ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ

ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ - 678 - ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ
ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ - Untitled design - ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ

ຄົນປ່ວຍ Toh Kai Kiat, ອາຍຸ 58 ປີ, ຕ້ອງຕໍ່ສູ້ກັບພະຍາດໂຄວິດ-19 ເປັນເວລາ 42 ວັນ, ມີບາງຄັ້ງຫົວໃຈຢຸດເຕັ້ນ16 ນາທີ.

Toh Kai Kiat ເລີ່ມມີອາການແຕ່ວັນທີ 7 ເດືອນມີນາຜ່ານມາ, ພາຍຫຼັງກັບມາຈາກໄທ. ເຂົາໄດ້ໄປກວດຢູ່ ຄລີນິກ ເອກະຊົນສອງແຫ່ງ ແລະ ປິ່ນປົວ ແຕ່ບໍ່ມີອາການດີຂຶ້ນ. ວັນທີ 12 ມີນາ, ເຂົາຖືກນຳສົ່ງໄປໂຮງໝໍ Khoo Teck Puat. ຜົນຂອງການກວດຫາເຊື້ອພົບວ່າເປັນບວກ. ປອດຂອງເຂົາຖືກອັກເສບທັງໝົດ.

ຫຼັງຈາກນັ້ນສອງວັນ, ເຂົາໄດ້ໃສ່ອົກຊີ ເພາະລະດັບອົກຊີແຊນ ໃນເລື້ອດຕໍ່າ ແລະ ສູຂະພາບຂອງເຂົາບ່ໍມີອາການດີຂຶ້ນ. ຫຼັງຈາກນັ້ນເຂົາກໍຖືກສົ່ງໄປໂຮງໝໍ ມະຫາວິທະຍາໄລແຫ່ງຊາດສິງກະໂປ ໃນວັນທີ 17 ມີນາ ເພື່ອໃສ່ອົກຊີດ້ວຍເຄື່ອງ ECMO.

ຢູ່ທີ່ນີ້, ມີບາງຄັ້ງຫົວໃຈຂອງເຂົາຢຸດເຕັ້ນ 16 ນາທີ. ແຕ່ດ້ວຍຄວາມພະຍາຍາມຂອງບັນດາແພດໝໍ, ຫົວໃຈຂອງເຂົາຈຶ່ງສາມາດເຕັ້ນກັບຄືນມາໄດ້.

ການຂາດອົກຊີໃນຮ່າງກາຍ, ໄດ້ສົ່ງຜົນສະທ້ອນເຖິງ ໄຂ່ຫຼັງ ແລະ ຕັບ, ຈຶ່ງຈຳຕ້ອງໄດ້ລ້າງໄຕຊົ່ວຕາວ.

“ເມື່ອມີສະຕິຂຶ້ນມາ,ຂ້ອຍບໍ່ສາມາດຈະເວົ້າໄດ້, ເຫັນແຕ່ເຊືອກມະນຸງມະນັງ ແລະ ຫຼອດຢາ ຕໍ່ເຂົ້າໃນຮ່າງກາຍຂອງຂ້ອຍ, ມີອຸປະກອນການແພດເຕັມໄປອ້ອມຮອບຕົວຂອງຂ້ອຍ, ປຽບສະເໝືອນກັບວ່າຂ້ອຍໃກ້ຈະຕາຍແລ້ວ – ເຂົາກ່າວ.

ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ - Wave100S AD to Website 2020 0 - ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ

ພາຍຫຼັງໄດ້ຮັບການປິ່ນປົວເປັນເວລາຫຼາຍວັນ, ອາການຂອງ Toh ກໍຄ່ອຍໄຄແຄນຂຶ້ນມາ ແລະ ໄດ້ປົດເຄື່ອງຊ່ວຍຫາຍໃຈອອກໃນວັນທີ 26 ມີນາ ແລະ ໄດ້ເອົາເຂົາໄປຢູ່ໃນຫ້ອງແຍກປ່ຽວແຕ່ວັນທີ 6 ເມສາຈົນເຖິງວັນທີ 22 ເມສາ ກໍໄດ້ອອກໂຮງໝໍ ແລະ ກັບເມືອປິ່ນປົວຢູ່ເຮືອນອີກຕື່ມ 42 ວັນ.

Toh ສະແດງຄວາມຂອບໃນວ່າ: ຂ້ອຍຢາກຝາກຄວາມຂອບໃຈເຖິງພະນັກງານແພດໝໍທຸກຄົນທີ່ໄດ້ປິ່ນປົວໃຫ້ຂ້ອຍ ແລະ ໄດ້ສ້າງເງື່ອນໄຂໃຫ້ຄອບຄົວຂອງຂ້ອຍໄດ້ເຂົ້າຢ້ຽມໃນເວລາອັນຂັບຂັນທີ່ສຸດ. ຂ້ອຍເປັນຜູ້ໜຶ່ງທີ່ແຂງແຮງ ແຕ່ກໍຍັງຕິດເຊື້ອໄດ້. ທຸກຄົນລ້ວນແຕ່ມີສິດຕິດໄດ້ທັງນັ້ນ, ຂ້ອຍສຸດທີ່ຂອບໃຈເມື່ອໄດ້ມີຊີວິກັບຄືນມາ”.

Toh ເປັນຜູ້ປ່ວຍກໍລະນີທີ 188 ແລະ ກໍເປັນຄົນປ່ວຍທີ່ໜັກທີ່ສຸດໃນ ສິງກະໂປ ແລະ ກໍເປັນຜູ້ທຳອິດທີ່ໄດ້ໃຊ້ເຄື່ອງ ECMO ເຂົ້າຊ່ວຍກູ້ເອົາຊີວິດໄວ້ໄດ້.

ສິງກະໂປ ເປັນປະເທດທີ່ມີຜູ້ຕິດເຊື້ອໂຄວິດຫຼາຍທີ່ສຸດໃນອາຊຽນ. ສ່ວນຫຼາຍແມ່ນລະບາດຂຶ້ນຢູ່ໃນເຂດຊຸມຊົນແຮງງານຕ່າງປະເທດ. ມາເຖິງວັນທີ 11 ພຶດສະພານີ້, ສິງກະໂປມີຜູ້ຕິດເຊື້ອທັງໝົດ 23.336 ກໍລະນີ ແລະ ມີຜູ້ເສບຊີວິດ 20 ຄົນ.

ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ - WhatsApp Image 2020 05 27 at 5 - ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ
ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ - WhatsApp Image 2020 05 27 at 5 - ຜູ້ປ່ວຍໂຄວິດ-19 ໜັກສຸດໃນສິງກະໂປ ພົ້ນຈາກຄວາມຕາຍແລ້ວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!