ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່

ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່ - 59 - ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່
ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່ - Untitled design - ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19ໄດ້ຖະແຫລງໃຫ້ຮູ້ວ່າ: ມາຮອດມື້ນີ້ (ວັນທີ 7 ພຶດສະພາ) ກໍເປັນມື້ທີ 25 ແລ້ວທີ່ລາວເຮົາບໍ່ມີກໍລະນີຜູ້ຕິດເຊື້ອໂຄວິດ-19 ລາຍໃຫມ່,ຊຶ່ງມັນເປັນຜົນສຳເລັດທີ່ຫນ້າພາກພູມໃຈໃນການາະກັດກັ້ນ ແລະ ຄວບຄຸມພະຍາດດັ່ງກ່າວ, ທີ່ພັກ ແລະ ລັດຖະບານເຮົາເອົາໃຈໃສ່ມາແຕ່ເບື້ອງຕົ້ນ, ໂດຍໄດ້ວາງມາດຕະການຕ່າງໆໃນການຕ້ານ ແລະ ປ້ອງກັນພະຍາດພະຍາດຮ້າຍແຮງນີ້ມາເປັນແຕ່ລະຂັ້ນຕອນ, ໂດຍສະເພາະແມ່ນຄຳສັ່ງເລກທີ 06/ນຍ, ທີ່ທ່ານນາຍົກລັດຖະມົນຕີໄດ້ວາງອອກ, ແຕ່ເຖິງຢ່າງໃດມາຮອດປັດຈຸບັນເຖິງວ່າມີບາງມາດຕະການພວກເຮົາໄດ້ຜ່ອນຜັນ, ແຄ່ຄຽງຄູ່ກັນນັ້ນກໍຍັງມີຫລາຍມາດຕະການທີ່ໄດ້ສືບຕໍ່ຈັດຕັ້ງປະຕິບັດ, ໂດຍສະເພາະແມ່ນການຈຳກັດຂອງຜູ້ໂດຍສານ ແລະ ແຮງງານລາວທີ່ເດີນທາງກັບມາຈາກປະເທດທີ່ຍັງມີການລະບາດຂອງພະຍາດໂຄວິດ-19 ນີ້, ໂດຍໄດ້ເຂັ້ມງວດກວດກາກັ່ນຕອງ, ພ້ອມເອົາໃຈໃສ່ກັກກັນຕົນເອງຢູ່ສູນແຍກປຽ່ວຕາງໆທີ່ລັດຖະບານກຳນົດໄວ້ໃຫ້ຄົບ14 ວັນ, ຕາມຫລັກການການແພດຄືມາຮອດ 5 ໂມງແລງ ຂອງວັນທີ 6 ພຶດສະພາຜ່ານມາມີຈໍານວນຜູ້ເດີນທາງເຂົ້າມາປະເທດທັງໝົດ 1.806 ຄົນ, ໃນນັ້ນມາຜ່ານດ່ານລາວ-ໄທ ມີ 981 ຄົນ, ມີແຮງງານລາວກັບມາຈາກປະເທດໄທ ຜ່ານດ່ານຊ່ອງເມັກ ແຂວງຈຳປາສັກ 28 ຄົນ ແລະ ຜ່ານດ່ານຂົວມິດຕະພາບ II ແຂວງສະຫວັນນະເຂດ 02 ຄົນ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ, ມາຜ່ານດ່ານລາວ-ຈີນ 9 ຄົນ, ທັງໝົດ ແລະ ຜ່ານດ່ານລາວ-ຫວຽດນາມມີ 816 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ, ຊຶ່ງໃນແຕ່ລະດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້ທີ່ສົງໄສໃດໆ ແລະ ສະເພາະວັນທີ 6 ພຶດສະພາ ນີ້ໄດ້ເກັບຕົວຢ່າງມາກວດທັງໝົດ 99 ຄົນ, ໃນນັ້ນ ມີກໍລະນີສົງໄສ 6 ຄົນ ແລະ ແຮງງານລາວທີ່ກັບມາຈາກປະເທດໄທ 93 ຄົນ. ຊຶ່ງທັງໝົດ 99 ຄົນບໍ່ພົບເຊື້ອ ແລະ ກໍເປັນມື້ທີ25 ແລ້ວທີ່ບໍ່ພົບຜູ້ຕິດເຊື້ອໃໝ່. ສ່ວນ 19 ຄົນທີ່ຕິດເຊື້ອສະສົມມານັ້ນປະຈຸບັນ ສາມາດປົວດີແລ້ວ 9 ຄົນ, ຍັງອີກ 10 ຄົນ ທີ່ນອນຕິດຕາມຢູ່ໂຮງໝໍມິດຕະພາບ ລວມທັງນ້ຳເບີ 14 ທີ່ເອົາກັບຄືນມາຕິດຕາມອາການຢູ່ໂຮງໝໍ, ທັງໝົດເຫັນວ່າມີອາການເບົາບາງ ແລະ ມື້ອື່ນນີ້ກໍ່ຈະເກັບຕົວຢ່າງມາກວດວິເຄາະເພື່ອຢັ້ງຢືນ, ຖ້າບໍ່ພົບເຊື້ອ 2 ຄັ້ງຕິດຕໍ່ກັນ 24 ຊົ່ວໂມງຈະພິຈາລະນາໃຫ້ອອກໂຮງໝໍ ໄປຈໍາກັດບໍລິເວນຢູ່ເຮືອນອີກ 14 ວັນຕາມຫລັກການການແພດ.

ຄະນະສະເພາະກິດໃຫ້ຮູ້ອີກວ່າ: ສະພາບການລະບາດຂອງປະເທດໃກ້ຄຽງ ແລະ ຢູ່ໃນໂລກ ເຫັນວ່າ:ມາຮອດເວລາ 6:00 ໂມງເຊົ້າ ຂອງວັນທີ 7 ພຶດສະພານີ້, ທົ່ວໂລກມີການລາຍງານການລະບາດ ທັງໝົດ 212 (ປະເທດ/ເຂດ), ມີການຢັ້ງຢືນ ຜູ້ຕິດເຊື້ອຫລາຍກ່ວາ 3,81 ລ້ານຄົນ(ໃຫມ່86.267 ຄົນ),ເສຍຊິວິດ 264.021 ຄົນ (ໃໝ່5.995ຄົນ) ກວມເອົາ 6,92 % ຂອງຜູ້ຕິດເຊື້ອທັງໝົດ;ສາມາດປີ່ນປົວຫາຍດີຫລາຍກ່ວາ 1,28 ລ້ານຄົນກວມເອົາ 33,7 % ຂອງຜູ້ຕິດເຊື້ອທັງໝົດ;ມີບາງປະເທດ ພຽງມື້ດຽວມີຜູ້ຕິດເຊື້ອຫລາຍເຖິງ 19.036 ຄົນ ແລະ ເສຍຊີວິດສູງເຖິງ 1.850 ຄົນຕໍ່ມື້; ມາຮອດວັນທີ 7 ນີ້, ເຫັນວ່າອັດຕາຄວາມຮ້າຍແຮງແມ່ນ 6, 92 % ເທົາກັບມື້ວານນີ້ .ສະເພາະກຸ່ມປະເທດອາຊຽນກໍ່ຍັງມີບາງປະເທດທີ່ມີອັດຕາການຕິດເຊື້ອສູງ ເຖິງ 788 ຄົນ ແລະ ພຽງວັນທີ 6 ຜ່ານມາມີຜູ້ເສຍຊີວິດ 48 ຄົນ.

ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່ - Wave100S AD to Website 2020 0 - ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່

ສະນັ້ນ, ຈຶ່ງຮຽກຮ້ອງໃຫ້ທຸກພາກສ່ວນໃນສັງຄົມ ເອົາໃຈໃສ່ຮ່ວມແຮງຮ່ວມໃຈກັນ ຈັດຕັ້ງປະຕິບັດໃຫ້ຖືກຕ້ອງ ແລະ ເຂັ້ມງວດໃນການປ້ອງກັນບໍ່ໃຫ້ພະຍາດດັ່ງກ່າວກັບຄືນມາລະບາດຮອບໃໝ່ ນີ້ ແມ່ນຂຶ້ນກັບພວກເຮົາໝົດທຸກຄົນ.

ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່ - WhatsApp Image 2020 05 27 at 5 - ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່
ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່ - WhatsApp Image 2020 05 27 at 5 - ມື້ທີ 25 ແລ້ວລາວບໍມີກໍລະນີີຜູ້ຕິດເຊື້ອໂຄວິດລາຍໃຫມ່
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!