ອຳນວຍການ WTO ລາອອກກະທັນຫັນ ເປີດທາງຮັບມືເສດຖະກິດ ຫລັງໂຄວິດ-19

- 88574 - ອຳນວຍການ WTO ລາອອກກະທັນຫັນ ເປີດທາງຮັບມືເສດຖະກິດ  ຫລັງໂຄວິດ-19
- Untitled design - ອຳນວຍການ WTO ລາອອກກະທັນຫັນ ເປີດທາງຮັບມືເສດຖະກິດ  ຫລັງໂຄວິດ-19

ຜູ້ອຳນວຍການອົງການການຄ້າໂລກ( WTO) ປະກາດລາອອກຈາກຕຳແໜ່ງກະທັນຫັນ ກ່ອນໝົດວາລະທີ່ສອງຂອງລາວ ໃນສະພາບການຄ້າໂລກກຳລັງຖືກປັນປ່ວນຈາກສົງຄາມການຄ້າ ແລະ ການລະບາດຂອງໂຄໂຣນາໄວຣັສ.

ໂຣເບີໂຕ ອາເຊເວໂດ ຜູ້ອຳນວຍການອົງການການຄ້າໂລກ ປະກາດແຜນການລາອອກຂອງລາວເມື່ອວັນພະຫັດ ໂດຍລະບຸວ່າ ຈະກ້າວລົງຈາກແໜ່ງໃນວັນທີ 31 ສິງຫານີ້, ຊຶ່ງລາວຈະໝົດວາລະທີ່ສອງໃນອີກ 1 ປີຕໍ່ໜ້າ ແລະ ການສະລະຕຳແໜ່ງຂອງລາວກ່ອນໝົດວາລະ ຈະເປີດທາງໃຫ້ຜູ້ອຳນວຍການຄົນໃໝ່ເຂົ້າມາປະຕິບັດໜ້າທີ່ແທນໃນໄລຍະບໍ່ທໍ່ໃດເດືອນຕໍ່ໜ້ານີ້ເພື່ອຮັບກັບການປ່ຽນແປງໃໝ່ທີ່ຈະເກີດຂຶ້ນຫລັງການລະບາດຂອງໂຄວິດ-19.

ແຜນການລົງຈາກຕຳແໜ່ງຂອງທ່ານ ອາເຊເວໂດ ມີຂຶ້ນໃນລະຫວ່າງຄວາມທ້າທາຍຂອງ WTO ໃນຖານະຜູ້ຄວບຄຸມກົດລະບຽບການຄ້າໂລກ ແລະ ຫລຸດຜ່ອນຂໍ້ຂັດແຍ່ງທາງການຄ້າລະຫວ່າງປະເທດ, ໂດຍສະເພາະຂໍ້ຂັດແຍ່ງກັບສະຫະລັດ ອາເມລິກາທີ່ເຮັດໃຫ້ການເຮັດວຽກຂອງ WTO ຕ້ອງລະງັບ ຈາກການທີ່ສະຫະລັດຂັດຂວາງການແຕ່ງຕັ້ງຄະນະເຮັດວຽກໃນທ້າຍປີກ່ອນ.

- Wave100S AD to Website 2020 0 - ອຳນວຍການ WTO ລາອອກກະທັນຫັນ ເປີດທາງຮັບມືເສດຖະກິດ  ຫລັງໂຄວິດ-19
- WhatsApp Image 2020 05 27 at 5 - ອຳນວຍການ WTO ລາອອກກະທັນຫັນ ເປີດທາງຮັບມືເສດຖະກິດ  ຫລັງໂຄວິດ-19
- WhatsApp Image 2020 05 27 at 5 - ອຳນວຍການ WTO ລາອອກກະທັນຫັນ ເປີດທາງຮັບມືເສດຖະກິດ  ຫລັງໂຄວິດ-19
error: Alert: ເນື້ອຫາຂ່າວມີລິຂະສິດ !!