ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ

ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ - 87 1 - ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ
ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ - Untitled design - ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ

​ເດິ​ກາ​ດ້ຽນລາຍ​ງານ​ວ່າ: ທີ​ມນັກວິ​ໄຈ​ຈີນ​ໄດ້​ເປີດ​ເຜີຍ​ການ​ວິ​ໄຈ​ໃໝ່​ກ່ຽວ​ກັບ​ໄວຣັສ​ໂຄ​ໂຣນາ ​ເຊິ່ງຖືກ​ຕີ​ພິມ​ລົງ​ໃນ​ວາລະສານ​ການ​ແພດ The Journal of the American Medical Association ​ໂດຍ​ພົບ​ວ່າ​ໃນ​ຕົວຢ່າງ​ນ້ຳອະສຸຈິ​ຂອງ​ຜູ້​ຕິດ​ເຊື້ອ​ໂຄ​ວິດ-19 ​ໃນ​ຜູ້​ຊາຍ 6 ຄົນ ຈາກ​ກຸ່ມ​ຕົວຢ່າງ​ຂອງ​ຜູ້​ຕິດ​ເຊື້ອ 38 ຄົນ ​ໃນ​ໂຮງໝໍ​ເມືອງຊາງ​ສິວ (Shangqiu Municipal Hospital) ມົນ​ທົນ​ເຫີ​ໜານ ຂອງ​ຈີນ ​ໃນ​ເດືອນ​ກໍລະກົດ​ເຖິງ​ກຸມພາ ພົບ​ເຊື້ອ​ໄວຣັສ​ໂຄ​ວິດ​ແຝງ​ຕົວ​ຢູ່. ຈໍານວນ​ຜູ້​ຕິດ​ເຊື້ອ 6 ຄົນ​ທີ່​ພົບ​ນີ້​ມີ 4 ຄົນ​ຍັງ​ເຂົ້າຮັບ​ການ​ປິ່ນປົວ​ຢູ່, ສ່ວນ​ອີກ 2 ຄົນ​ເປັນ​ຜູ້​ຕິດ​ເຊື້ອທີ່​ປິ່ນປົວ​ຫາຍ​ດີ​ແລ້ວ.

​ເຖິງ​ຢ່າງ​ໃດ​ກໍ​ດີ, ທີ​ມວິ​ໄຈ​ຈີນ​ລະບຸ​ໃນ​ລາຍ​ງານ​ວ່າ: ການຄົ້ນພົບ​ນີ້​ຍັງ​ເປັນ​ພຽງ​ຂໍ້​ມູນ​ຂັ້ນຕົ້ນ ​ແລະ ​ເປັນ​ການ​ເກັບ​ຕົວຢ່າງ​ຈາກ​ຜູ້​ຕິດ​ເຊື້ອພຽງ​ບໍ່​ເທົ່າ​ໃດ​ຄົນ​. ດັ່ງນັ້ນ ຈຶ່ງ​ຍັງ​ຕ້ອງ​ສຶກສາ​ເພີ່ມ​ຕື່ມ ​ເພື່ອ​ຫາ​ຄວາມ​ກະຈ່າງ​ແຈ້ງວ່າ: ການ​ມີ​ເພດ​ສຳພັນ​ຈະ​ສົ່ງ​ຜົນ​ຕໍ່​ການລະບາດ​ຂອງ​ໂຄວິດ-19 ຫລາຍ​ໜ້ອຍ​ພຽງ​ໃດ ລວມທັງ​ມີ​ຜົນ​ຕໍ່​ການ​ສືບ​ພັນ​ໂດຍ​ລວມຂອງ​ເພດ​ຊາຍ ຫລື ບໍ່.

“ຖ້າ​ພິ​ເສດ​ໄດ້​ວ່າ Covid-19 ສາມາດ​ຕິດ​ຕໍ່​ທາງ​ເພດ​ສຳພັນ​ໄດ້. ນັ້ນອາດ​ເປັນ​ສ່ວນ​ສຳຄັນ​ໃນ​ອີກ​ຂັ້ນໜຶ່ງ​ຂອງ​ການ​ປ້ອງ​ກັນ​ການ​ແຜ່​ລະບາດ ​ໂດຍ​ສະ​ເພາະ​ຖ້າ​ພິຈາລະນາ​ປັດ​ໄຈ​ທີ່​ວ່າ​ພົບ​ເຊື້ອ​ໄວຣັສ​ແຝງ​ຢູ່​ໃນ​ອະສຸຈິ​ຂອງ​ຜູ້​ຕິດ​ເຊື້ອບາງ​ຄົນ​ທີ່​ຟື້ນຕົວ​ແລ້ວ”.

​ເຖິງ​ຢ່າງ​ໃດ​ກໍ​ດີ, ທ່ານ ດຣ. Ryan Berglund ຜູ້​ຊ່ຽວຊານ​ດ້ານ​ລະບົບ​ປັດ​ສະ​ວະ​ຈາກ Cleveland Clinic’s Glickman Urological and Kidney Institute ກ່າວ​ວ່າ: ການ​ພົບ​ໄວຣັສ​ໃນ​ຕົວຢ່າງ​ອະສຸຈິ​ນັ້ນບໍ່​ແມ່ນ​ເລື່ອງ​​ແປກ​ໃຈ ​ເພາະ​ກ່ອນ​ໜ້າ​ນີ້​ເຄີຍ​ພົບ​ໄວຣັສ​ໃນ​ອຸ​ຈາລະ ​ແລະ ສານ​ຄັດ​ຫລັ່ງ​ອື່ນໆ​ຈາກ​ຮ່າງກາຍ​ເຊັ່ນ​ກັນ. ອີກ​ທັງ​ໄວຣັສຊະນິດ​ອື່ນໆ ​ເຊັ່ນ​ຊິ​ກ້າ ​ແລະ ອີ​ໂບລາ ຕ່າງ​​ເຄີຍ​ຖືກ​ພົບ​ໃນ​ເຊື້ອອະສຸຈິ​ເຊັ່ນ​ກັນ.

ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ - Wave100S AD to Website 2020 0 - ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ

ທັງ​ນີ້ ​ໃນ​ລາຍ​ງານ​ບໍ່​ໄດ້​ລະບຸ​ເຖິງ​ລາຍ​ລະອຽດ​ວ່າຄວາມ​ເຂັ້ມຂຸ້ນ​ຂອງ​ເຊື້ອ​ໃນ​ນ້ຳອະ​ສຸຈິ​ມີ​ເທົ່າ​ໃດ ຫລື ອາດ​ເປັນ​ດີ​ເອັນ​ເອຂອງ​ຊາກ​ເຊື້ອທີ່​ຕາຍ​ແລ້ວ. ລາຍ​ງານ​ດັ່ງກ່າວ​ຈຶ່ງ​ບໍ່​ຄວນ​ຟ້າວ​ສະຫລຸບ​ວ່າ: ການ​ພົບ​ເຊື້ອ​ໂຄ​ວິດ​ໃນ​ນ້ຳອະສຸຈິ​ເປັນ​ປັດ​ໄຈ​ສຳຄັນ​ທີ່​ເຮັດ​ໃຫ້​ເກີດ​ການ​ຕິດ​ເຊື້ອຜ່ານ​ເພດ​ສຳພັນ​ໄດ້.

ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ - WhatsApp Image 2020 05 27 at 5 - ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ
ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ - WhatsApp Image 2020 05 27 at 5 - ນັກວິໄຈຈີນພົບເຊື້ອໂຄວິດ ແຝງໃນນ້ຳອະສຸຈິຜູ້ຕິດເຊື້ອ
error: Alert: ເນື້ອຫາຂ່າວມີລິຂະສິດ !!