ໂຄວິດຂ້າຊີວິດຊາວໂລກ 250.000 ຄົນແລ້ວ

ໂຄວິດຂ້າຊີວິດຊາວໂລກ 250.000 ຄົນແລ້ວ - 52 - ໂຄວິດຂ້າຊີວິດຊາວໂລກ 250.000 ຄົນແລ້ວ
ໂຄວິດຂ້າຊີວິດຊາວໂລກ 250.000 ຄົນແລ້ວ - Untitled design - ໂຄວິດຂ້າຊີວິດຊາວໂລກ 250.000 ຄົນແລ້ວ

ຜູ້​ເສຍ​ຊີວິດ​ຈາກ​ໂຄ​ວິດ-19 ທົ່ວ​ໂລກ​ມີ​ສູງ​ເຖິງ 250.000 ຄົນ​ແລ້ວ, ສ່ວນ​ຕິດ​ເຊື້ອສູງ​ເຖິງ 3,5 ລ້ານ​ຄົນ​ ​ແຕ່​ສັນຍານ​ທີ່​ດີ​ເກີດ​ຂຶ້ນ​ໃນ​ອາ​ເມ​ລິ​ກາ​ທີ່​ມີ​ຜູ້​ຕິດ​ເຊື້ອຫລາຍ​ທີ່​ສຸດ ​ເນື່ອງ​ຈາກ​ນິວຢອກ​ລາຍ​ງານ​ວ່າ​ມີ​ຜູ້​ຕິດ​ເຊື້ອ​ໃໝ່​ໜ້ອຍ​ທີ່​ສຸດ​ນັບ​ແຕ່​ກາງ​ເດືອນ​ມີນາ ​ແລະ ​ແຄ​ລິ​ຟໍ​ເນຍກຽມ​ຫລຸດຜ່ອນ​ມາດ​ຕະການ​ລັອກດາວ.

ປະ​ເທດ​ທີ່​ໄດ້​ຮັບ​ຜົນ​ກະທົບ​ຫລາຍ​ທີ່​ສຸດ​ໃນ​ເອີຣົບ​ເລີ່​ມຫລຸດຜ່ອນ​ມາດ​ຕະການ​ລັອກດາວ​ເຊັ່ນ​ກັນ​​ເຊັ່ນ: ອິຕາ​ລີ​ເລີ່​ມ​ເປີດ​ເສດຖະກິດ​ໃໝ່​ອີກ ຫລັງ​ຈາກ​ປິດ​ມາ 2 ​ເດືອນ,​ ​ແຕ່​ນາຍົກລັດຖະມົນຕີຂອງອິຕາ​ລີ​ຍັງ​ຖືກ​ວິພາກ​ວິຈານ​ວ່າ​ຍັງ​ເຂັ້ມງວດ ​ແລະ ລະວັງ​ຈົນ​ເກີນ​ໄປ, ສ່ວນ​ສະ​ເປ​ນ​ເລີ່​ມຫລຸດຜ່ອນ​ລັອກດາວ​ເຊັ່ນ​ກັນ ຫລັງ​ປິດ​ເມືອງມາ​ຫລາຍ​ອາທິດ.

    ອັບ​ເດດ​ສະຖານະ​ການ

ໂຄວິດຂ້າຊີວິດຊາວໂລກ 250.000 ຄົນແລ້ວ - Wave100S AD to Website 2020 0 - ໂຄວິດຂ້າຊີວິດຊາວໂລກ 250.000 ຄົນແລ້ວ
  1. ອາ​ເມ​ລິ​ກາ​ຍັງ​ໄດ້​ຮັບ​ຜົນ​ກະທົບ​ຢ່າງ​ຮຸນ​ແຮງ​ກວ່າ​ປະ​ເທດ​ອື່ນໆ ​ເຖິງ​ວ່າການ​ເສຍ​ຊີວິດ​ໃນ​ຮອບ 24 ຊົ່ວ​ໂມງ​ຜ່ານ​ມາ​ເພີ່ມ​ຂຶ້ນຕໍ່າ​ສຸດ​ນັບ​ແຕ່​ເດືອນ​ຜ່ານ​ມາ ​ໂດຍ​ສະຖິຕິ​ຫລ້າ​ສຸດ​ເສຍ​ຊີວິດ 1.015 ຄົນ​ໃນ 24 ຊົ່ວ​ໂມງ.
  2. ຣັດ​ເຊຍ​ມີ​ຜູ້​ຕິດ​ເຊື້ອ​ໃໝ່​ຫລາຍ​ກວ່າ 10.000 ຄົນ​ເປັນ​ມື້ທີ​ສອງ. ທ່ານ Sergei Sobyanin ​ເຈົ້າຄອງ​ນະຄອນຫລວງ​ມົດ​ສະ​ກູ ກ່າວ​ຕໍ່​ປະຊາຊົນ​ວ່າ: “​ໄພ​ຄຸກ​ຄາມ​ກຳລັງ​ເພີ່ມ​ຂຶ້ນຢ່າງ​ຈະ​ແຈ້ງ”.
  3. ສະ​ເປ​ນ ​ແລະ ​ໂປຣຕຸ​ເກສ ສັ່ງ​ໃຫ້​ປະຊາຊົນ​ຕ້ອງ​ໃສ່​ຜ້າ​ອັດ​ປາກ​ທຸກ​ຄົນ​ເມື່ອ​ໃຊ້​ລະບົບ​ຂົນ​ສົ່ງ​ສາທາລະນະ ​ໂດ​ຍ​ເລີ່​ມ​ແຕ່​ວັນ​ທີ 4 ພຶດສະພາ ​ເພື່ອ​ຮອງ​ຮັບ​ມາດ​ຕະການ​ປົດ​ລັອກການ​ປົດ​ລັອກ​ເພີ່ມ​ຕື່ມ.
  4. ສະ​ໂລ​ວານີ, ​ໂປ​​ແລນ ​ແລະ ຮົງ​ກາລີ ອະນຸຍາດ​ໃຫ້​ພື້ນທີ່​ສາທາລະນະ ​ແລະ ທຸລະ​ກິດ​ເປີດ​ບໍລິການ​ໄດ້​ບາງ​ສ່ວນ.
  5. ​ເຖິງ​ວ່າ​ອາ​ເມ​ລິ​ກາ​ຈະ​ຕັດ​ການ​ຊ່ວຍ​ເຫລືອ ​ແຕ່​ອົງການ​ອະນາ​ໄມ​ໂລກ (WHO) ຍັງ​ສາມາດ​ລະດົມ​ທຶນ​ໄດ້ 8.100 ລ້ານ​ໂດ​ລາ​ສະຫະລັດ ​ເພື່ອສະໜັບສະໜູນ​ຄວາມ​ພະຍາຍາມ​ຂອງ​ບັນດາ​ປະ​ເທດ​ໃນ​ການ​ພັດທະນາ ​ແລະ ຜະລິດ​ວັກ​ແຊງ ​ເພື່ອ​ຢຸດ​ການ​ແຜ່​ລະບາດ​ຂອງ​ໄວຣັສ.
  6. ຜູ້ນຳ​ຂອງ​ມະຫາ​ອຳນາດ​ສຳຄັນ​ໃນ​ເອີຣົບ, ຍີ່ປຸ່ນ ​ແລະ ກາ​ນາ​ດາ ບໍລິຈາກ​ເງິນ​ຈຳນວນ​ຫລາຍ​ຊ່ວຍ WHO ຫລຸດ​ທີ່​ສຸດ ພ້ອມ​ກັບ​ມະຫາ​ເສດຖີ​ຄື: ບິ​ລ ​ແລະ ​ເມ​ລິນ​ດາ​ເກດ ພ້ອມ​ຮຽກຮ້ອງ​ໃຫ້​ມີ​ການ​ຮ່ວມ​ມື​ກັນ ​ແລະ ບໍ່​ແມ່ນ​ການ​ແຂ່ງຂັນ​ກັນ ​ເພື່ອ​ຄົ້ນຫາ​ວິທີ​ການ​ປິ່ນປົວ.
  7. ອາ​ເມ​ລິ​ກາສະ​ແດງ​ທ່າ​ທີ​ແກ້ໜ້າ​ທີ່​ຕົນ​ເອງ​ບໍ່​ໄດ້​ມີ​ສ່ວນ​ຮ່ວມ​ກັບ​ການ​ລະດົມ​ທຶນ ​ໂດຍ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ອອກຖະ​ແຫລ​ງການ​ປະກາດ​ວ່າ: ອາ​ເມ​ລິ​ກາ​ກຳລັງ​ເປັນ​ຜູ້ນຳ​ໃນ​ການ​ຕອບ​ສະໜອງ​ຕໍ່​ການລະບາດ​ຂອງ​ໂຄ​ວິດ-19 ທົ່ວ​ໂລກ ​ແລະ ກ່າວ​ວ່າ: ​ໄດ້​ໃຊ້​ເງິນ​ຫລາຍ​ກວ່າ 1.000 ລ້ານ​ໂດ​ລາ ​ພ້ອມ​ກັບ​ບໍລິສັດ​ຢາ​ຕ່າງໆ​ຢູ່​ອາ​ເມ​ລິ​ກາ​ເພື່ອ​ຄິດ​ຄົ້ນວັກ​ແຊງ.
ໂຄວິດຂ້າຊີວິດຊາວໂລກ 250.000 ຄົນແລ້ວ - WhatsApp Image 2020 05 27 at 5 - ໂຄວິດຂ້າຊີວິດຊາວໂລກ 250.000 ຄົນແລ້ວ
ໂຄວິດຂ້າຊີວິດຊາວໂລກ 250.000 ຄົນແລ້ວ - WhatsApp Image 2020 05 27 at 5 - ໂຄວິດຂ້າຊີວິດຊາວໂລກ 250.000 ຄົນແລ້ວ
error: Alert: ເນື້ອຫາຂ່າວມີລິຂະສິດ !!