ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ

ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ - 63 - ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ
ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ - Untitled design - ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ

     ຖ້າ​ມະນຸດຍັງ​ບໍ່​ອາດ​ຫລຸດ​ການ​ປ່ອຍ​ແກັສກາກ​ບອນ​ສູ່​ຊັ້ນບັນຍາກາດ​ໄດ້ ຈະ​ເກີດ​ການ​ປ່ຽນ​ແປງ​ສະພາບ​ອາກາດ​ຄັ້ງ​ໃຫຍ່​ຢູ່​ຜືນ​ແຜ່ນດິນ​ເກືອບ 20% ຂອງ​ໂລກ​ພາຍ​ໃນ​ປີ 2070 ​ເຊິ່ງຈະ​ສົ່ງ​ຜົນ​​ໃຫ້​ປະຊາກອນ​ປະມານ 3.000 ລ້ານ​ຄົນ ຫລື 1 ​ໃນ 3 ຂອງ​ມະນຸດ​ທັງ​ໝົດ ຕ້ອງ​ຕົກ​ຢູ່​ໃນ​ສະພາບ​ອາກາດ​ຮ້ອນ​ເອົ້າຄື​ທະ​ເລ​ຊາຍຊາ​ຮາຣາ.

ຄຳ​ພະຍາກອນ​ເບື້ອງຕົ້ນມາ​ຈາກ​ຜົນ​ການ​ສຶກສາ​ດ້ວຍ​ແບບ​ຈຳລອງ​ຄອມ​ພິວ​ເຕີ ​ເຊິ່ງ​ເຮັດ​ໂດຍ​ຄະນະ​ນັກວິທະຍາສາດ​ນາໆ​ຊາດ​ຈາກ​ຈີນ, ອາ​ເມ​ລິ​ກາ ລວມທັງຫລາຍ​ປະ​ເທດ​ຢູ່​ເອີຣົບ ​ແລະ ຫາ​ກໍ​ລົງ​ຕີ​ພິມ​ໃນ​ວາລະສານ​ວິຊາ​ການ PNAS ​ໃນ​ວັນ​ທີ 4 ພຶດສະພາ​ຜ່ານ​ມາ.

ມີ​ການ​ເອົາ​ຂໍ້​ມູນ​ປະຫວັດສາດ ​ແລະ ຂໍ້​ມູນ​ສະພາບ​ອາກາດ​ຢ້ອນ​ຫລັງ​ໄປ 6.000 ປີ​ມາ​ວິ​ເຄາະ ຈົນ​ພົບ​ວ່າ​ມະນຸດ​ສາມາດ​ດຳລົງ​ຊີວິດ ​ແລະ ປະສົບ​ຜົນສຳ​ເລັດ​ໃນ​ການ​ສ້າງອາ​ລິ​ຍະ​ທຳ​ໄດ້​ດີ​ໃນ​ສິ່ງ​ແວດ​ລ້ອມ​ຫລາກ​ຫລາຍ​ຮູບ​ແບບ, ​ແຕ່​ໃນ​ປັດ​ໄຈ​ເລື່ອງ​ອຸນຫະພູມ​ແລ້ວ ​ເບິ່ງ​ຄື​ວ່າ​ສະພາ​ບອາກາດ​ທີ່​ມະນຸດ​ຈະ​ດຳລົງ​ຊີວິດ​ໄດ້​ດີ​ທີ່​ສຸດ​ນັ້ນ ຈະ​ຕ້ອງ​ມີ​ອຸນຫະພູມ​ສະ​ເລ່ຍຂອງໝົດ​ປີ​ຢູ່​ລະຫວ່າງ 11-15 ອົງສາ ຫລື ​ເອີ້ນ​ວ່າ: “ສະພາບ​ອາກາດສະ​ເພາະ​ຂອງ​ມະນຸດ” (human climate miche).

ຜົນ​ການ​ຄິດ​ໄລ່​ທີ່​​ເອົາ​ຂໍ້​ຈຳກັດ​ທາງ​ອຸນຫະພູມ​ດັ່ງກ່າວ​ມາ​ພິຈາລະນາ​ນຳ​ລະບຸ​ວ່າ: ສະພາບ​ໂລກ​ຮ້ອນ​ທີ່​ຍັງ​ດຳ​ເນີນ​ໄປ​ເລື້ອຍໆ ​ໂດຍ​ບໍ່​ມີ​ການ​ຢັບຢັ້ງ ຫລື ​ເອີ້ນ​ວ່າ: ສະພາບ​ການ RCP8.5 ຈະ​ເຮັດ​ໃຫ້​ຫລາຍ​ພາກພື້ນຂອງ​ໂລກ​ສູນ​ເສຍ​ສະພາບ​ອາກາດ​ສະ​ເພາະ​ຂອງ​ມະນຸດ​ໄປ ພາຍ​ໃນ​ໄລຍະເຄິ່ງສະຕະວັດ ຫລື 50 ປີຕໍ່ໜ້າ ເພາະອຸນຫະພູມທີ່ສູງຂຶ້ນຈະເຮັດໃຫ້ເກີດສະພາບອາກາດແບບດຽວກັບທະເລຊາຍຊາຮາຣາ ເຊິ່ງເປັນໜຶ່ງໃນສະຖານທີ່ບໍ່ເທົ່າໃດແຫ່ງຂອງໂລກທີ່ມີອຸນຫະພູມສະເລ່ຍໝົດປີສູງກວ່າ 29 ອົງສາ.

ສະພາ​ບອາກາດ​ທີ່​ຮ້ອນ ​ແລະ ​ແຫ້ງ​ແລ້ງ ຈະ​ເຮັດ​ໃຫ້​ເກີດ​ທຸບ​ພິກ​ກະ​ໄພ ​ແລະ ມີ​ຜູ້​ເສຍ​ຊີວິດ​ເພາະ​ຄື້ນຄວາມ​ຮ້ອນ​ຈຳນວນ​ຫລາຍ ຈົນ​ໃນ​ທີ່​ສຸດ​ມະນຸດ​ອາດ​ຕ້ອງ​ອົບ​ພະຍົບຍ້າຍ​ຖິ່ນ​ຖານ​ຄັ້ງ​ໃຫຍ່ ​ເພື່ອ​​ໄປ​ພາກພື້ນທີ່​ອຸນຫະພູມ​ຍັງ​ເໝາະ​ສົມ​ຕໍ່​ການ​ດຳລົງ​ຊີວິດ​ຫລາຍ​ກວ່າ ​ເຊິ່ງຄື​ກັບ​ການ​ວິ​ໄຈ​​ເລື່ອງ​ໜຶ່ງ​ໃນ​ວາລະສານ Environmental Research Letters ​ໄດ້​ທວາຍ​ໄວ້​ໃນ​ປີຜ່ານມາ​ວ່າ: ມະນຸດ​ອາດ​ຕ້ອງ​ອົບ​ພະຍົບ​ໄປ​ຕັ້ງຖິ່ນ​ຖານ​ຢູ່​ໄຊ​ບີ​ເຣຍ ພາຍ​ໃນ​ທ້າຍ​ສະຕະວັດ​ທີ 21 ນີ້.

ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ - Wave100S AD to Website 2020 0 - ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ

​ແຜນ​ທີ່​ຄາດ​ຄະ​ເນ​ສະພາບ​ອາກາດ​ໃນ​ອະນາຄົດ​ທີ່​ທີ​ມວິ​ໄຈ​ສ້າງ​ຂຶ້ນຊີ້​ວ່າ: ພື້ນທີ່​ສ່ວນ​ຫລາຍ​ຂອງ​ເບຣຊິນ​ຈະ​ບໍ່​ສາມາດ​ໃຊ້​ຢູ່​ອາ​ໄສ​ໄດ້​ອີກ​ຕໍ່​ໄປ, ​ເຊັ່ນ​ດຽວ​ກັບ​ບາງ​ສ່ວນ​ຂອງ​ຕາ​ເວັນ​ອອກ​ກາງ ​ແລະ ອິນ​ເດຍ ​ເຊິ່ງຈະ​ຖືກ​ປົກ​ຄຸມ​ດ້ວຍ​ອາກາດ​ຮ້ອນ​ເອົ້າ​ເປັນ​ບໍລິ​ເວນ​ກວ້າງ. ນອກຈາກ​ນີ້ ອາ​ເມ​ລິ​ກາ​ທາງ​ຕອນ​ໃຕ້, ບາງ​ສ່ວນ​ຂອງ​ເອີຣົບ​ໃນ​ພາກພື້ນ​ເມ​ດິ​ເຕີ​ເຣນຽນ, ບາງ​ສ່ວນ​ຂອງ​ອົດ​ສະຕຣາລີ ຈະ​ໄດ້​ຮັບ​ຜົນ​ກະທົບ​ຮຸນ​ແຮງ​ເຊັ່ນ​ກັນ.

​ແຜນ​ທີ່​ຄາດ​ຄະ​ເນ​ສະພາບ​ອາກາດ​ດັ່ງກ່າວ​ຊີ້​ວ່າ: ບັນດາ​ປະ​ເທດ​ໃນ​ເຂດ​ໃກ້​ເສັ້ນສູນ​ສູດ ​ເຊິ່ງສ່ວນ​ຫລາຍ​ມີ​ຖານະ​ທຸກ​ຍາກ ຈະ​ເປັນ​ຜູ້​ໄດ້​ຮັບ​ຜົນ​ກະທົບ​ຈາກ​ການ​ປ່ຽນ​ແປງ​ສະພາບ​ອາກາດ​ໃນ​ຄັ້ງນີ້​ຫລາຍ​ທີ່ສຸດ, ສ່ວນ​ປະ​ເທດ​ລາວ ​ແລະ ປະ​ເທດ​ໃກ້​ຄຽງ​ນັ້ນ ຄາດ​ຄະ​ເນ​ວ່າ​ອຸນຫະພູມ​ຈະ​ເພີ່ມ​ສູງ​ຂຶ້ນຫລາຍ ຈົນ​ອາດ​ຈະ​ເກີດ​ການ​ພັດ​ຖິ່ນ​ຄັ້ງ​ໃຫຍ່​ຂອງ​ປະຊາກອນ​ຈຳນວນ​ມະຫາສານ.

ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ - WhatsApp Image 2020 05 27 at 5 - ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ
ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ - WhatsApp Image 2020 05 27 at 5 - ປະຊາກອນໂລກ 3.000 ລ້ານຄົນ ອາດຕ້ອງພັດຖິ່ນຖານ ອົບພະຍົບໜີອາກາດຮ້ອນ ຄືທະເລຊາຍໃນອີກເຄິ່ງສະຕະວັດຕໍ່ໜ້າ
error: Alert: ເນື້ອຫາຂ່າວມີລິຂະສິດ !!