ປະໂຫຍດ ແລະ ສັບພະຄຸນໜ້າຮູ້ຂອງຜັກແປ້ງນົວ
ຜັກແປ້ງນົວ ຫລື ໃບແປ້ງນົວ ມີຊື່ທາງວິທະຍາສາດວ່າ Cnidoscoluschayamansa ຢູ່ໃນກຸ່ມ Euphorbiaceaeໄດ້ຮັບຄວາມນິຍົມເອົາມາປຸງແຕ່ງເປັນອາຫານໃນຫລາຍປະເທດ ເປັນຕົ້ນແມ່ນໃນປະເທດແມັກຊິກ, ກົວເຕມາລາ ແລະ ປະເທດແຖບອາເມລິກາກາງ ລວມເຖິງໃນກຸ່ມປະເທດອາຊຽນ.
ຜັກແປ້ງນົວ ອຸດົມໄປດ້ວຍໂປຣຕິນ, ວິຕາມິນ, ທາດການຊຽມ, ໂປຕັສຊຽມ, ທາດເຫລັກ ແລະ ຍັງອຸດົມໄປດ້ວຍສານຕ້ານອະນຸມູນອິດສະລະ ແລະ ມີຄຸນຄ່າທາງໂພຊະນາການຫລາຍກ່ວາຜັກຫົມເຖິງ 2 ເທົ່າ, ມີທາດການຊຽມຫລາຍເຖິງ 421 ມິນລີກຣາມ ຫລາຍກ່ວາຜັກທົ່ວໄປອື່ນໆຫລາຍເທົ່າ ຈຶ່ງນິຍົມກິນກັນຫລາຍໃນກຸ່ມຄົນບໍລິໂພກອາຫານເຈ ຫລື ຄົນກິນເຈ ເພາະມີຄຸນຄ່າທາງອາຫານສູງ.
ທີ່ມາຂອງຊື່ຜັກແປ້ງນົວ ກໍຍ້ອນວ່າ ເມື່ອເອົາມາຕາກແຫ້ງເຮັດເປັນຝຸ່ນກໍສາມາດໃຊ້ແທນແປ້ງນົວໄດ້ເລີຍ ຫລື ຈະເອົາຜັກແປ້ງນົວໄປໃສ່ປະສົມກັບອາຫານຊະນິດອື່ນກໍຈະຊ່ວຍໃຫ້ລົດຊາດອາຫານແຊບຂຶ້ນໂດຍບໍ່ຕ້ອງໃສ່ແປ້ງນົວເລີຍ ຈຶ່ງເຮັດໃຫ້ຄົນປ່ວຍພະຍາດໝາກໄຂ່ຫລັງກິນແປ້ງນົວໜ້ອຍລົງ ເພາະໃຊ້ຜັກແປ້ງນົວແທນການໃຊ້ແປ້ງນົວໃນການປຸງແຕ່ງອາຫານ ເຮັດໃຫ້ປະລິມານໂຊດຽມໃນຮ່າງກາຍຫລຸດລົງ, ຄ່າໝາກໄຂ່ຫັງຈຶ່ງດີຂຶ້ນ.
ຄຸນປະໂຫຍດ ແລະ ສັບພະຄຸນຂອງຜັກແປ້ງນົວມີດັ່ງນີ້ :
- ມີສານຕ້ານອະນຸມູນອິດສະລະ.
- ຊ່ວຍໃນການໝູນວຽນເລືອດ.
- ຊ່ວຍຍ່ອຍອາຫານ.
- ຊ່ວຍໃນການເບິ່ງເຫັນ.
- ບຳລຸງສາຍຕາ.
- ປິ່ນປົວພະຍາດຫອບຫືດ.
- ຊ່ວຍຫລຸດຄໍເລສເຕີໂຣນ.
- ຊ່ວຍຫລຸດຜ່ອນອາການລິດສີດວງທະວານ.
- ຊ່ວຍຫລຸດນຳ້ໜັກ.
- ປ້ອງກັນອາການໄອ.
- ລ້າງພິດໃນຕັບ.
- ປ້ອງກັນອາການເຈັບຫົວ.
- ເພີ່ມທາດການຊຽມໃຫ້ກະດູກ.
- ປິ່ນປົວພະຍາດກະດູກຜ່ອຍ.
- ຫລຸດການສະສົມ ແລະ ຫລຸດການຕິດເຊື້ອໃນປອດ.
- ປ້ອງກັນອາການເລືອດຈາງໂດຍເພີ່ມທາດເຫລັກໃຫ້ກັບເລືອດ.
- ຄວບຄຸມລະດັບນຳ້ຕານໃຫ້ຄົນປ່ວຍພະຍາດເບົາຫວານ.
- ຊ່ວຍຫລຸດຜ່ອນອາການພະຍາດໄຂຂໍ້ອັກເສບ.
- ປັບຄວາມດຸ່ນດ່ຽງຂອງລະບົບເຜົາຜານ.
- ຫລຸດການອັກເສບໃນເສັ້ນເລືອດ.
- ຊ່ວຍຂ້າເຊື້ອໃນປອດ.
- ບຳລຸງສະໝອງໃຫ້ເຮັດວຽກຢ່າງມີປະສິດທິພາບ.
- ຂໍ້ຄວນລະວັງໃນການກິນຜັກແປ້ງນົວ : ເນື່ອງຈາກວ່າຜັກແປ້ງນົວມີສານກລູໂຄໄຊ ເຊິ່ງຈະປ່ອຍສານພິດຈຳພວກໄຊຍາໄນອອກມາ ຈຶ່ງຕ້ອງປຸງແຕ່ງໃຫ້ສຸກກ່ອນກິນ ເພື່ອທຳລາຍລິດຂອງສານພິດລົງ, ຄວນເອົາໄປຕົ້ມ ຫລື ຂົ້ວ ຢ່າງໜ້ອຍ 1 ນາທີ. ສ່ວນກ້ານຂອງຕົ້ນຜັກແປ້ງນົວສາມາດເອົາມາເຮັດເປັນອາຫານໄດ້ຄືກັນ ແຕ່ຕ້ອງລອກເປືອກອອກ, ລົດຊາດຈະຄ້າຍຄືກັບຜັກກາດນາ. ຂໍ້ຄວນລະວັງແມ່ນຫ້າມຕົ້ມໃນພາຊະນະອະລູມີນຽມ ເພາະອາດເຮັດໃຫ້ນຳ້ຕົ້ມເປັນພິດ ແລະ ກໍ່ໃຫ້ເກີດອາການເຈັບທ້ອງ -ຖອກທ້ອງໄດ້.
