ກົດໝາຍການຈັດຊື້ດ້ວຍທຶນຂອງລັດ ແລະ ໜີ້ສິນສາທາລະນະ ຈະຖືກນຳສະເໜີຕໍ່ສະພາໃນທ້າຍປີນີ້

- 6555 - ກົດໝາຍການຈັດຊື້ດ້ວຍທຶນຂອງລັດ ແລະ ໜີ້ສິນສາທາລະນະ ຈະຖືກນຳສະເໜີຕໍ່ສະພາໃນທ້າຍປີນີ້
- Untitled design - ກົດໝາຍການຈັດຊື້ດ້ວຍທຶນຂອງລັດ ແລະ ໜີ້ສິນສາທາລະນະ ຈະຖືກນຳສະເໜີຕໍ່ສະພາໃນທ້າຍປີນີ້

ກອງປະຊຸມລະດົມແນວຄວາມຄິດຕໍ່ຮ່າງກົດໝາຍວ່າດ້ວຍການຈັດຊື້ດ້ວຍທຶນຂອງລັດ ແລະ ຮ່າງກົດໝາຍວ່າດ້ວຍໜີ້ສິນສາທາລະນະ, ໄດ້ຈັດຂຶ້ນໃນ ວັນທີ 13-15 ມີຖຸນານີ້, ໂດຍການເປັນປະທານຂອງທ່ານ ອາດສະພັງ ທອງ ສີພັນດອນ ຮອງລັດຖະມົນຕີກະຊວງການເງິນ, ຫົວໜ້າຄະນະຊີ້ນໍາການ ສ້າງຮ່າງກົດໝາຍດັ່ງກ່າວ, ເພື່ອລະດົມຄວາມເຫັນຈາກບັນດາກະຊວງ, ອົງ ການທຽບເທົ່າ ແລະ ພາກສ່ວນກ່ຽວຂ້ອງຕ່າງໆ ທັງພາກລັດ ແລະ ເອກະ ຊົນອ້ອມຂ້າງສູນກາງ, ຫລັງຈາກນັ້ນ ຍັງຈະໄດ້ສືບຕໍ່ຈັດກອງປະຊຸມລະດົມ ຄຳເຫັນຢູ່ຂັ້ນທ້ອງຖິ່ນໃນທົ່ວປະເທດ, ຊຶ່ງຕາມແຜນແມ່ນຄາດວ່າຈະໃຫ້ສຳເລັດ ໃນເດືອນກໍລະກົດນີ້, ກ່ອນຈະນຳສະເໜີເຂົ້າຜ່ານກອງປະຊຸມລັດຖະບານ ແລະ ກອງປະຊຸມສະພາແຫ່ງຊາດໃນທ້າຍປີນີ້.

ວຽກງານການຈັດຊື້ດ້ວຍທຶນຂອງລັດ ແລະ ການຄຸ້ມຄອງໜີ້ສິນພາກລັດ ແມ່ນມີຄວາມສຳຄັນຕໍ່ວຽກງານການຄຸ້ມຄອງງົບປະມານແຫ່ງຊາດ, ສຳລັບວຽກ ງານຈັດຊື້ດ້ວຍທຶນຂອງລັດໃນປີ 1995, ລັດຖະບານໄດ້ອອກດຳລັດວ່າດ້ວຍ ການຈັດຊື້ສິນຄ້າ, ການກໍ່ສ້າງສ້ອມແປງ ແລະ ການບໍລິການດ້ວຍທຶນຂອງລັດ ສະບັບທຳອິດ, ຈາກນັ້ນ ໄດ້ປັບປຸງມາເປັນດຳລັດວ່າດ້ວຍ ການຈັດຊື້ສິນຄ້າ, ການກໍ່ສ້າງສ້ອມແປງ ແລະ ການບໍລິການດ້ວຍທຶນຂອງລັດ ສະບັບເລກທີ 03/ນຍ, ລົງວັນທີ 9 ມັງກອນ 2004 ແລະ ໄດ້ນຳໃຊ້ມາຈົນ ເຖິງປັດຈຸບັນ. ນອກນີ້ ເພື່ອປະຕິບັດຕາມກົດໝາຍວ່າດ້ວຍການສ້າງນິຕິກຳ ສະບັບເລກທີ 19/ສພຊ, ລົງວັນທີ 12 ກໍລະກົດ 2012 ການຄົ້ນຄວ້າສ້າງ ແລະ ປັບປຸງນິຕິ ກຳ ຕ້ອງໄດ້ມີການທາບທາມຄຳເຫັນຢ່າງກວ້າງຂວາງ ແລະ ເລິກເຊິ່ງນຳພາກ ສ່ວນກ່ຽວຂ້ອງທັງພາກລັດ ແລະ ເອກກະຊົນ ເພື່ອໃຫ້ຮ່າງນິຕິກໍາທີ່ສະເໜີສ້າງ ແລະ ປັບປຸງດັ່ງກ່າວມີເນື້ອໃນຈະແຈ້ງ, ຄົບຖ້ວນ ແລະ ສອດຄ່ອງກັບນິຕິກຳທີ່ ກ່ຽວຂ້ອງຂອງລາວ.

- Wave100S AD to Website 2020 0 - ກົດໝາຍການຈັດຊື້ດ້ວຍທຶນຂອງລັດ ແລະ ໜີ້ສິນສາທາລະນະ ຈະຖືກນຳສະເໜີຕໍ່ສະພາໃນທ້າຍປີນີ້
- WhatsApp Image 2020 05 27 at 5 - ກົດໝາຍການຈັດຊື້ດ້ວຍທຶນຂອງລັດ ແລະ ໜີ້ສິນສາທາລະນະ ຈະຖືກນຳສະເໜີຕໍ່ສະພາໃນທ້າຍປີນີ້
- WhatsApp Image 2020 05 27 at 5 - ກົດໝາຍການຈັດຊື້ດ້ວຍທຶນຂອງລັດ ແລະ ໜີ້ສິນສາທາລະນະ ຈະຖືກນຳສະເໜີຕໍ່ສະພາໃນທ້າຍປີນີ້
error: Alert: ເນື້ອຫາຂ່າວມີລິຂະສິດ !!