12 ຄຳແນະນຳ ແມ່ຍິງຖືພາຄວນລະວັງ COVID – 19 ແນວໃດ

- 17 1 - 12 ຄຳແນະນຳ ແມ່ຍິງຖືພາຄວນລະວັງ COVID – 19 ແນວໃດ
- Untitled design - 12 ຄຳແນະນຳ ແມ່ຍິງຖືພາຄວນລະວັງ COVID – 19 ແນວໃດ

ການລະບາດຂອງໄວຣັສ COVID-19ທີ່ເກີດຂຶ້ນທົ່ວໂລກ ປັດຈຸບັນກໍຍັງພົບຜູ້ຕິດເຊື້ອເພີ່ມຂຶ້ນ ມີທັງຜູ້ຕິດເຊື້ອທີ່ສະແດງອາການ ຫລື ຜູ້ທີ່ໄດ້ຮັບເຊື້ອ ແຕ່ບໍ່ສະແດງອາການ ເຊິ່ງກໍມີໂອກາດສົ່ງຕໍ່ເຊື້ອໄປຍັງຜູ້ອື່ນໄດ້ໂດຍບໍ່ຮູ້ໂຕ ແລະ ແມ່ຍິງຖືພາ ກໍເປັນອີກໜຶ່ງກຸ່ມທີ່ຕ້ອງມີການດູແລໂຕເອງໃຫ້ຫລາຍຂຶ້ນ ເພື່ອສຸຂະພາບທີ່ແຂງແຮງເກີດລູກນ້ອຍອອກມາໄດ້ຢ່າງປອດໄພທັງແມ່ ແລະ ລູກ.

ແມ່ຍິງຖືພາຄວນລະວັງ ແລະ ຮູ້ທັນ COVID-19ເປັນຢ່າງດີ ເນື່ອງຈາກວ່າໃນໄລຍະຖືພາ ແມ່ຈະມີການປ່ຽນແປງທາງຮ່າງກາຍຫລາຍກ່ວາໄລຍະປົກກະຕິ ເຊັ່ນ : ປະສິດທິພາບການເຮັດວຽກຂອງປອດຫລຸດລົງ, ປະລິມານການໃຊ້ອົກຊີແຊນໃນຮ່າງກາຍຈະເພີ່ມຂຶ້ນ, ລະບົບພູມຕ້ານທານຂອງແມ່ຍິງຖືພາເກີດການປ່ຽນແປງໄປຈາກເກົ່າ ອາດເຮັດໃຫ້ເກີດອາການແຊກຊ້ອນຈາກພະຍາດທາງລະບົບການຫາຍໃຈໄດ້ ເຊິ່ງການປ່ຽນແປງທາງຮ່າງກາຍຂອງແມ່ໃນຂະນະຖືພານັ້ນ ສົ່ງຜົນໃຫ້ຫາກເຈັບປ່ວຍເປັນພະຍາດທີ່ກ່ຽວຂ້ອງກັບລະບົບການຫາຍໃຈ ເຊັ່ນ : ໄຂ້ຫວັດໃຫຍ່ ຈະມີຄວາມຮຸນແຮງຫລາຍກ່ວາຄົນປົກກະຕິ.

ເຖິງວ່າຂໍ້ມູນປັດຈຸບັນ ບົ່ງບອກວ່າແມ່ຍິງຖືພາທີ່ຕິດເຊື້ອ COVID-19ຈະມີອາການບໍ່ແຕກຕ່າງຈາກຄົນປົກກະຕິ, ແຕ່ການປິ່ນປົວຈະມີຄວາມສັບຊ້ອນກ່ວາ ເຊັ່ນ : ຕ້ອງຄຳນຶງເຖິງອາຍຸການຖືພາ, ອາການແຊກຊ້ອນທີ່ອາດເກີດຂຶ້ນ ເຊັ່ນ : ອາການເກີດລູກກ່ອນກຳນົດ ເປັນຕົ້ນ.

ແມ່ຍິງຖືພາ ສາມາດດູແລຕົນເອງໃຫ້ຫ່າງໄກຈາກ COVID-19ໄດ້ໂດຍຂໍ້ແນະນຳຕໍ່ໄປນີ້ :

- Wave100S AD to Website 2020 0 - 12 ຄຳແນະນຳ ແມ່ຍິງຖືພາຄວນລະວັງ COVID – 19 ແນວໃດ
  1. ຫລີກເວັ້ນບໍ່ຢູ່ບ່ອນແອອັດ ແລະ ໃຊ້ມາດຕະຖານ SOCIAL DISTANCING ເວັ້ນໄລຍະຫ່າງທາງສັງຄົມ.
  2. ລ້າງມືເລື້ອຍໆດ້ວຍສະບູລ້າງມື, ເຈວອານກໍຮໍ ເປັນຕົ້ນ.
  3. ໃສ່ໜ້າກາກອະນາໄມສະໝໍ່າສະເໝີ.
  4. ບໍ່ຢູ່ໃກ້ຊິດຄົນປ່ວຍທີ່ໄອ – ຈາມ.
  5. ບໍ່ໃຊ້ມືສຳຜັດບໍລິເວນຕາ, ດັງ, ປາກ.
  6. ຫ້າມໃຊ້ສິ່ງຂອງຮ່ວມກັບຜູ້ອື່ນ ເຊັ່ນ : ຜ້າເຊັດໜ້າ, ຈອກນຳ້, ບ່ວງ, ສ້ອມ ຫລື ໄມ້ທູ່ ເປັນຕົ້ນ.
  7. ກິນອາຫານໃຫ້ຄົບ 5 ໝວດ, ເນັ້ນອາຫານປຸງແຕ່ງສຸກ – ສະອາດ.
  8. ກິນວິຕາມິນເຊ ແລະ ວິຕາມິນເອີ ຕາມຄຳແນະນຳຂອງແພດ.
  9. ນອນຫລັບພັກຜ່ອນໃຫ້ຄົບ 8 – 10 ຊົ່ວໂມງຕໍ່ມື້.
  10. ຟັງເພງ ຫລື ເບິ່ງລາຍການໂທລະພາບທີ່ເຮັດໃຫ້ຜ່ອນຄາຍ ບໍ່ເຄັ່ງຄຽດ.
  11. ຫາກແມ່ຍິງຖືພາທ່ານໃດຍັງຕ້ອງເຮັດວຽກ ແນະນຳວ່າຄວນເຮັດວຽກຢູ່ເຮືອນໃນໄລຍະນີ້ຈະດີສຸດ.
  12. ຫລີກເວັ້ນການໃຊ້ລົດສາທາລະນະ, ໃຊ້ລົດສ່ວນໂຕເພື່ອເປັນການປ້ອງກັນອີກທາງໜຶ່ງ.

ນອກຈາກນີ້, ແມ່ຍິງຖືພາຕ້ອງລະມັດລະວັງສຸຂະພາບຂອງຕົນເອງໃຫ້ແຂງແຮງຢູ່ສະເໝີ ຫາກມີຄວາມກັງວົນ ຫລື ເກີດຄວາມຜິດປົກກະຕິໃດໆຂອງຮ່າງກາຍ ສາມາດປຶກສາແພດທີ່ຝາກທ້ອງໄດ້ທັນທີ.

- WhatsApp Image 2020 05 27 at 5 - 12 ຄຳແນະນຳ ແມ່ຍິງຖືພາຄວນລະວັງ COVID – 19 ແນວໃດ
- WhatsApp Image 2020 05 27 at 5 - 12 ຄຳແນະນຳ ແມ່ຍິງຖືພາຄວນລະວັງ COVID – 19 ແນວໃດ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!