ວິທີລ້ຽງກຸ້ງໃນອ່າງຊີມັງ

- 66999 - ວິທີລ້ຽງກຸ້ງໃນອ່າງຊີມັງ
- Untitled design - ວິທີລ້ຽງກຸ້ງໃນອ່າງຊີມັງ

ຂັ້ນຕອນກະກຽມມີຄື:
1.ອ່າງເຮັດດ້ວຍຊີມັງຂະໜາດ 3X3 ແມັດ, ເລິກປະມານ 60 ຊັງຕີແມັດ. ສ່ວນໃຫຍ່ໃຊ້ຊີມັງ ກໍ່ເຮັດເປັນອ່າງຊຶ່ງເຮົາອາດທົດລອງເຮັດຈະ 1-2 ອ່າງກ່ອນກໍໄດ້.
2. ເຄື່ອງເຮັດອົກຊີ ຂະຫນາດກາງ
3. ເລືອກພັນກຸ້ງ
4. ອາຫານກຸ້ງອານຸບານ ນັບທັງພວກອາຫານເມັດ ແລະ ອາຫານສົດ ເຊັ່ນໄຮແດງ
5. ເກືອ ສຳລັບຄ່າເຊື້ອໃນນ້ຳ
6. ທໍພີຊີ ສຳລັບການຖ່າຍເທລະບົບລະບາຍນ້ຳໃນອ່າງ ແລະ ສຳລັບໃຫ້ກຸ້ງລີ້ຢູ່ອາໃສ.
7. ວິຕາມິນສຳລັບກຸ້ງ ແລະ ຜົງແຮ່ທາດ ເພື່ອຊ່ວຍກະຕຸ້ນໃຫ້ກຸ້ງໃຫຍ່ໄວ ລອກຄາບໄວຂຶ້ນ
ເລີ່ມຕົ້ນການລ້ຽງກຸ້ງ:

- 69877 300x214 - ວິທີລ້ຽງກຸ້ງໃນອ່າງຊີມັງ
1. ກຽມອ່າງ ແລະ ຕໍ່ທໍ່ລະບາຍນ້ຳ ແລະ ສາບພື້ນອ່າງດ້ວຍປູນຊີມັງໃຫ້ລະອຽດເພື່ອບໍ່ໃຫ້ນໍ້າຮົ່ວຊຶມ ແລະ ຕ້ອງເຮັດຫລັງຄາກັນຝົນໃຫ້ດີ.
2. ເຕີມນ້ຳໃຫ້ເຕັມອ່າງ ຫລັງຈາກນັ້ນກໍເອົາຕົ້ນກ້ວຍລົງໄປແຊ່ປະໄວ້ປະມານ 7-14 ວັນ ເພື່ອໃຫ້ນ້ໍາແຊ່ຈາກຕົ້ນກ້ວຍລ້າງປູນໃໝ່ໃນອ່າງປັບສະພາບອ່າງໃຫ້ ເໝາະກັບການລ້ຽງກຸ້ງ ຫລັງຈາກແຊ່ຄົບກຳນົດ ໃຫ້ລ້າງດ້ວຍນ້ຳທຳມະດາອີກໜຶ່ງຮອບ.
3. ເລືອກຊື້ພັນກຸ້ງຂະໜາດ 4-5 ຊັງຕີແມັດ.
4. ກ່ອນເອົາພັນກຸ້ງລົງໄປໃຫ້ເຕີມນ້ຳລົງໃນອ່າງໃຫ້ມີລະດັບປະມານ 50 ຊັງຕີແມັດ. ໂຮຍເກືອລົງໄປອີກໜ່ອຍຫນຶ່ງ ເພື່ອເປັນການຄ່າເຊື້ອ.
5. ເປີດເຄື່ອງໃຫ້ອົກຊີເຈນ ເພື່ອເພີ່ມປະລິມານອາກາດໃນນ້ຳໄວ້ 2 ມື້ ກ່ອນປ່ອຍກຸ້ງລົງອ່າງ.
6. ຕັດທໍ່ພີວີຊີ ເປັນທ່ອນມາວາງໃສ່ໃນອ່າງ ເພື່ອໃຫ້ກຸ້ງຫລີ້ອາໄສຢູ່ ແລ້ວກໍລຽນດິນຈີໄວ້ເປັນຖານ ແລະ ເອົາພາທາດພຣາສະຕິກມາວາງປະໄວ້ບາງບ່ອນເທິງເພື່ອໃຫ້ກຸ້ງອາໃສລອກຄາບ.
7. ຂັ້ນຕອນການປ່ອຍພັນກຸ້ງລົງອ່າງຄວນເຮັດໃນໄລຍະເວລາອາກາດບໍ່ຮ້ອນເຊັ່ນ: ຕອນເຊົ້າ ຫລື ຕອນແລງ ກ່ອນປ່ອຍຕ້ອງແຊ່ກຸ້ງໃນນ້ໍາປະມານ 30 ນາທີ ໃຫ້ອຸນນະພູມນ້ຳໃນກຸ້ງກັບໃນອ່າງໃກ້ຄຽງກັນ ແລ້ວຕັກນ້ຳໃນອ່າງມາປະສົມເທື່ອລະໜ້ອຍເພື່ອປ້ອງກັນບໍ່ໃຫ້ກຸ້ງຕາຍ.
8. ພາຍຫລັງປ່ອຍກຸ້ງລົງອ່າງແລ້ວທຳອິດບໍ່ຕ້ອງໃຫ້ອາຫານໃດໆ, ແຕ່ຄ່ອຍໃຫ້ອາຫານໃນມື້ຕໍ່ມາ ໂດຍອາດເປັນການໃຫ້ວິຕາມິນຄູ່ກັບອາຫານເສີມເພື່ອໃຫ້ກຸ້ງໃຫຍ່ໄວ.
9. ຕ້ອງໝັ້ນສັງເກດນ້ຳໃນອ່າງຄວນມີການຖ່າຍນ້ຳເມື່ອສັງເກດເຫັນວ່ານ້ຳເລີ່ມຂຸ້ນ ແລະ ຄວນຫວ່ານແຮ່ທາດສຳລັບກຸ້ງທຸກໆ 7 ມື້ ຫລື ທຸກຄັ້ງທີ່ປ່ຽນນ້ໍາ.
10. ບໍ່ຕ້ອງທຽວໄປເບິ່ງຫລາຍເພາະກຸ້ງມັກຄວາມເປັນສ່ວນໂຕຖ້າຮູ້ສຶກວ່າຖືກລົບກວນຈະເຮັດໃຫ້ກຸ້ງບໍ່ຂະຫຍາຍພັນ.
ຕົ້ນທຶນເບື້ອງຕົ້ນຂອງການລ້ຽງຂຶ້ນຢູ່ກັບປະລິມານມີອ່າງຫລາຍອ່າງໜ້ອຍ , ໄລຍະເວລາລ້ຽງ 5-6 ເດືອນ .ແນວໃດກໍດີການລ້ຽງກຸ້ງໃນອ່າງຊີມັງກໍຍັງມີເຕັກນິກລະອຽດອ່ອນຫລາຍເປັນພູມປັນຍາຂອງຊາວບ້ານຕ້ອງອາໄສການທົດລອງເຮັດແທ້ ແລະ ຄ່ອຍໆຮຽນຮູ້ກັນໄປ ກ່ຽວກັບກຸ້ງ, ບັນຫານ້ຳໃນອ່າງ ລວມທັງເລື່ອງກົນໄກຕະຫລາດຕ່າງໆ. ແຕ່ອາຊີບລ້ຽງກຸ້ງໃນອ່າງຊີມັງເປັນອີກໜຶ່ງທາງເລືອກທີ່ໜ້າສົນໃຈ ແລະ ມີຊ່ອງທາງເປັນໄປໄດ້ສຳລັບລາຍໄດ້ຄອບຄົວ, ແຕ່ຕ້ອງຕັ້ງໃຈສຶກສາ ແລະ ຫາວິທີລ້ຽງທີດີທີ່ສຸດໃຫ້ກັບໂຕເອງ.

- 996 1 300x196 - ວິທີລ້ຽງກຸ້ງໃນອ່າງຊີມັງ

- 69 2 300x200 - ວິທີລ້ຽງກຸ້ງໃນອ່າງຊີມັງ

- Wave100S AD to Website 2020 0 - ວິທີລ້ຽງກຸ້ງໃນອ່າງຊີມັງ
- WhatsApp Image 2020 05 27 at 5 - ວິທີລ້ຽງກຸ້ງໃນອ່າງຊີມັງ
- WhatsApp Image 2020 05 27 at 5 - ວິທີລ້ຽງກຸ້ງໃນອ່າງຊີມັງ
error: Alert: ເນື້ອຫາຂ່າວມີລິຂະສິດ !!