ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ

ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ - 69 4 - ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ
ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ - AGL - ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ

ໂດຍ: ທິດ​ກໍ່າ

ດັ່ງ​ທີ່​ຮູ້​ກັນ​ແລ້ວ​ວ່າ: ສະພາບ​ດິນ​ຟ້າ​ອາກາດ​ຢູ່​ບ້ານ​ເຮົາ​ຊ່ວງ​ເດືອນ​ມີນາ, ​ເມສາ, ພຶດສະພາ​ຂອງ​ທຸກໆ​ປີ​ເປັນ​ຍາມ​ແລ້ງ, ບາງ​ປີ​ກໍ​ຮ້ອນ​ພໍ​ເໝາະ, ບາງ​ປີ​ກໍ​ຮ້ອນ​ເກີນ​ເຫດ ຈົນ​ເຮັດ​ໃຫ້​ຄົນ​ເຮົາ​ຢູ່​ຍາກ​ກິນ​ຍາກ. ຜ່ານ​ການ​ຕິດຕາມ​ສະພາບ​ດິນ​ຟ້າ​ອາກາດ​ມາ​ຫລາຍ​ປີ​ຕໍ່ໆ​ກັນ​ມາ ປາກົດ​ວ່າ​ແຕ່ລະ​ປີ​ສະພາບ​ດິນ​ຟ້າ​ອາກາດ​ມັນ​ກໍ​ບໍ່​ຄື​ເກົ່າ ​ເປັນຕົ້ນວ່າ​ຮ້ອນ​ຫລາຍ, ໜາວ​ຫລາຍ, ມີ​ລົມພາຍຸ​ຮຸນ​ແຮງ, ມີ​ຝົນຕົກ​ແຮງ ​ແຖມ​ດ້ວຍ​ໝາກ​ເຫັບ​ໜ່ວຍ​ນ້ອຍ​ໜ່ວຍ​ໃຫຍ່​ຕົກລົງ​ໃສ່​ຫລັງຄາ​ເຮືອນ​ຈົນ​ພັງ​ທະລຸ​ເປັນປ່ອງ​ຫລົມ​ກໍ່າປັ້ນ. ອີກ​ປະການ​ໜຶ່ງ ​ເບິ່ງ​ຄວາມ​ຮຸນ​ແຮງ​ຂອງ​ໄພພິບັດ​ຈາກ​ທຳ​ມະ​ຊາດ​ກໍ​ປາກົດ​ວ່າ​ມັນ​ຖີ່​ເຂົ້າ​ເລື້ອຍໆ. ດັ່ງ​ປີ​ນີ້​ຕ້ອງ​ຍອມຮັບ​ວ່າ​ອາກາດ​ຂ້ອນ​ຂ້າງ​ຮ້ອນ​ອີ່ຫລີ. ນັບ​ແຕ່​ເດືອນ​ເມສາ​ຫາ​ຕົ້ນ​ເດືອນ​ພຶດສະພາ​ໃນ​ບາງ​ວັນ​ອາກາດ​ຮ້ອນ​ເຖິງ 40 ກວ່າ​ອົງສາ ​ໂດຍ​ສະ​ເພາະ​ແມ່ນ​ຢູ່​ກະ​ໂຕ​ນະຄອນຫລວງ​ວຽງ​ຈັນ.

ຈາກ​ສະພາບ​ອາກາດ​ຮ້ອນ​ເອົ້າຄື​ແນວ​ນີ້, ຄວາມ​ສ່ຽງ​ຕາມ​ມາ​ມັນ​ກໍ​ແມ່ນ​ເລື່ອງ​ຟືນ​​ໄຟ ​ເຊິ່ງ​ເປັນຕົ້ນ​ເຫດ​ເຮັດ​ໃຫ້​ເກີດ​ອັກຄີ​ໄພ​ໄໝ້​ເຮືອນ ​ແລະ ​ເຫດ​ສາລະພັດ​ຢ່າງ​ຍ້ອນ​ໄຟ. ດັ່ງ​ທ້າຍ​ເດືອນ​ມີນາ​ຫາ​ຕົ້ນ​ເດືອນ​ເມສາ 2020 ຜ່ານ​ມາ ກໍ​ມີ​ໄຟ​ໄໝ້​ປ່າ​ຢູ່​ແຖວ​ແຂວງ​ອຸດົມ​ໄຊ​ໄດ້​ແຜ່​ລາມ​ເປັນ​ບໍລິ​ເວນ​ກວ້າງ​ເປັນ​ເວລາ​ຫລາຍ​ມື້. ສ່ວນ​ຢູ່​ບັນດາ​​ເຂດ​ແຂວງ​ອື່ນໆ​ໃນ​ທົ່ວ​ປະ​ເທດ​ກໍ​ປາກົດ​ມີ​ຂ່າວ​ຄາວ​ໄຟ​ໄໝ້​ເຮືອນ​ຂອງ​ປະຊາຊົນ​ຢ່າງ​ລຽນຕິດ. ສະ​ເພາະ​ຢູ່​ນະຄອນຫລວງ​ວຽງ​ຈັນ ​ໃນ​ອາທິດ​ດຽວ​ມີ​ໄຟ​ໄໝ້​ເຮື​ອນ​ເຖິງ​ສອງ​ຄັ້ງ ຄື​ໃນ​ວັນ​ທີ 6 ພຶດສະພາ 2020 ​ເວລາ 20:00 ​ໂມງ ​ໄດ້​ເກີດ​​ໄຟ​ໄໝ້​ເຮືອນ​ປະຊາຊົນ​ຢູ່​ບ້ານ​ໂພນ​ໄຊ ​ເມືອງ​ໄຊ​ເສດ​ຖາ ນະຄອນຫລວງ​ວຽງ​ຈັນ ຜົນ​ເສຍ​ຫາຍ​ຍັງ​ເຫລືອ​ແຕ່​ເສົາ​ຊີ້​ຟ້າ. ​ໃນ​ຄືນ​ທີ່​ເກີດ​ເຫດ​ນັ້ນພໍດີ​ກົງ​ກັບ​ວັນ​ວິ​ສາ​ຂະ​ບູຊາ ມື້​ເພັງ 15 ຄໍ່າ​ເດືອນ 6 ພສ 2563. ຫລັງ​ຈາກ​ນັ້ນ ມື້ຕໍ່​ມາ​ຄື​ໃນ​ວັນ​ທີ 8 ພຶ​ດສະພາ 2020 ພັດ​ເກີດ​ເຫດ​ໄຟ​ໄໝ້​ຢູ່​ບ້ານ​ໂພນ​ສີນ​ວນ ​ເມືອງ​ໄຊ​ເສດ​ຖາ ນະຄອນຫລວງ​ວຽງ​ຈັນ ຊ້ຳຕື່ມ​ອີກ.

ສ່ວນວ່າ​ສາ​ເຫດ​ໂດຍ​ກົງ​ທີ່​ເກີດ​ຈາກ​ໄຟ​ໄໝ້​ນັ້ນ ຄົງ​ບໍ່​ນອກ​ເໜືອ​ຈາກ 4-5 ປັດ​ໄຈ​ຄື​ດັ່ງ​ນີ້: ອັນ​ທີ​ໜຶ່ງ ​ແມ່ນ​ເກີດ​ຈາກ​ການ​ໄຕ້​ທູບ​ໄຕ້​ທຽນ​ໃນ​ຍາມ​ວັນ​ສິນ​ວັນ​ພະ ​ເພາະ​ປະຊາຊົນ​ບັນດາ​ເຜົ່າ​ລາວ​ເຮົາ​ສ່ວນ​ໃຫຍ່​ແມ່ນ​ຖື​ສາ​ສະໜາ​ພຸດ. ອັນ​ທີ​ສອງ ​ແມ່ນ​ເກີດ​ຈາກ​ການ​ດັງ​ຟືນ​ໃຊ້​ໄຟ​ແຕ່ງ​ຢູ່​ຄົວກິນ ​ໂດຍ​ປະປ່ອຍ​ລະ​ເຫລີງ​ ຫລື ​ແຕ່ງກິນ​ແລ້ວ​ພັດ​ລືມ​ມອດ ອັນ​ເປັນຕົ້ນ​ເຫດ​ໃຫ້​ໄຟ​ລຸກລາມ​ໄໝ້​ຕໍ່​ໃສ່​ວັດ​ສະດຸ​ອັນ​ອື່ນ. ອັນ​ທີ​ສາມ ​ແມ່ນ​ເກີດ​ຈາກ​ໄຟຟ້າ​ລັດ​ວົງ​ຈອນ, ລະບົບ​ໄຟ, ສາຍ​ໄຟ​ເກົ່າ​ແກ່​ຜຸ​ເປື່ອຍ​ເສຍ​ຄຸນ ອັນ​ກໍ່​ໃຫ້​ເກີດ​ໄຟຟ້າ​ຊັອກລັດ​ວົງ​ຈອນ​ໄໝ້​ລາມ​ພະ​ລາມ​ຈົວ ຈົນ​ສ້າງ​ຄວາມ​ເສຍ​ຫາຍ​ຕໍ່​ຊັບ​ສິນ​ຂອງ​ຊາດ ​ແລະ ປະຊາຊົນ. ສ່ວນ​ອັນ​ທີ​ຫ້າ ​ແມ່ນ​ອາດ​ຈະ​ເກີດ​ມາ​ຈາກ​ຄົນ​ຈັງ​ໄຮ, ​ໄຮ້​ສິນ​ທຳ, ​ໃຈດຳ​ອຳມະຫິດ​ເອົາ​ໄຟ​ໄປ​ຈູດ​ໂດຍ​ກົງ​ຈົນ​ເປັນ​ເຫດ​ໃຫ້​ເກີດ​ເຄາະ​ຮ້າຍ​ຈາກ​ອັກຄີ​ໄພ​ຕາມ​ມາ.

​ແນວ​ໃດ​ກໍ​ຕາມ, ​ເວົ້າ​ເລື່ອງ​ເຄາະ​ຮ້າຍ​ຈາກ​ໄຟ​ໄໝ້​ເປັນ​ໄພພິບັດ​ຢ່າງ​ໜຶ່ງ​ໃນ​ສັງຄົມ​ບ້ານ​ເຮົາ ​ເຊິ່ງ​ໄລຍະ​ຜ່ານ​ມາ​ໄດ້​ສ້າງ​ຄວາມ​ເສຍ​ຫາຍ​ບໍ່​ໜ້ອຍ​ຕໍ່​ຊັບ​ສິນ​ຂອງ​ລັດ, ລວມໝູ່ ​ແລະ ຂອງ​ປະຊາຊົນ​ບັນດາ​ເຜົ່າ. ດ້ວຍ​ເຫດ​ນັ້ນ ​ໃນ​ຍາມ​ແລ້ງ​ອາກາດ​ຮ້ອນ​ອົບ​ເອົ້າຄື​ສູ່​ມື້ນີ້ ພວກ​ເຮົາ​ຍິ່ງ​ຕ້ອງ​ເອົາ​ໃຈ​ໃສ່​ຢ່າງ​ໃກ້ຊິດ ​ເພາະ​ລະດູ​ການ​ນີ້​ມັກ​ມີ​ອັກຄີ​ໄພ​ໄດ້​ງ່າຍ ​ໄໝ້​ເຮືອນ​ຊານ​ຂອງ​ປະຊາຊົນ​ຫລາຍ​ຕໍ່​ຫລາຍ​ມາ​ແລ້ວ.

​ເຖິງ​ຢ່າງ​ໃດ​ກໍ​ດີ, ​ໃນ​ສະພາບ​ປັດຈຸບັນ ພວກ​ເຮົາ​ພວມ​ຢູ່​ໃນ​ໄລຍະ​ເຮັດ​ພາລະກິດ​ຕ້ານ​ໂຄ​ວິດ-19 ຕາມ​ຍຸດ​ທະ​ສາດ​ຂອງ​ພັກ ​ແລະ ລັດຖະບານ​ວາງ​ອອກ, ຍິ່ງ​ກວ່າ​ເວລາ​ໃດ​ໝົດ​ທີ່​ຕ້ອງ​ພ້ອມ​ກັນ​ຕ້ານ​ໄພພິບັດ​ທຸກ​ຢ່າງ​ທີ່​ມາ​ຂົ່ມຂູ່​ທຳລາຍ​ເສດຖະກິດ-ສັງຄົມ​ຂອງ​ຊາດ ​ແລະ ຂອງ​ປະຊາຊົນ. ກົງກັນຂ້າມ ຖ້າ​ພວກ​ເຮົາ​ພາກັນ​ລະ​ເຫລີງ​ ​ໄພພິບັດ​ທຸກ​ຢ່າງ​ຈະ​ມາ​ທຳລາຍ​ຊີວິດ ​ແລະ ຢ່າງ​ໜ້າ​ອະ​ໜາດ​ຊັບ​ພຽງ​ພິບ​ຕາ​ດຽວ.

ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ - lattana banner 1 - ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ
ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ -    AD conten website - ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ
ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ - lattana banner - ອາກາດ​ຮ້ອນ​ອົບ​​ເອົ້າຢ່າ​ລະ​ເຫລີງ​ເພີງ​ຈະ​ໄໝ້​ເຮືອນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!