Logitech ເປີດຕົວ Powerplay ແຜ່ນຮອງເມົາສ໌ແບບສາກໄຮ້ສາຍໄດ້ໃນຕົວລຸ້ນໃຫມ່

Logitech ເປີດຕົວ Powerplay ແຜ່ນຮອງເມົາສ໌ແບບຊາຣ໌ຈໄຮ້ສາຍໄດ້ໃນຕົວລຸ້ນໃຫມ່ ໃຊ້ສາກເມົາສ໌ປະເພດໄຮ້ສາຍ ກະຈາຍພະລັງງານໃນພື້ນທີ່ 275 x 320 ມິນລີແມັດ ເລີ່ມວາງຈໍາໜ່າຍເດືອນສິງຫາ ທ້າຍປີນີ້.

Logitech ກວ່າວ່າ: ເຕັກໂນໂລຊີ Powerplay ດັ່ງກ່າວ ໃຊ້ເວລາ​ໃນການພັດທະນາດົນກວ່າ 4 ປີ ພາຍໃຕ້ເຕັກໂນໂລຊີທີ່ເອີ້ນວ່າ: LIGHTSPEED ໃຊ້ຄວາມແຮງຂອງສັນຍານ Wireless ໄດ້ເຖິງ 16x  ພ້ອມໃຫ້ຄວາມສະໝໍ່າສະ​ເໝີ ແລະ ລາບລື່ນ ເຖິງພົບສັນຍານອື່ນໆລົບກວນ. ກະຈາຍພະລັງງານໃຫ້ກັບເມົາສ໌  Logitech ໃນລຸ້ນທີ່ຮອງຮັບໃນລັດ​ສະໝ 275 x 320 ມິນລີແມັດ ຈາກພື້ນຜິວ ໂດຍບໍ່ກໍ່ໃຫ້ເກີດອຸປະກອນລົບກວນໃນຂະນະໃຊ້ງານ. ຫຼິ້ນເກມແຕ່ຢ່າງໃດ. ພ້ອມກັນນີ້ ບໍລິເວນຈຸດຮັບພະລັງງານທີ່ເມົາສ໌  Logitech ຍັງມີໂມດູນທີ່ເອີ້ນວ່າ: Powercore ປ່ຽນພະລັງງານທີ່ກະຈາຍຈາກ Powerplay ໃຫ້ກາຍເປັນກະແສໄຟຟ້າສໍາລັບສາກແບັດເຕີຣີ.

ສໍາລັບເມົາສ໌ Wireless ຂອງ  Logitech ທີ່ໃຊ້ໄດ້ກັບແຜ່ນຮອງເມົາສ໌ Powerplay ຈະເປັນລຸ້ນ G Series ລຸ້ນໃຫມ່ ໄດ້ແກ່  G903 ແລະ G703 LIGHTSPEED ທີ່ມາພ້ອຄວາມໄວ DPI ນັບແຕ່ 200-12.000 DPI, ມີປຸ່ມທີ່ໃຫ້ຄວາມທົນທານດ້ວຍການທົດສອບຄລິກກວ່າ 50 ລ້ານຄັ້ງ, ມີປຸ່ນທີ່ສາມາດກໍານົດການໃຊ້ງານໃຫ້ເໝາະກັບການໃຊ້ງານໄດ້ທັງມືຊ້າຍ ແລະ ມືຂວາ ພ້ອມຕັ້ງໂປຣແກຣມໃຫ້ກັບປຸ່ມຕ່າງໆ ຜ່ານໂປຮແກຣມ Logitech Gaming Software (LGS).

ແຜ່ນຮອງເມົາສ໌ແບບສາກໄຮ້ສາຍ POWERPLAY ຈະວາງຈໍາໜ່າຍໃນເດືອນສິງຫາຈະມາເຖິງນີ້ ໃນລາຄາ 99,99 ​ໂດ​ລາສະຫະລັດ, ສ່ວນເມົາສ໌  Logitech G903 ແລະ  G703 LIGHTSPEED ຈະເລີ່ມວາງຂາຍໃນເດືອນມິຖຸນານີ້ ໃນລາຄາ 99,99 ​ໂດ​ລາສະຫະລັດ ແລະ149,99 ​ໂດ​ລາສະຫະລັດ.