WHO ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ

who ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ - 73 1 - WHO ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ
who ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ - Untitled design - WHO ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ

     “ອົງການອະນາ​ໄມ​ໂລກ” ​ເຕືອນ ລັດຖະບານ​ທົ່ວ​ໂລກ ຖອນ​ມາດ​ຕະການ​ລັອກດາວຢ່າງ​ລະມັດລະວັງສູງ​ສຸດ, ກັງວົນ​ໂຄ​ວິດ-19 ​ແຜ່​ລະບາ​ດຊ້ຳອີກ.

ທ່ານ ດຣ. ທີ​ໂດຣສ ອັດ​ຮານ​ອມ ກີບຣີ​ເຢຊຸ​ສ ຜູ້ອຳນວຍການ​ໃຫຍ່​ຂອງ​ອົງການ​ອະນາ​ໄມ​ໂລກ (WHO) ​ເຕືອນ​ວ່າ: ການ​ຢຸດ​ມາດ​ຕະການ​ລັອກດາວ​ສະກັດ​ການ​ແຜ່​ລະບາດ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ວ່າ: ຄວນ​ດຳ​ເນີນຢ່າງ​ລະມັດລະວັງ​ໃຫ້​ຫລາຍ​ທີ່​ສຸດ ຫລັງ​ຈາກ​ຫລາຍ​ປະ​ເທດກຳລັງ​ພິຈາລະນາ​ແນວທາງ​ການ​ຫລຸດຜ່ອນ​ມາດ​ຕະການ​ດັ່ງກ່າວ​ຫລາຍ​ຂຶ້ນ​ເລື້ອຍໆ.

“ມີ​ຄວາມ​ເປັນ​ໄປ​ໄດ້​ສູງ​ວ່າ: ຈະ​ກັບ​ໄປ​ໃຊ້​ມາດ​ຕະການ​ລັອກດາວ ຖ້າ​ບໍ່​ບໍລິຫານ​ການ​ປ່ຽນ​ແປງ​ດັ່ງກ່າວ​ດ້ວຍ​ຄວາມ​ລະມັດລະວັງ​ສູງ​ສຸດ ​ແລະ ​ແບ່ງ​ການ​ຫລຸດຜ່ອນ​ມາດ​ຕະການ​ດັ່ງກ່າວ​ອອກ​ເປັນ​ໄລຍະໆ” ຜູ້ອຳນວຍການ WHO ກ່າວ.

who ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ - Wave100S AD to Website 2020 0 - WHO ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ

ສຳນັກ​ຂ່າວ​ຊິນ​ຮົວລາຍ​ງານ​ວ່າ: ທ່ານ ດຣ. ກີບຣີ​ເຢຊຸ​ສ ​ໄດ້​ລະບຸ​ເຖິງ​ຫລັກ​ເກນ 6 ຂໍ້​ທີ່ WHO ​ແນະນຳ​ໃຫ້​ປະ​ເທດ​ຕ່າງໆ​ນຳ​ໄປ​ພິຈາລະນາ ປະກອບ​ມີ: ການ​ເຝົ້າລະວັງ​ທີ່​ເຂັ້ມງວດ, ການ​ກັກ​ຕົວ, ການກວດ​ຫາ​ເຊື້ອ, ການ​ປິ່ນປົວ​ຜູ້​ຕິດ​ເຊື້ອທຸກ​ຄົນ ​ແລະ ຕິດຕາມ​ທຸກ​ຄົນ​ທີ່​ສຳຜັດ​ຜູ້​ຕິດ​ເຊື້ອ, ການ​ໃຊ້​ມາດ​ຕະການ​ປ້ອງ​ກັນ​ທີ່​ມີ​ປະສິດທິພາບ​ທັງ​ໃນ​ບ່ອນ​ເຮັດ​ວຽກ ​ແລະ ​ໂຮງຮຽນ ຕະຫລອດ​ຈົນ​ການ​ຂໍ​ການ​ຮ່ວມ​ມື​ຈາກ​ປະຊາຊົນ​ໃຫ້​ປະຕິບັດ​ຕາມ​ວິຖີ​ປົກກະຕິ​ແບບ​ໃໝ່ (New Normal) ຫລັງ​ຈາກ​ຫລຸດຜ່ອນ​ລັອກດາວ.

ທັງ​ນີ້, ທ່ານ ດຣ. ກີບຣີ​ເຢຊຸ​ສ ​ເປີດ​ເຜີຍ​ວ່າ: ​ປັດຈຸບັນ WHO ​ໄດ້​ຮັບ​ລາຍ​ງານ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ຫລາຍ​ກວ່າ 3,5 ລ້ານ​ຄົນ ​ແລະ ມີ​ຜູ້​ເສຍ​ຊີວິດ​ເກືອບ 250.000 ຄົນ ​ໂດຍ​ນັບ​ແຕ່​ເດືອນ​ເມສາ​ຜ່ານ​ມາ ມີ​ການ​ລາຍ​ງານ​ຈຳນວນ​ຜູ້​ຕິດ​ເຊື້ອ​ໃໝ່​ສະ​​ເລ່ຍ 80.000 ຄົນ​ຕໍ່​ວັນ.

who ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ - WhatsApp Image 2020 05 27 at 5 - WHO ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ
who ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ - WhatsApp Image 2020 05 27 at 5 - WHO ເຕືອນ ລັດຖະບານທົ່ວໂລກຖອນ “ລັອກດາວ” ຢ່າງລະມັດລະວັງສູງສຸດ
error: Alert: ເນື້ອຫາຂ່າວມີລິຂະສິດ !!