ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19

- 2211 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19
- AGL banner - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19

ວັນທີ 14 ພຶດສະພານີ້, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ເຂົ້າຮ່ວມກອງປະຊຸມທາງໄກສະໄຫມພິເສດ ລັດຖະມົນຕີກະຊວງ ແຮງງານ ແລະ ຫວັດດີການສັງຄົມອາຊຽນກ່ຽວກັບ ການຮັບມືຈາກຜົນກະທົບຂອງພະຍາດ ໂຄວິດ-19 (COVID-19) ຕໍ່ແຮງງານ ແລະ ການຈ້າງງານ.

ໃນໂອກາດນີ້, ທ່ານ ລັດຖະມົນຕີ ໄດ້ຍົກໃຫ້ເຫັນວ່າ: ຢູ່ ສປປ ລາວ, ມີຜູ້ຕິດເຊື້ອພະຍາດໂຄວິດ-19 ຜູ້ທໍາອິດໃນວັນທີ 23 ມີນາ 2020, ມາຮອດປະຈຸບັນມີຜູ້ຕິດເຊື້ອທັງໝົດ 19 ຄົນ ແລະ ປິ່ນປົວດີແລ້ວຈຳນວນ 10 ຄົນ, ບໍ່ມີຜູ້ເສຍຊີວິດ. ເຖິງແມ່ນວ່າຈຳນວນຜູ້ຕິດເຊື້ອຢູ່ປະເທດພວກເຮົາຈະບໍ່ມີຫຼາຍ ແຕ່ຜົນກະທົບທີ່ມີຕໍ່ເສດຖະກິດ-ສັງຄົມ ພາຍໃນປະເທດແມ່ນມີຫຼາຍດ້ານ ເປັນຕົ້ນແມ່ນ: ການປິດຫົວໜ່ວຍແຮງງານ, ຫົວໜ່ວຍທຸລະກິດ ອັນໄດ້ສົ່ງຜົນກະທົບໂດຍກົງທາງທຸລະກິດ ໂດຍເຮັດໃຫ້ແຮງງານຈຳນວນຫລາຍຕ້ອງໄດ້ພັກວຽກ, ມີຫຼາຍຫົວໜ່ວຍທຸລະກິດທີ່ມີຄວາມຈຳເປັນຕ້ອງໄດ້ຫຼຸດຜ່ອນການຜະລິດ ແລະ ມີຄວາມສ່ຽງ ຍົກເລີກສັນຍາແຮງງານ, ມີຫຼາຍຫົວໜ່ວຍທຸລະກິດ ບໍ່ສາມາດຈ່າຍຄ່າແຮງງານໄດ້ໃນເວລາທີ່ຍັງບໍ່ສາມາດດໍາເນີນກິດຈະການ, ໂດຍສະເພາະແມ່ນຂະແໜງບໍລິການການທ່ອງທ່ຽວ, ໂຮງແຮມ, ຮ້ານອາຫານ ແລະ ອື່ນໆ ສໍາລັບຂະແໜງອຸດສາຫະກໍາຈໍານວນໜຶ່ງຍັງສາມາດຮັກສາແຮງງານໄວ້ໄດ້ ໂດຍການຫຼຸດຄ່າແຮງງານ ທີ່ເຄີຍໄດ້ຮັບປົກກະຕິລົງ. ພ້ອມກັນນັ້ນ, ແຮງງານລາວຈຳນວນ 1 ແສນກວ່າຄົນໄດ້ເດີນທາງກັບຈາກຕ່າງປະເທດ ທີ່ໄດ້ຮັບຜົນກະທົບທາງດ້ານຊີວິດການເປັນຢູ່. ບັນຫານີ້ , ເປັນພຽງຜົນກະທົບໃນໄລຍະເບື້ອງຕົ້ນເທົ່ານັ້ນ. ຖ້າຫາກສະພາບການແຜ່ລະບາດຂອງພະຍາດໂຄວິດ-19 ຍັງແກ່ຍາວໄປຕື່ມ ຈະມີສິ່ງທ້າທາຍອັນໃຫ່ຍຫຼວງຕໍ່ລັດຖະບານ ທີ່ຈະຕ້ອງໄດ້ຫາວິທີການແກ້ໄຂ. ຊຶ່ງຕາມການຄາດຄະເນໃນເບື້ອງຕົ້ນເຫັນວ່າ ຖ້າພະຍາດໂຄວິດ-19 ຫາກຍັງສືບຕໍ່ແກ່ຍາວໄປອີກ ຈະເຮັດໃຫ້ອັດຕາການວ່າງງານພາຍໃນປະເທດ ເພີ່ມຂຶ້ນຈາກອັດຕາປົກກະຕິ 2% ຂຶ້ນເປັນ 25%.

- 854 300x199 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19

- Wave100S AD to Website 2020 0 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19

ສຳລັບນະໂຍບາຍດ້ານການປົກປ້ອງແຮງງານ ແລະ ການຈ້າງງານ, ພວກເຮົາໄດ້ອີງໃສ່ກົດໝາຍວ່າດ້ວຍແຮງງານ ແລະ ກົດໝາຍວ່າດ້ວຍການປະກັນສັງຄົມ ທີ່ກຳນົດກ່ຽວກັບການແກ້ໄຂບັນຫາ ດ້ານແຮງງານ ໃນພາວະເກີດເຫດການສຸກເສີນ ເພື່ອກໍານົດມາດຕະການເບື້ອງຕົ້ນ ໃນການປະຕິບັດນະໂຍບາຍ ການອຸດໜູນຕ່າງໆ ຕໍ່ຫົວໜ່ວຍແຮງງານ ທີ່ຈຳເປັນຕ້ອງໄດ້ພັກວຽກ ຍ້ອນຖືກສັ່ງໂຈະການຜະລິດ ໂດຍສະເພາະແມ່ນໃຫ້ຜູ້ໃຊ້ແຮງງານ ຕ້ອງຈ່າຍຄ່າແຮງງານປົກກະຕິໃຫ້ຜູ້ອອກແຮງງານຕາມຄວາມສາມາດ ແຕ່ບໍ່ໃຫ້ຫຼຸດຄ່າແຮງງານຂັ້ນຕໍາ່. ມີນະໂຍບາຍໃຫ້ຜູ້ໃຊ້ແຮງງານ ແລະ ຜູ້ອອກແຮງງານໂຈະ ຫຼື ເລື່ອນເວລາໃນການຈ່າຍເງິນສົມທົບປະກັນສັງຄົມ,  ສຳລັບຜູ້ເປັນສະມາຊິກກອງທຶນປະກັນສັງຄົມ ທີ່ໄດ້ຮັບຜົນກະທົບ ແມ່ນຈະໄດ້ຮັບການພິຈາລະນາແກ້ໄຂເງິນອຸດໜູນການວ່າງງານຕາມກົດໝາຍວ່າດ້ວຍການປະກັນສັງຄົມ. ສຳລັບແຮງງານນອກປະກັນສັງຄົມ ແລະ ແຮງງານນອກລະບົບ ທີ່ໄດ້ຮັບຜົນກະທົບຮຸນແຮງ ກໍຈະໄດ້ຮັບການພິຈາລະນາ ບັນເທົາທຸກຕາມຄວາມ   ເໝາະສົມ. ນອກຈາກນີ້, ໄດ້ປະສານສົມທົບກັບພາກສ່ວນກ່ຽວຂ້ອງໃຫ້ການຄຸ້ມຄອງ ແລະ ຊ່ວຍເຫຼືອແຮງງານລາວຈຳນວນໜຶ່ງ ທີ່ກັບຈາກຕ່າງປະເທດໂດຍໃຫ້ເຂົ້າສູນກັກກັນທີ່ລັດຖະບານໄດ້ສ້າງຂຶ້ນໃນແຕ່ລະທ້ອງຖ່ິນ ແລະ  ປະສານກັບປະເທດກ່ຽວຂ້ອງເພື່ອພິຈາລະນາໃຫ້ການອຸດໜູນຕາມກົດໝາຍຂອງປະເທດດັ່ງກ່າວ ພ້ອມທັງປະສານສົມທົບກັບຂະແໜງການເສດຖະກິດທີ່ກ່ຽວຂ້ອງ ເພື່ອວາງແຜນການໃນການສ້າງວຽກເຮັດງານທຳໃຫ້ແຮງງານດັ່ງກ່າວ.

 

- WhatsApp Image 2020 05 27 at 5 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19
- WhatsApp Image 2020 05 27 at 5 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19
- WhatsApp Image 2020 05 27 at 5 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19
- WhatsApp Image 2020 05 27 at 5 - ອັດຕາການຫວ່າງງານຂອງລາວອາດຈະເພີ່ມຂຶ້ນເປັນ 25% ຍ້ອນການລະບາດຂອງພະຍາດໂຄວິດ-19
error: Alert: Content is protected !!