3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ

- 61 1 - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ
- AGL banner - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ

ເຈົ້າໜ້າທີ່ ປກສ ເມືອງໄຊເຊດຖາ ນະຄອນຫຼວງວຽງຈັນ ໃຊ້ເວລາ10 ວັນ ນໍາຈັບຕົວຜູ້ຖືກຫາ ລັກຊັບພົນລະເມືອງ ຢູ່ບ້ານສົມສະຫງ່າ ເມືອງດັ່ງກ່າວ ໄດ້ 3 ຄົນ ເພື່ອມາດໍາເນີນຄະດີ.

ເຈົ້າໜ້າທີ່ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຄວາມຈາກຜູ້ເສຍຫາຍວ່າ: ເວລາປະມານ 5:30 ໂມງ ຂອງ ເຊົ້າວັນທີ 26 ເມສາຜ່ານມາໄດ້ມີຄົນຮ້າຍ 2 ຄົນ ມາລັກເອົາລົດຈັກຂອງຕົນ ຍີ່ຫໍ້ຮອນດ້າ ຊູມເມີເອັກ (ZOOMER X) ສີສົ້ມ ໝາຍເລກທະບຽນ ດມ 2917 ກໍາແພງນະຄອນ ທີ່ຈອດໄວ້ຢູ່ໜ້າເຮືອນ ທີ່ບ້ານສົມສະຫງ່າ ເມືອງໄຊເຊດຖາ , ຈາກນັ້ນ, ເຈົ້າໜ້າທີ່ໄດ້ລົງປະສານສົມທົບກັບພາກສ່ວນທີ່ກ່ຽວຂ້ອງ ເພື່ອຕິດຕາມເປົ້າໝາຍດັ່ງກ່າວ. ຈົນມາຮອດວັນທີ 5 ພຶດສະພານີ້ ຈິ່ງສາມາດກັກຕົວຜູ້ຖືກຫາໄດ້ 3 ຄົນຄື: ທ້າວພົນສະຫວັດ( ຕູ່ ) ອາຍຸ 30 ປີແລະ ທ້າວ ເພັດມະນີ ( ອ້ຽງ ) ອາຍຸ 28 ປີ ທັງສອງວ່າງງານ ຢູ່ບ້ານ ໜອງໄຮ ເມືອງຫາດຊາຍຟອງ, ສ່ວນທ້າວຄໍາພຽນ ( ເປົ້າ ) ອາຍຸ 27 ປີ ວ່າງງານ ຢູ່ບ້ານໜອງສະໂນຄໍາ ເມືອງສີໂຄດຕະບອງ ສາມາດກັກຕົວໄດ້ຢູ່ເຂດບ້ານທົ່ງຕູມ ເມືອງຈັນທະບູລີ ພ້ອມຂອງກາງລົດ ຈັກຍີ່ຫໍ້ຮອນດ້າເວບ 100 ບໍ່ມີເລກທະບຽນມາດໍາເນີນຄະດີ.

ຜ່ານການສືບສວນ-ສອບສວນຂອງເຈົ້າໜ້າທີ່ ພວກກ່ຽວໄດ້ໃຫ້ຮັບສາລະພາບວ່າ: ໄດ້ນໍາໃຊ້ລົດກະບະອອກເຄື່ອນໄຫວ ລັກລົດຈັກມາແລ້ວ 2 ຄັ້ງຄື: ລັກລົດຈັກຍີ່ຫໍ້ ຮອນດ້າ ຊູມເມີເອັກ (ZOOMER X) ດັ່ງກ່າວ ແລະ ລົດຈັກ ຮອນດ້າເວບ 100 ບໍ່ມີປ້າຍທະບຽນ, ຈາກນັ້ຍໄດ້ ກໍພາກັນເອົາໄປຂາຍໄດ້ເງິນມາແບ່ງກັນໃຊ້ຈ່າຍ.

- Wave100S AD to Website 2020 0 - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ

ເຈົ້າໜ້າທີ່ໃຫ້ຮູ້ຕື່ມອີກວ່າ: ປັັດຈຸບັນຍັງສືບຕໍ່ຂະຫຍາຍຜົນຫາແກ້ງລັກລົດດັ່ງກ່າວມາດໍາເນີນຄະດີຕາມລະບຽບກົດໝາຍ.

- WhatsApp Image 2020 05 27 at 5 - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ
- WhatsApp Image 2020 05 27 at 5 - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ
- WhatsApp Image 2020 05 27 at 5 - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ
- WhatsApp Image 2020 05 27 at 5 - 3 ສ່ຽວລັກລົດຈັກ ຖືກຈັບຕົວມາດໍາເນີນຄະດີ
error: Alert: Content is protected !!