ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ

ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ - 96167997 612243299379376 3331879677974282240 n 1 copy - ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ
ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ - Untitled design - ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ

ໃນວັນທີ 8 ພຶດສະພານີ້ ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ ໄດ້ຖະແຫລງຂ່າວຕໍ່ສື່ມວນຊົນໃນໂອກາດວັນຊິກວົງເດືອນສາກົນຄົບຮອບ 157 ປີວ່່າ: ຄືດັ່ງທີ່ພວກເຮົາຮູ້ນຳກັນແລ້ວວ່າ:ປັດຈຸບັນນີ້ມວນມະນຸດເຮົາກຳລັງປະເຊີນກັບບັນຫາຕ່າງໆເຊັ່ນ:ຜູ້ກໍ່ການຮ້າຍ; ຂໍ້ຄັດແຍ່ງທາງດ້ານເສດຖະກິດ, ການເມືອງ, ການທະຫານລວມທັງໄພພິບັດຈາກທຳມະຊາດຄື: ແຜ່ນດິນໄຫວ; ນ້ຳຖ້ວມ; ລົມພະຍຸ ລວມທັງການພະຍາດລະບາດຂອງພະຍາດທີ່ຮ້າຍແຮງດັ່ງພະຍາດໂຄວິດ– 19…ລ້ວນແຕ່ນຳຄວາມຫາຍຍະນະມາສູ່ມວນມະນຸດ,ມັນໄດ້ສັງເວີຍຊີວິດມະນຸດຫຼາຍແສນຄົນ,ຫຼາຍລ້ານຄົນກຳລັງຕິດເຊື້ອ ແລະປິ່ນປົວຕົນເອງ. ຕໍ່ໜ້າສະພາບການດັ່ງກ່າວມັນຮຽກຮ້ອງທຸກຄົນທົ່ວໂລກຈົ່ງຮ່ວມແຮງຮ່ວມໃຈກັນ ຊ່ວຍເຫຼືອກັນດ້ານມະນຸດສະທຳບໍ່ວ່າຈະເປັນການ ຮັບມື;ເຝົ້າລະວັງ;ປິ່ນປົວ;ການປ້ອງກັນ;ການສ້າງຄວາມເຂັ້ມແຂງ(ການໃຫ້ຄວາມຮູ້)ທັງໝົດເຫຼົ່ານັ້ນແມ່ນຂະບວນການມະນຸດສະທຳ,ຂະບວນການກາແດງເປັນເຈົ້າການໃນການຈັດຕັ້ງປະຕິບັດວຽກງານດັ່ງກ່າວ.ກໍດັ່ງການແຜ່ລະບາດອັນຮ້າຍແຮງຂອງ ພະຍາດໂຄວິດ -19ນີ້, ທຸກປະເທດໃນກຸ່ມອາຊ່ຽນໄດ້ຮັບຜົນກະທົບຢ່າງໜັກ ໃນນັ້ນ,ລາວເຮົາກໍ່ໄດ້ຮັບຜົນກະທົບໜັກເຊັ່ນກັນ.ມາຮອດມື້ນີ້ມີຜູ້ຕິດເຊື້ອ 19ຄົນ; ປິ່ນປົວດີໄດ້ກັບບ້ານ 9ຄົນ; ກຳລັງປິ່ນປົວຢູ່ໂຮງຫມໍ 10ຄົນ.ລັດຖະບານລາວໄດ້ມີມາດຕະການເຂັ້ມງວດໃນການຮັບມືເຊັ່ນ:ຄຳສັ່ງເລກທີ 06 ຂອງນາຍົກລັດຖະມົນແລະ ໄດ້ແຕ່ງຕັ້ງຄະນະສະເພາະກິດຕິດຕາມເຝົ້າລະວັງ.ໃນນັ້ນ;ອົງການກາແດງລາວກໍ່ຖືກແຕ່ງຕັ້ງເປັນຄະນະສະເພາະກິດ ໄດ້ລະດົມຈັດຫາເລືອດໄວ້ບໍລິການສັງຄົມ;ອາສາສະໝັກກູ້ໄພທາງຖະໜົນ;ລົງໂຄສະນາໃຫ້ຄວາມຮູ້ແກ່ຊຸມຊົນໃຫ້ປ້ອງກັນໂຕເອງໂດຍການໃສ່ຜ້າອັດປາກ; ລ້າງມືຖືກວິທີ; ຮັກສາໄລຍະຫ່າງ ແລະລົງສີດຢາຂ້າເຊື້ອຕາມຊຸມຊົນ ແລະຕາມສະຖານທີ່ມີຜູ້ຕິດເຊື້ອເຄີຍອາໄສຢູ່ ໂດຍໄດ້ຮັບການສະໜັບສະໜູນຈາກສັງຄົມທາງພາຍໃນ ແລະຕ່າງປະເທດເຊັ່ນ: ໃນໂອກາດ 157 ປີແຫ່ງການເຄື່ອນໄຫວມະນຸດສະທຳຂອງຂະບວນການກາແດງ ຂ້າພະເຈົ້າໃນນາມປະທານອົງການກາແດງລາວ ຂໍສະແດງຄວາມຮູ້ບຸນຄຸນຕໍ່ທຸກທ່ານ ທີ່ມີນ້ຳໃຈເຂົ້າຮ່ວມເຮັດວຽກດ້ານມະນຸດສະທຳ ໃນໄລຍະຜ່ານມາ, ໃນຕໍ່ໜ້າອົງການກາແດງລາວ ຍິນດີຮັບເອົາທຸກພາກສ່ວນທີ່ໃຫ້ການຊ່ວຍເຫຼືອ ແລະ ສະໜັບສະໜູນຮ່ວມປະສານງານ ເພື່ອເປັນຂົວຕໍ່ໃນການຕອບສະໜອງການບໍລິການດ້ານມະນຸດສະທຳ ໃນ ສ ປ ປ ລາວ ພ້ອມນີ້ຮຽກຮ້ອງມາຍັງພະນັກງານຂອງອົງການກາແດງລາວ ທັງສູນກາງ ແລະ ທ້ອງຖີ່ນ ພ້ອມທັງອາສາສະໝັກຊາວໜຸ່ມກາແດງ ຈົ່ງໄດ້ສຶບຕໍ່ດ້ານມະນຸດສະທຳໃນການຢັບຢັ້ງການແຜ່ລະບາດຂອງພະຍາດໂຄວິດ 19 ເພື່ອຊີວິດຄົນລາວທຸກຄົນພົ້ນຈາກພະຍາດນີ້ ແລະ ປະກອບສ່ວນຢ່າງຕັ້ງໜ້າເຂົ້າໃນວຽກງານສາມສ້າງເພື່ອບັນລຸສະຫະສະຫວັດແຫ່ງການພັດທະນາ ແລະ ນຳພາປະເທດຊາດຫຼຸດພົ້ນອອກຈາກຄວາມດ້ອຍພັດທະນາໃຫ້ໄດ້ຮັບຜົນສຳເລັດເປັນຢ່າງດີ


ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ - Wave100S AD to Website 2020 0 - ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ
ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ - WhatsApp Image 2020 05 27 at 5 - ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ
ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ - WhatsApp Image 2020 05 27 at 5 - ຖະແຫລງຂ່າວວັນຊິກວົງເດືອນສາກົນຄົບຮອບ 157 ປີ
error: Alert: ເນື້ອຫາຂ່າວມີລິຂະສິດ !!