ເກີດເຫດໄຟໄໝ້ ເຮືອນປະຊາຊົນບ້ານໂພນໄຊ, ເມືອງໄຊເຊດຖາ ເສຍຫາຍ ຫຼາຍກວ່າ 150 ລ້ານກີບ

ຫົວໜ້າຫ້ອງການ ຕຳຫຼວດສະກັດກັ້ນ ແລະ ຕ້ານອັກຄີໄພນະຄອນຫຼວງວຽງຈັນໃຫ້ຮູ້ວ່າ: ໃນເວລາປະມານ 20 ໂມງ ຂອງຄໍ່າວານນີ້ ໄດ້ເກີດເຫດໄຟໄໝ້ເຮືອນປະຊາຊົນ ຫລັງໜຶ່ງ ຢູ່ບ້ານໂພນໄຊ,ເມືອງຫາດຊາຍຟອງ, ນະຄອນຫລວງວຽງຈັນເສຍຫາຍຫລາຍກ່ວາ 150 ລ້ານກີບ ຊຶ່ງເຈົ້າໜ້າທີ່ ໄດ້ນຳລົດດັບເພີງ 3 ຄັນ ແລະ ໃຊ້ເວລາປະມານ 1 ຊົ່ວໂມງ ຈຶ່ງສາມາດມອດໄຟໄດ້. ຊຶ່ງສາເຫດອາດແມ່ນຍ້ອນ ໄຟຟ້າລັດວົງຈອນ. ນັບແຕ່ເດືອນ ເມສາ ມານີ້, ຢູ່ນະຄອນຫລວງວຽງຈັນ, ມີອັກຄີໄພເກີດຂື້ນ 7 ຄັ້ງ, ມີເຮືອນຊານປະຊາຊົນໄດ້ຮັບຄວາມເສຍຫາຍ 3 ຫລັງ.