເພື່ອ​ການ​ວິ​ໄຈ, ຜະລິດ ​ແລະ ​ແຈກ​ຢາຍ​ວັກ​ແຊງ​ຕ້ານ​ໄວຣັສ​ໂຄ​​ໂຣນາສາ​ຍພັນ​ໃໝ່ ລວມທັງ​ການ​ປິ່ນປົວ​ຜູ້​ຕິດ​ເຊື້ອ​ໂຄ​ວິດ-19. ຂະະ​ທີ່ ອາ​ເມ​ລິ​ກາ​ໄດ້​ປະຕິ​ເສດ​ທີ່​ຈະ​ມີ​ສ່ວນ​ຮ່ວມ​ກັບ​ຄວາ​ມພະຍາຍາມ​ຂອງ​ທົ່ວ​ໂລກ​ໃນ​ການ​ຕໍ່ສູ້​ກັບ​ການ​ແຜ່​ລະບາດ​ໃຫຍ່​ຄັ້ງນີ້.

ການຈັດ​ເວທີ​ຫາລື​ລະດັບ​ຜູ້ນຳ​ເພື່ອ​ລະດົມ​ການ​ຊ່ວຍ​ເຫລືອ​ດັ່ງກ່າວ​ເປັນ​ຂໍ້​ລິ​ເລີ່​ມຂອງ​ສະຫະພາບ​ເອີຣົບ ​ໂດຍ​ມີ 40 ກວ່າ​ປະ​ເທດ ​ແລະ ອົງການ​ສາກົນ​ ​ເຂົ້າຮ່ວມ​ປະຊຸມ​ຜ່ານ​ລະບົບ​ວີ​ດີ​ໂອ​ຄອນ​ເຟີ​ເຣນ ​ເຊິ່ງປະ​ເທດ ​ແລະ ອົງການ​ຜູ້​ຮ່ວມ​ບໍລິຈາກ​ໄດ້​ປະກາດ​ໃຫ້​ເງິນ​ສະໜັບສະໜູນ​ຄວາມ​ພະຍາຍາມ​ໃນ​ການ​ຕໍ່ສູ້​ກັບ​ໄວຣັສ​ໂຄ​ໂຣນາສາ​ຍພັນ​ໃໝ່.

ທ່ານ ນາງ ອູ​ຊຸ​ລາ ວອນ ​ເດິ ​ເລ​ເຢນ ປະທານ​ຄະນະ​ກຳມາ​ທິການ​ສະຫະພາບ​ເອີຣົບ (EC) ກ່າວ​ວ່າ: ​ເງິນ​ທີ່​ໄດ້​ມາ​ຈະ​ໃຊ້​ເພື່ອ​ຊ່ວຍ​ເລີ່​ມຕົ້ນການ​ຮ່ວມ​ມື​ໃນ​ລະດັບ​ໂລກ ​ເຊິ່ງ​ເປັນ​ສິ່ງ​ທີ່​ບໍ່​ເຄີຍ​ເກີດ​ຂຶ້ນມາ​ກ່ອນ ​ແລະ ຍັງ​ສະທ້ອນ​ໃຫ້​ເຫັນ​ເຖິງ​ຄຸນຄ່າ​ທີ່​ແທ້​ຈິງ​ຂອງ​ຄວາມ​ເປັນ​ໜຶ່ງ​ດຽວ ​ແລະ ມະນຸດສະທຳ. ​ເຖິງ​ຢ່າງ​ໃດ​ກໍ​ດີ, ທ່ານ​ຍັງ​ເຕືອນ​ວ່າ: ຍັງ​ຈຳ​ເປັນຕ້ອງ​ໃຊ້​ເງິນ​ອີກ​ຈຳນວນ​ຫລາຍ​ສຳລັບ​ການ​ດຳ​ເນີນ​ງານ​ຕໍ່​ໄປ​ໃນ​ເວລາ​ຕໍ່ໜ້າ.

ທັງ​ນີ້ EC ​ໄດ້​ປະກາດ​ໃຫ້​ເງິນ​ສະໜັບສະໜູນ 1.000 ລ້ານ​ໂດ​ລາ​ສະຫະລັດ ​ເຊິ່ງ​ເປັນ​ຕົວ​ເລກ​ດຽວ​ກັບ​ນອກ​ແວ, ສ່ວນ​ຍີ່ປຸ່ນ​ໃຫ້​ເງິນ​ສະໜັບສະໜູນ 800 ກວ່າ​ລ້ານ​ໂດ​ລາ​ສະຫະລັດ, ສ່ວນ​ຝຣັ່ງ, ອາຣັບບີ ຊາ​ອຸ​ດິດ ​ແລະ ​ເຢຍລະ​ມັນ ປະກາດ​ລົງ​ເງິນ​ສົມທົບ 500 ລ້ານ​ໂດ​ລາ​ສະຫະລັດ.

ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ” - Wave100S AD to Website 2020 0 - ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ”

ຂະນະ​ທີ່​ ອາ​ເມ​ລິ​ກາ ​ແລະ ຣັດ​ເຊຍ ບໍ່​ໄດ້​ເຂົ້າມາ​ມີ​ສ່ວນ​ຮ່ວມ​ນຳ​ກອງ​ປະຊຸມ​ສຸດ​ຍອດ​ດັ່ງກ່າວ​ແຕ່​ຢ່າງ​ໃດ, ສ່ວນ​ຈີນ ​ເຊິ່ງ​ເປັນຕົ້ນຕໍ​ການ​ແຜ່​ລະບາດ​ຂອງ​​ໄວຣັສ​ໂຄ​ໂຣນາສາ​ຍພັນ​ໃໝ່​ໄດ້​ມອບ​ໃຫ້​ເອກ​ອັກຄະຣາຊະ​ທູດ​ຈີນ​ປະຈຳ​ສະຫະພາບ​ເອີຣົບ​ເຂົ້າຮ່ວມ​ປະຊຸມ.

EU ລະບຸ​ວ່າ: ​ໃນ​ຈຳນວນ​ເງິນ​ທີ່​ສາມາດ​ລະດົມ​ກັນ​ໄດ້​ໃນ​ກອງ​ປະຊຸມ​ຄັ້ງນີ້​ປະມານ 4.400 ລ້ານ ຈະ​ໃຊ້​ເພື່ອ​ການ​ພັດທະນາ​ວັກ​ແຊງ. ຂະນະ​ທີ່ 2.000 ລ້ານ​ຈະ​ໃຊ້​ໃນ​ການ​ວິ​ໄຈ​ເພື່ອ​ການ​ປິ່ນປົວ​ຜູ້​ຕິດ​ເຊື້ອ ​ແລະ ອີກ 1.600 ລ້ານ​ຈະ​ໃຊ້​ໃນ​ການ​ຜະລິດ​ຊຸດ​ກວດ​ສອບ.

ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ” - WhatsApp Image 2020 05 27 at 5 - ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ”
ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ” - WhatsApp Image 2020 05 27 at 5 - ຜູ້ນຳໂລກ-ອົງການສາກົນລົງເງິນ 8.000 ລ້ານໂດລາ ສູ້ເສິກ “ໂຄວິດ”
error: Alert: ເນື້ອຫາຂ່າວມີລິຂະສິດ !!