ຫວຽດນາມຕີລາຄາ ວັກແຊັງໂຄວິດ-19 ດ້ວຍເລືອດໜູ

- 03 2 - ຫວຽດນາມຕີລາຄາ ວັກແຊັງໂຄວິດ-19 ດ້ວຍເລືອດໜູ
- AGL - ຫວຽດນາມຕີລາຄາ ວັກແຊັງໂຄວິດ-19 ດ້ວຍເລືອດໜູ

ໂດຍ: ລູກເມືອງພວນ

ຝູງໜູຈຳນວນ 50 ໂຕ ຖືກສີດວັກແຊັງ ໂຄວິດ-19  ຕົວຕັ້ງເຂົ້າໄປໃນຮ່າງກາຍ. ມື້ນີ້ ວັນທີ 14 ພຶດສະພາ ກຸ່ມນັກວິທະຍາສາດໄດ້ເອົາເລືອດຂອງພວກມັນສົ່ງໄປໃຫ້ສະຖາບັນລະບາດວິທະຍາ ເພື່ອຕີລາຄາເບິ່ງປະສິດທິຜົນຂອງຢາ.

ທ່ານ ປອ ຕວັນ ດາດ ປະທານບໍລິສັດ ວັດແຊັງ ແລະ ຜະລິດຕະພັນຢາເລກ 1 (VABIOTECH) ຂອງກະຊວງສາທາລະນະສຸກ ໃຫ້ຮູ້ວ່າ:  ກຸ່ມນັກຄົ້ນຄວ້າດັ່ງກ່າວ ໄດ້ເອົາເລືອດໜູທີ່ຖືກສີດວັກແຊັງ ຕົວຕັ້ງເຂົ້າໄປໃນຮ່າງກາຍນັ້ນ ສົ່ງໄປໃຫ້ ສະຖາບັນລະບາດວິທະຍາສູນກາງເພື່ອຕີລາຄາປະສິດທິຜົນການຕ້ານທານກັບເຊື້ືອໄວຣັສຂອງຢາ.

ອີງຕາມແຜນຂອງກຸ່ມນັກຄົ້ນຄວ້າດັ່ງກ່າວ ຄາດວ່າໃນເດືອນພຶດສະພານີ້ ຈະກວດສອບລິດຂອງ ວັກແຊັງ ດ້ວຍການສັກເຂົ້າໄປໃນຮ່າງກາຍຂອງໜູຈຳພວກອື່ນອີກ 30 ໂຕ.

ວັກແຊັງ ຕົວຕັ້ງດັ່ງກ່າວ ແມ່ນເພື່ອທົດລອງເບິ່ງຄວາມສາມາດຕ້ານທານຂອງຮ່າງກາຍໜູຕໍ່ກັບເຊື້ອໄວຣັສ. ວັນທີ 24 ເມສາຜ່ານມາ, ໜູຈຳນວນ 50 ໂຕຖືກສີດວັກແຊັງ ໂຄວິດ-19 ຕົວຕັ້ງເຂົ້າໄປໃນຮ່າງກາຍນັ້ນ. ພາຍຫຼັງ 2 ອາທິດເຫັນວ່າພວກມັນຍັງແຂງແຮງດີ.

ເມື່ອໄດ້ຮັບຜົນຄືດັ່ງກ່າວ, ກຸ່ມນັກຄົ້ນຄວ້າຈະສືບຕໍ່ພັດທະນາໃຫ້ກາຍເປັນ ວັກແຊັງ ສົມບູນແບບ ເພື່ອຈະນຳໄປທົດລອງກັບຄົນຕໍ່ໄປ.

- lattana banner 1 - ຫວຽດນາມຕີລາຄາ ວັກແຊັງໂຄວິດ-19 ດ້ວຍເລືອດໜູ
- lattana banner - ຫວຽດນາມຕີລາຄາ ວັກແຊັງໂຄວິດ-19 ດ້ວຍເລືອດໜູ
-    AD conten website - ຫວຽດນາມຕີລາຄາ ວັກແຊັງໂຄວິດ-19 ດ້ວຍເລືອດໜູ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!