ຫົວໜ້າເຜົ່າ ອາເມຊອນ ຕາຍຍ້ອນພະຍາດໂຄວິດ-19

- 95 - ຫົວໜ້າເຜົ່າ ອາເມຊອນ ຕາຍຍ້ອນພະຍາດໂຄວິດ-19
- Untitled design - ຫົວໜ້າເຜົ່າ ອາເມຊອນ ຕາຍຍ້ອນພະຍາດໂຄວິດ-19

ໂດຍ: ລູກເມືອງພວນ

MessiasKokama, ອາຍຸ 53 ປີ ຫົວໜ້າເຜົ່າ Kokama ໃນເຂດ ອາເມຊອນ ໄດ້ເສຍຊີວິດລົງຍ້ອນເຊື້ອໄວຣັສໂຄວິດ-19 ໃນທ່າມກາງ ບຣາຊິລ ກຳລັງເປັນເຂດລະບາດໃຫ່ຍທີ 6 ຂອງໂລກ.

Kokama ເປັນຫົວໜ້າເຜົ່າ Kokama ໃນເມືອງ Manaus ສູນກາງຂອງ ອາເມຊອນ ແລະ ທັງເປັນນະຄອນທີ່ໃຫ່ຍທີ່ສຸດຂອງ ບຣາຊີລ ໃນປ່າເຂດຮ້ອນ ອາເມຊອນ. ທີ່ນີ້ ເປັນບ່ອນດຳລົງຊີວິດຂອງ 2.500 ຄົນໃນ 35 ເຜົ່າໃນອາເມຊອນ. Kokama ເສຍຊີວິດຢູ່ໃນໂຮງໝໍຂອງເມືອງ Manaus ໃນວັນທີ 13 ພຶດສະພານີ້ ດ້ວຍການຊູດ

ໂຊມໃນລະບົບທາງເດີນຫາຍໃຈ ແລະ ມີອາການຂອງໂຄວິດ-19.

ໃນງານຊາປານະກິດສົງຂອງເຂົາ, ສະມາຊິກໃນເຜົ່າໄດ້ບັນເລງເພງຊາດຂອງ ບຣາຊີລ ດ້ວຍພາສາ Tikuna, ຊຶ່ງເປັນໜຶ່ງໃນ 14 ພາສາທ້ອງຖິ່ນຂອງເຜົ່າ ອາເມຊອນ. ພວກເຂົາໄດ້ເຕັ້ນລຳ ເພື່ອອຳລາ ຫົວໜ້າເຜົ່າເປັນຄັ້ງສຸດທ້າຍ.

Vanderlecia Ortega ເວົ້າວ່າ: “ພວກເຮົາໄດ້ເສຍຫົວໜ້າເຜົ່າທີ່ອົງອາດກ້າຫານ, ເຂົາໄດ້ຕໍ່ສູ້ເພື່ອການຍືນຍົງຄົງຕົວຂອງຊຸມຊົນຕົວແບບ ດ້ວຍຄຸນນະພາບຂອງການສຶກສາ ແລະ ການບໍລິການ ຊຶ່ງພວກເຮົາຖືກປະຕິເສດຕະຫຼອດມາ”.

- Wave100S AD to Website 2020 0 - ຫົວໜ້າເຜົ່າ ອາເມຊອນ ຕາຍຍ້ອນພະຍາດໂຄວິດ-19

 

ເຜົ່າ Kokama ເຄີຍດຳລົງຊີວິດຢູ່ໃນປ່າເຂດຮ້ອນຕົ້ນແມ່ນໍ້າອາເມຊອນໃນເປຣູ, ໂຄລົມເບຍ ແລະ ບຣາຊີລ ມາກ່ອນ. ແຕ່ຊ່ວງໄລຍະ 22 ປີກ່ອນໜ້ານີ້ ພວກເຂົາໄດ້ເຄື່ອນຍ້າຍລົງມາເຂດManaus ເພື່ອຫວັງວ່າຈະມີຊີວິດທີ່ດີກວ່າ, ໃນນັ້ນມີຫົວໜ້າເຜົ່າ MessiasKokama ຢູ່ດ້ວຍ. ຄວາມຈິງແລ້ວກໍຄ້າຍຄືກັນກັບເຜົ່າອື່ນໆ, ເຜົ່າ Kokama ມີຊີວິດອັນລຳບາກຊົນເຜົ່າໜຶ່ງຢູ່ໃນເມືອງ Manaus ແຫ່ງນີ້, ຊຶ່ງພວກເຂົາມີໂອກາດໜ້ອຍທີ່ສຸດຈະໄດ້ເຂົ້າເຖິງການບໍລິການທາງດ້ານສາທາລະນະສຸກ.

ນາງພະຍາບານ Vanda ກ່າວວ່າ: “ຂອບໃຈຫົວໜ້າເຜົ່າ Kokama, ພວກເຮົາໄດ້ມີພື້ນຖານບ່ອນອີງທາງດ້ານວັດທະນະທຳ, ຊຶ່ງມັນເປັນບົດເພງ, ແບບເຕັ້ນລຳທີ່ອຳມະຕະຂອງເຜົ່າພວກເຮົາ, ການຜະລິດແປ້ງມັນຕົ້ນ, ເຄື່ອງຫັດຖະກຳ ແລະ ວິຈິດຕະກຳຂອງພວກເຮົາ, ພວກເຮົາຈະສືບຕໍ່ຕໍ່ສູ້ເພື່ອປ່ຽນແປງຄວາມຝັນໃຫ້ກາຍມາເປັນຄວາມຈິງ”

- WhatsApp Image 2020 05 27 at 5 - ຫົວໜ້າເຜົ່າ ອາເມຊອນ ຕາຍຍ້ອນພະຍາດໂຄວິດ-19
- WhatsApp Image 2020 05 27 at 5 - ຫົວໜ້າເຜົ່າ ອາເມຊອນ ຕາຍຍ້ອນພະຍາດໂຄວິດ-19
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!