ສານນະຄອນຫລວງລົງໂທດຜູ້ຄ້າຢາເສບຕິດຈໍາຄຸກ 5 ປີ

- thief666 copy - ສານນະຄອນຫລວງລົງໂທດຜູ້ຄ້າຢາເສບຕິດຈໍາຄຸກ 5 ປີ
- Untitled design - ສານນະຄອນຫລວງລົງໂທດຜູ້ຄ້າຢາເສບຕິດຈໍາຄຸກ 5 ປີ

ເມື່ອມໍ່ໆນີ້, ສານນະຄອນຫລວງວຽງຈັນ, ໄດ້ຕັດສີນລົງໂທດທ້າວ ຫງຽນວັນຈຸງ ອາຍຸ 23 ປີ (ສັນຊາດຫວຽດນາມ) ພັກເຊົ່າຢູ່ຫລັກ 19 ເມືອງໄຊທານີ, ນະຄອນຫລວງວຽງຈັນ ຈໍາຄຸກ 5 ປີພ້ອມປັບໄໝ 10 ລ້ານກີບໃນຖານຄ້າຂາຍຢາເສບຕິດ, ໂດຍຜູ້ກ່ຽວໄດ້ເຂົ້າມາປະເທດລາວເມື່ອທ້າຍປີ 2014 ແລະ ມີອາຊີບເລາະເກັບເຫລັກເສດຂາຍ. ຈາກນັ້ນໄດ້ຮູ້ຈັກກັບທ້າວ ຈ໋ຽບ ຄົນຫວຽດນາມພັກເຊົາຢູ່ເຂດເມືອງໄຊທານີ ແລະ ໄດ້ຊື້ຢາບ້ານຳທ້າວ ຈ໋ຽບ ຫລາຍຄັ້ງ ແລະ ເມື່ອຕົ້ນເດືອນມັງກອນ 2015 ຈຶ່ງຖືກເຈົ້າໜ້າທີ່ຈັບຕົວມາດໍາເນີນຄະດີຢູ່ເຂດບ້ານຫລັກ 19 ເມືອງໄຊທານີ, ພ້ອມຂອງກາງຢາບ້າ 156 ເມັດ.

ຂ່າວໃຫ້ຮູ້ຕື່ມວ່າ: ເມື່ອບໍ່ດົນມານີ້, ເຈົ້າໜ້າທີ່ປະຈຳດ່ານກວດກາຫລັກ 44 ບ້ານນາດ່ານ, ເມືອງຊະນະສົມບູນ, ແຂວງຈຳປາສັກ, ໄດ້ຈັບຕົວທ້າວ ບຸນສົງ ອາຍຸ 58 ປີຢູ່ບ້ານນາຊອນ, ເມືອງຊະນະສົມບູນ, ພ້ອມຂອງກາງຢາບ້າຈໍານວນ 2 ພັນເມັດຊຸກເຊື່ອງໄວ້ຢູ່ກ້ອງເບາະລົດ, ຈຶ່ງໄດ້ນໍາຕົວໄປດໍາເນີນຄະຕາມລະບຽບກົດໝາຍ ແລະ ຕໍ່ມາເຈົ້າໜ້າທີ່ ປກສ ແຂວງຈໍາປາສັກໄດ້ເຂົ້າກວດຄົ້ນເຮືອນເປົ້າໝາຍຄ້າຂາຍຢາເສບຕິດຢູ່ບ້ານສະຜ່າຍ, ເມືອງຊະນະສົມບູນ, ສາມາດຈັບຕົວເຈົ້າຂອງເຮືອນນາງ ຈັນທອນ ອາຍຸ 26 ປີພ້ອມຂອງກາງ ຢາບ້າຫລາຍກວ່າ 1.500 ເມັດ, ຊຸກເຊື່ອງໄວ້ໃນຫ້ອງນອນ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

- Wave100S AD to Website 2020 0 - ສານນະຄອນຫລວງລົງໂທດຜູ້ຄ້າຢາເສບຕິດຈໍາຄຸກ 5 ປີ
- WhatsApp Image 2020 05 27 at 5 - ສານນະຄອນຫລວງລົງໂທດຜູ້ຄ້າຢາເສບຕິດຈໍາຄຸກ 5 ປີ
- WhatsApp Image 2020 05 27 at 5 - ສານນະຄອນຫລວງລົງໂທດຜູ້ຄ້າຢາເສບຕິດຈໍາຄຸກ 5 ປີ
error: Alert: ເນື້ອຫາຂ່າວມີລິຂະສິດ !!