ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​

ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​ - 223ww2 - ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​
ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​ - Untitled design - ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​

ເກີດ​ເຫດ​ສານ​ເຄ​ມີ​ຮົ່ວ​ຈາກ​ໂຮງ​ງານ​ແຫ່ງ​ໜຶ່ງ​ທາງ​ໃຕ້​ຂອງ​​ອິນ​ເດຍ ເຮັດ​ໃຫ້ມີ​ຜູ້​ເສຍ 11 ຄົນເຈັບ​ປ່ວຍ​ຈາກ​ອາ​ຫານ​ຫາຍ​ໃຈ​ຕິດ​ຂັດ​ນັບ​ເປັນ​ພັນ.

ໂຮງ​ງານ​ດັງ​ກ່າວ​ເປັນ​ໂຮງ​ງານ​ຜະ​ລິດ​ໂພ​ລີ​ເມີ ຂອງ​ບໍ​ລິ​ສັດLG ຂອງ​ເກົາ​ຫລີໃຕ້ ຕັ້ງ​ຢູ່​ເມືອງ ເມືອງວິສາຂະປັດຕະນຳ ໃນລັດອັນຕໍ ທາງ​ໃຕ້​ຂອງ​ອິນ​ເດຍ ມີ​ພະ​ນັກ​ງານ​ປະ​ມານ 300 ຄົນ ເຊິ່ງ​ໂຮງ​ງານ​ແຫ່ງນີ້​ຖືກ​ປິດ​ໄປ​ໃນ​ໄລ​ຍະ​ທີ່​ລັດ​ຖະ​ບານ​ອິນ​ເດຍ​ໃຊ້​ມ​າດ​ຕະ​ການ​ລ໊ອກ​ດາວ ແລະ ເລີ່ມ​ຜ່ອນ​ຄາຍ​ໃຫ້​ເປີດ​ໄດ້​ໃນ​ອາ​ທິດນີ້.

ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​ - 6675 300x194 - ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​

ລາຍ​ງານ​ຂ່າວ​ລະ​ບຸ​ວ່າ ສານ​ເຄ​ມີ​ທີ່​ຮົ່ວ​ໄຫລ​ອອກ​ມາ​ຄື​ສານ​ສະໄຕ​ຣິນ ເຊິ່ງ​ໃຊ້​ໃນ​ການ​ຜະ​ລິດ​ພາ​ລາ​ສະ​ຕິກ ແລະ ຢາງ​ສັງ​ເຄາະ ຜູ້​ທີ່​ສູບ​ດົມ​ສານນີ້​ເຂົ້າ​ໄປ​ຈະ​ເຮັດ​ໃຫ້​ຕົວ​ຊາ ແລະ ເຄື່ອນ​ໄຫວ​ບໍ່​ໄດ້​ພາຍ​ໃນ​ເວ​ລາ​ນັ້ນ ແລະ ອາດ​ເຮັດ​ໃຫ້​ເສຍ​ຊີ​ວິດ​ໄດ້ ໂດຍ​ມີ​ຜູ້​ຖືກ​ນຳ​ໂຕ​ສົ່ງ​ໂຮງ​ໝໍ​ແລ້ວ​ຢ່າງ​ໜ້ອຍ 100 ຄົນ.

ເຫດ​ການນີ້​ເກີດ​ຂຶ້ນ​ຕອນ​ເຊົ້າ​ເວ​ລາ 3:30 ນາ​ທີ ວັນ​ພະ​ຫັດ​ໃນ​ເວ​ລາ​ທ້ອງ​ຖິ່ນ ພາບ​ຂ່າວ​ສະ​ແດງ​ໃຫ້​ເຫັນ​ປະ​ຊາ​ຊົນ​ຫລາຍ​ຄົນ​ລວມ​ທັງ​ແມ່​ຍິງ ແລະ ເດັກ ນອນ​ແນ່​ນິ່ງ​ຕາມ​ຖະ​ໜົນ​ຫົນ​ທາງ ແລະ ມີນ້ຳ​ລາຍ​ຟູມ​ອອກ​ຈາກ​ປາກ ໃນ​ຂະ​ນະ​ທີ່​ມີ​ປະ​ຊາ​ຊົນ​ຫລາຍ​ຮ້ອຍ​ຄົນ​ທີ່​ພະ​ຍາ​ຍາມ​ໜີ​ອອກ ຈາກ​ບໍ​ລິ​ເວນ​ທີ່​ເກີດ​ເຫດ ຂະ​ນະ​ທີ່​ຕຳ​ຫລວດ​ອິນ​ເດຍ​ຊ່ວຍ​ອົບ​ພະ​ຍົບ​ປະ​ຊາ​ຊົນ​ອອກ​ຈາກ​ບ້ານ​ເຮືອນ​ໃນ​ບໍ​ລິ​ເວນນັ້ນ​ປະ​ມານ 3.000 ຄົນ.

ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​ - Wave100S AD to Website 2020 0 - ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​

ທັງ​ນີ້ ເຈົ້າ​ຫນ້າ​ທີ່​ລະ​ບຸ​ວ່າ​ສານ​ເຄ​ມີ​ຮົ່ວ​ອອກ​ໄປ​ເປັນ​ວົງ​ກວ້າງ​ປະ​ມານສາມ​ກິ​ໂລ​ແມັດ ແລະ ຄວບ​ຄຸມ​ຢ່າງ​ໜ້ອຍ​ສີ່​ບ້ານ ເບື້ອງ​ຕົ້ນ​ຄາດ​ວ່າ​ສານ​ເຄ​ມີນັ້ນ​ຮົ່ວ​ໄຫລ​ອອກ​ມາ​ຈາກ​ຖັງ​ບັນ​ລຸ​ແກ໊ສ ຂະ​ຫນາດ​ໃຫຍ່​ທີ່​ຖືກ​ຖິ້ມ​ປະ​ໄວ້​ໃນ​ໄລ​ຍະ 6 ອາ​ທິດ​ທີ່​ຜ່ານ​ມາ​ມີ​ມາດ​ຕະ​ການ​ລ໊ອກ​ດາວ ກ່ອນ​ທີ່​ໂຮງ​ງານ​ໄດ້​ຮັບ​ອະ​ຍາດ​ໃຫ້​ເລີ່ມ​ກັບ​ມາ​ເຮັດ​ວຽກ​ອີກ​ຄັ້ງ​ໃນ​ວັນ​ຈັນ.

ດ້ານ​ບໍ​ລິ​ສັດ LG Chem Ltd. ເຊິ່ງ​ເປັນ​ບໍ​ລິ​ສັດ​ຜະ​ລິດ​ສານ​ເຄ​ມີ​ລາຍ​ໃຫຍ່​ທີ່​ສຸດ​ຂອງ​ເກົາ​ຫລີ​ໃຕ້ ແລະ ເປັນ​ສ່ວນ​ໜຶ່ງ​ຂອງ LG Corp ມີ​ຖະ​ແຫລງ​ການ​ວ່າ​ກຳ​ລັງ​ໃຫ້​ຄວາມ​ຮ່ວມ​ມືກ​ເຈົ້າ​ໜ້າ​ທີ່​ອິນ​ເດຍ​ເພື່ອ​ສອບ​ສວນ​ເຫດ​ການ​ທີ່​ເກີດ​ຂຶ້ນ​ແລ້ວ.

ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​ - WhatsApp Image 2020 05 27 at 5 - ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​
ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​ - WhatsApp Image 2020 05 27 at 5 - ສານ​ເຄ​ມີ​ຮົ່ວ​ຢູ່​ໂຮງ​ງານ​ອິນ​ເດຍ​
error: Alert: ເນື້ອຫາຂ່າວມີລິຂະສິດ !!