ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ

ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ - 110 - ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ
ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ - Untitled design - ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ

    ຈີນ​ພົບ​ຜູ້​ຕິດ​ເຊື້ອ​ໂຄ​ວິດ-19 ​ເພີ່​ມອີກ 17 ຄົນ ​ເປັນ​ສະຖິຕິ​ສູງ​ສຸດ​ນັບ​ແຕ່​ທ້າຍ​ເດືອນ​ເມສາ​ຜ່ານ​ມາ, ຂະນະ​ທີ່​ເມືອງ​ອູ່​ຮັ່ນ ​ເຊິ່ງ​ເປັນ​ສູນ​ກາງ​ການ​ແຜ່​ລະບາດ​ໃນ​ທ້າຍ​ປີຜ່ານມາ ​ເລີ່​ມກັບ​ມາ​ພົບ​ຜູ້​ຕິດ​ເຊື້ອ​ໃໝ່.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຄະນະ​ກຳມາ​ທິການ​ສາທາລະນະ​ສຸກ​ແຫ່ງ​ຊາດ​ຂອງ​ຈີນ​ອອກ​ຖະ​ແຫລ​ງການ​ໃນ​ວັນ​ທີ 11 ພຶດສະພາ ກ່ຽວ​ກັບ​ສະຖານະ​ການ​ໂຄ​ວິດ-19 ​ໃນ​ປະ​ເທດ​ວ່າ: ຈຳນວນ​ຜູ້​ເສຍ​ຊີວິດ​ຍັງ​ມີ​ຢ່າງ​ໜ້ອຍ 4.633 ຄົນ ​ແລະ ຈຳນວນ​ຜູ້​ທີ່​ໄດ້​ຮັບ​ການ​ປິ່ນປົວ​ຫາຍ​ດີ​ມີ​ຢ່າງ​ໜ້ອຍ 78.144 ຄົນ ຫລັງ​ແພດ​ອະນຸຍາດ​ໃຫ້​ຜູ້​ຕິດ​ເຊື້ອ 24 ຄົນ​ອອກ​ຈາກ​ໂຮງໝໍ​ໄດ້​ໃນ​ວັນ​ທີ 10 ພຶດສະພາ ຍັງ​ເຫລືອ​ຜູ້​ຕິດ​ເຊື້ອ​ໃນ​ລະບົບ​ຢ່າງ​ໜ້ອຍ 141 ຄົນ ​ໃນ​ຈຳນວນ​ນີ້ 9 ຄົນ​ຍັງ​ມີ​ອາການ​ວິ​ກິດ.

ຂະນະ​ທີ່​ພາຍ​ໃນ​ຮອບ 24 ຊົ່​ວ​ໂມງ​ຜ່ານ​ມາ ມີ​ການ​ຢືນຢັນ​ຜູ້​ຕິດ​ເຊື້ອ​ໃໝ່ 17 ຄົນ ​ເປັນ​ສະຖິຕິ​ສູງ​ທີ່​ສຸດ​ນັບ​ແຕ່​ວັນ​ທີ 28 ​ເມສາ ​ແລະ ສົ່ງ​ຜົນ​ໃຫ້​ສະຖິຕິ​ຜູ້​ຕິດ​ເຊື້ອ​ເພີ່ມ​ເປັນ​ຢ່າງ​ໜ້ອຍ 82.918 ຄົນ ​ໂດຍ​ຜູ້​ຕິດ​ເຊື້ອຫລ້າ​ສຸດ​ກຸ່ມ​ນີ້​ແບ່ງ​ເປັນ​ຜູ້​ເດີນທາງ​ມາ​ຈາກ​ຕ່າງປະ​ເທດ 7 ຄົນ ພົບ​ຢູ່​ເຂດ​ປົກຄອງ​ຕົນ​ເອງ​ມອງ​ໂກ​ເລຍ​ໃນ​ທັງ​ໝົດ, ສ່ວນ​ທີ່​ເຫລືອ​ອີກ 10 ຄົນ​ເປັນ​ການ​ຕິດ​ເຊື້ອພາຍ​ໃນ​ປະ​ເທດ ​ໂດຍ 5 ຄົນ​ຢູ່​ເມືອງ​ອູ່​ຮັ່ນ “ກຣາວຊີ​ໂຣ” ຂອງ​ໂຄ​ວິດ-19 ​ໃນ​ຈີນ​ເມື່ອ​ທ້າຍ​ປີຜ່ານມາ ຖື​ເປັນ​ການ​ພົບ​ຜູ້​ຕິດ​ເຊື້ອ​ແຕ່​ລະ​ວັນ​ຫລາຍ​ທີ່​ສຸດ​ໃນ​ເມືອງ​ອູ່​ຮັ່ນ ນັບ​ແຕ່​ວັນ​ທີ 11 ມີນາ​ຜ່ານ​ມາ.

ນອກຈາກ​ນີ້​ຍັງ​ເປັນ​ມື້ທີ 2 ຕິດ​ຕໍ່​ກັນ ​ໃນ​ການ​ທີ່​ເມືອງອູ່​ຮັ່ນ ​ເມືອງ​ເອກ​ຂອງ​ມົນທົນ​ຫູ​ເປີ​ຍ ຢືນຢັນ​ການ​ພົບ​ຜູ້​ຕິດ​ເຊື້​ອ​ໄວຣັສ​ໂຄ​ໂຣນາສາ​ຍພັນ​ໃໝ່ ຫລັງ​ຢືນຢັນ​ຜູ້​ຕິດ​ເຊື້ອຄົນ​ທຳ​ອິດ​ໃນ​ພື້ນທີ່​ໃນ​ຮອບ​ຫລາຍ​ກວ່າ 1 ​ເດືອນ ​ໃນ​ວັນ​ທີ 10 ພຶດສະພາ.

ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ - Wave100S AD to Website 2020 0 - ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ

ສ່ວນ​ສະຖານະ​ການ​ຂອງ​ກຸ່ມ​ຜູ້​ຕິດ​ເຊື້ອຍັງ​ບໍ່​ສະ​ແດງ​ອາການ​ນັ້ນ ຍັງ​ມີ​ຜູ້​ທີ່​ຕ້ອງ​ຢູ່​ພາຍ​ໃຕ້​ການ​ສັ​ງ​ເກດ​ການ​ອີກ​ຢ່າງ​ໜ້ອຍ 794 ຄົນ ຫລັງ​ວັນ​ທີ 10 ພຶດສະພາ ມີ​ການກວດ​ພົບ​ຜູ້​ຕິດ​ເຊື້ອລັກສະນະ​ນີ້​ອີກ 20 ຄົນ.

ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ - WhatsApp Image 2020 05 27 at 5 - ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ
ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ - WhatsApp Image 2020 05 27 at 5 - ເມືອງອູ່ຮັ່ນກັບມາພົບຜູ້ຕິດເຊື້ອໄວຣັສໂຄໂຣນາອີກ
error: Alert: ເນື້ອຫາຂ່າວມີລິຂະສິດ !!