ຜູ້ນຳຣັດເຊຍຍົກເລີກການປິດເມືອງທົ່ວປະເທດ

ຜູ້ນຳຣັດເຊຍຍົກເລີກການປິດເມືອງທົ່ວປະເທດ - 121 - ຜູ້ນຳຣັດເຊຍຍົກເລີກການປິດເມືອງທົ່ວປະເທດ
ຜູ້ນຳຣັດເຊຍຍົກເລີກການປິດເມືອງທົ່ວປະເທດ - Untitled design - ຜູ້ນຳຣັດເຊຍຍົກເລີກການປິດເມືອງທົ່ວປະເທດ

     ປະທານາທິບໍດີ ວະ​ລາ​ດິ​ເມຍ ປູ​ຕິນ ຜູ້ນຳຣັດ​ເຊຍ ຍົກ​ເລີກ​ການ​ປິດ​ເມືອງ​ທົ່ວ​ປະ​ເທດ​ແລ້ວ ​ເຖິງ​ວ່າ​ຈະ​ມີ​ຜູ້​ຕິດ​ເຊື້ອ​ໃໝ່​ໃນ​ປະ​ເທດ​ເພີ່ມ​ຂຶ້ນ​ເລື້ອຍໆ.

​ໃນ​ວັນ​ທີ 11 ພຶດສະພາ, ລັດຖະບານຣັດ​ເຊຍ​ປະກາດ​ວ່າ: ມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ 2019 ​ເຖິງ 221.000 ຄົນ ​ໂດຍ​ສະ​ເພາະ​ໃນ​​ໄລຍະ​ບໍ່​ເທົ່າ​ໃດ​ວັນ​ຜ່ານ​ມາ ທີ່​ມີ​ຜູ້​ຕິດ​ເຊື້ອ​ໃໝ່​ຫລາຍ​ກວ່າ 10.000 ຄົນ. ຂະນະ​ທີ່ ມະຫາວິທະຍາ​ໄລ​ຈອນ ຮອບ​ກິນ ຂອງ​ອາ​ເມ​ລິ​ກາ ລະບຸ​ວ່າ: ຣັດ​ເຊຍ​ຂຶ້ນ​ເປັນ​ປະ​ເທດ​ທີ່​ມີ​ຜູ້​ຕິດ​ເຊື້ອສູງ​ສຸດ​ອັນ​ດັບ 4 ຂອງ​ໂລກ​ແລ້ວ.

​ໃນ​ການ​ຖະ​ແຫລ​ງ ​ເຊິ່ງມີ​ການຖ່າຍ​ທອດ​ສົດ​ທາງ​ໂທລະພາບ ​ໃນ​ວັນ​ທີ 11 ພຶດສະພາ ປະທານາທິບໍດີ ປູ​ຕິນ ​ໄດ້​ປະກາດ​ຢຸດ​ມາດ​ຕະການ​ປິດ​ເມືອງ​ທົ່ວ​ປະ​ເທດ​ທີ່​ດຳ​ເນີນ​ມາ​ແຕ່​ທ້າຍ​ເດືອນ​ມີນາ ​ໂດຍ​ລະບຸ​ວ່າ: ຈະ​ຍົກ​ເລີກ​ການ​ປິດ​ເມືອງ​ຕາມ​ກຳນົດ​ເກົ່າ​ໃນ​ວັນ​ທີ 12 ພຶດສະພາ ​ແລະ ​ໃຫ້​ເຈົ້າ​ຄອງ​ແຕ່​ລະ​ລັດ​​ເລືອກ​ໃຊ້​ມາດ​ຕະການ​ເອງ​ຕາມ​ຄວາມ​ເໝາະ​ສົມ ບໍ່​ວ່າ​ຈະ​ເປັນ​ການ​ອອກ​ຂໍ້​ຈຳກັດ​ໃນ​ການ​ອອກ​ນອກ​ເຮືອນ ຫລື ການ​ອອກ​ມາດ​ຕະການ​ປ້ອງ​ກັນ. ທັງ​ນີ້ ຄາດ​ວ່າ​ນະຄອນຫລວງ​ມົດ​ສະ​ກູ ​ເຊິ່ງມີ​ຜູ້​ຕິດ​ເຊື້ອປະມານ​ເຄິ່ງໜຶ່ງ​ຂອງ​ປະ​ເທດ​ຈະ​ຍັງ​ຮັກສາ​ຂໍ້​ຈຳກັດ​ທີ່​ໃຫ້​ຊາວ​ເມືອງ​ຕ້ອງ​ເອົາ​ບັດ​ເອ​ເລັກ​ໂຕຣນິກທີ່​ອອກ​ໂດຍ​ທາງ​ການ​ຕິດ​ໂຕ​ໄປ​ນຳ ​ເມື່ອ​ພວກ​ເຂົາ​ໃຊ້​ລະບົບ​ຂົນ​ສົ່ງ​ສາທາລະນະ.

ຜູ້ນຳຣັດເຊຍຍົກເລີກການປິດເມືອງທົ່ວປະເທດ - Wave100S AD to Website 2020 0 - ຜູ້ນຳຣັດເຊຍຍົກເລີກການປິດເມືອງທົ່ວປະເທດ

ການ​ເຄື່ອນ​ໄຫວ​ເພື່ອ​ຫລຸ​ດຂໍ້​ຈຳກັດ ​ເບິ່ງ​ຄື​ວ່າ​ຈະ​ມຸ່ງ​ໃສ່​ການ​ປ້ອງ​ກັນ​ບໍ່​ໃຫ້​ເສດຖະກິດຫລຸດ​ລົງ​ໄປ​ອີກ. ຜູ້ນຳຣັດ​ເຊຍ ​ເປີດ​ເຜີຍ​ວ່າ: ການລະບາດ​ຂອງ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາ 2019 ​ໄດ້​ເຮັດ​​ໃຫ້​ຄົນຣັດ​ເຊຍ​ຫວ່າງ​ວຽກ​​ໄປ​ແລ້ວ 1.400.000 ຄົນ.

ຜູ້ນຳຣັດເຊຍຍົກເລີກການປິດເມືອງທົ່ວປະເທດ - WhatsApp Image 2020 05 27 at 5 - ຜູ້ນຳຣັດເຊຍຍົກເລີກການປິດເມືອງທົ່ວປະເທດ
ຜູ້ນຳຣັດເຊຍຍົກເລີກການປິດເມືອງທົ່ວປະເທດ - WhatsApp Image 2020 05 27 at 5 - ຜູ້ນຳຣັດເຊຍຍົກເລີກການປິດເມືອງທົ່ວປະເທດ
error: Alert: ເນື້ອຫາຂ່າວມີລິຂະສິດ !!