ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ?

ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ? - 181 - ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ?
ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ? - Untitled design - ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ?

     ​ເຖິງ​ວ່າ​ຈະ​ມີ​ຊາຍ​ແດນ​ຕິດ​ກັບ​ຈີນ ​ແລະ ມີ​ປະຊາກອນ​ເຖິງ 97 ລ້ານ​ຄົນ ຫວຽດນາມ ພັດ​ມີ​ລາຍ​ງານ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ພຽງ 300 ກວ່າ​ຄົນ ​ແລະ ບໍ່​ມີ​ຜູ້​ເສຍ​ຊີວິດ​ພຽງ​ແຕ່​ຄົນ​ດຽວ.

ມີ​ລາຍ​ງານ​ການ​ແຜ່​ລະບາດພາຍ​ໃນ​ຊຸມ​ຊົນ​ຄັ້ງສຸດ​ທ້າຍ​ເມື່ອ​ເກືອບ 1 ​ເດືອນ​ຜ່ານ​ມາ ​ແລະ ຕອນ​ນີ້​ເລີ່​ມມີ​ການ​ເປີດ​ປະ​ເທດ​ແລ້ວ.

ຜູ້​ຊ່ຽວຊານ​ຫລາຍ​ຄົນ​ບອກ​ວ່າ: ຫວຽດນາມ ​ເລີ່​ມອອກ​ມາດ​ຕະການ​ເພື່ອ​ຄວບ​ຄຸມ​ການລະບາດ​ນັບ​ແຕ່​ຫົວທີ ​ເຮັດ​ໃຫ້​ບໍ່​ມີ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ຈຳນວນ​ຫລາຍ​ຄື​ປະ​ເທດ​ອື່ນໆ, ​ ຜູ້​ຊ່ຽວຊານ​ບອກ​ວ່າ: ອາດ​ຈະ​ຊ້າ​ເກີນ​ໄປ ຖ້າ​ປະ​ເທດ​ອື່ນ​ຈະ​ຖອດ​ບົດຮຽນ​ຜົນສຳ​ເລັດ​ນີ້.

​ໃນຕົ້ນ​ເດືອນ​ມັງກອນ ກ່ອນ​ຈະ​ມີ​ລາຍ​ງານ​ຜູ້​ຕິດ​ເຊື້ອ​ໃນ​ປະ​ເທດ, ລັດຖະບານ​ຫວຽດນາມ​ເລີ່​ມ​ແຜນ​ປະຕິບັດຢ່າງ​ຈິງ​ຈັງ ​ເພື່ອ​ຮັບ​ມື​ກັບ​ພະຍາດ​ປອດ​ບວມ​ທີ່​ຍັງ​ເປັນ​ປິດສະໜາ ​ເຊິ່ງ​ໃນ​ຂະນະ​ນັ້ນຂ້າ​ຊີວິດ​ຄົນ​ໃນ​ອູ່​ຮັ່ນ​ໄປ​ແລ້ວ 2 ຄົນ ​ເມື່ອ​ມີ​ລາຍ​ງານ​ຜູ້​ຕິດ​ເຊື້ອຄັ້ງທຳ​ອິດ​ໃນ​ວັນ​ທີ 23 ມັງກອນ ຈາກ​ຜູ້​ຊາຍ​ຢູ່​ນະຄອນ​ໂຮ່ຈີ​ມິ​ນທີ່​ເດີນທາງ​ກັບ​ຈາກ​ໄປ​ຢາມ​ລູກ​ຊາຍ​ທີ່​ເມືອງ​ອູ່​ຮັ່ນ, ຫວຽດນາມ​ອອກ​ມາດ​ຕະການ​ສຸກ​ເສີນ​ທັນທີ.

ຫວຽດນາມ​ອອກ​ມາດ​ຕະການ​ທີ່​ປະ​ເທດ​ອື່ນ​ອາດ​ຕ້ອງ​ໃຊ້​ເວລາ​ຫລາຍ​ເດືອນ​ກວ່າ​ຈະ​ເຮັດ​ໄດ້​ເປັນ​ຮູບ​ປະ​ຮ່າງ ທັງ​ການ​ຈຳກັດ​ການ​ເດີນທາງ, ການ​ກວດກາ​ຊາຍ​ແດນ​ທີ່​ຕິດ​ກັບ​ຈີນ​ຢ່າງ​ໃກ້ຊິດ ຈົນ​ສຸດ​ທ້າຍ​ສັ່ງ​ປິດ​ຊາຍ​ແດນ​ ​ແລະ ​ເພີ່ມ​ການກວດ​ສຸຂະພາບ​ຢູ່​ຊາຍ​ແດນ ​ແລະ ພື້ນທີ່​ສ່ຽງ​ອື່ນໆ.

​ໂຮງຮຽນ​ຖືກ​ສັ່ງ​ປິດ​ໄລຍະ​ເທດສະການ​ກຸດ​ຈີນ ​ແລະ ຍັງ​ປິດ​ໄປ​ຈົນ​ເຖິງ​ກາງ​ເດືອນ​ພຶດສະພາ, ​ໃຊ້​ແຮງ​ງານ​ຄົນ​ຈຳນວນ​ຫລາຍ​ໃນ​ການ​ແກະ​ຮອຍ​ຜູ້​ຕິດ​ເຊື້ອຢ່າງ​ຈິງ​ຈັງ.

ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ? - Wave100S AD to Website 2020 0 - ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ?

ພາຍ​ໃນ​ກາງ​ເດືອນ​ມີນາ, ຫວຽດນາມ​ສັ່ງ​ໃຫ້​ທຸກ​ຄົນ​ທີ່​ເດີນທາງ​ເຂົ້າປະ​ເທດ ​ແລະ ​ຜູ້​ໃດ​ກໍ​ຕາມ​ທີ່​ໃກ້ຊິດ​ກັບ​ຜູ້​ຕິດ​ເຊື້ອຕ້ອງ​ກັກ​ຕົວ 14 ວັນ. ທຸກ​ຄົນ​ທີ່​ຖືກ​ກັກ​ຕົວ​ໄດ້​ຮັບ​ການກວດ​ຫາ​ເຊື້ອ ບໍ່​ວ່າ​ຈະ​ມີ​ອາການ ຫລື ບໍ່​ມີ​ກໍ​ຕາມ.

ອີກ​ສາ​ເຫດ​ໜຶ່ງ​ວ່າ​ເປັນ​ຫຍັງ​ຫວຽດນາມ​ຈຶ່ງ​ບໍ່​ມີ​ຜູ້​ເສຍ​ຊີວິດ​ຈາກ​ໂຣກລະບາດ ນັ້ນ​ເພາະ​ຄົນ​ທີ່​ເດີນທາງ​ກັບ​ເຂົ້າປະ​ເທດ​ສ່ວນ​ຫລາຍ​ເປັນ​ນັກຮຽນ, ນັກ​ສຶກສາ, ນັກ​ທ່ອງ​ທ່ຽວ ຫລື ຜູ້​ທີ່​ກັບ​ຈາກ​ເດີນທາງ​ໄປ​ເຮັດ​ວຽກ. ຄົນ​ກຸ່ມ​ນີ້​ສ່ວນ​ຫລາຍ​ອາຍຸ​ຍັງ​ນ້ອຍ ​ແລະ ສຸຂະພາບ​ດີ ມີ​ໂອກາດ​ຕໍ່ສູ້​ກັບ​ເຊື້ອ​ໄວຣັສ​ໄດ້​ດີກ​ວ່າ ​ແລະ ບໍ່​ແຜ່​ເຊື້ອ​ໃຫ້​ຜູ້​ອາຍຸ​ສູງ. ໝາຍ​ເຖິງ​ວ່າ: ລະບົບ​ການ​ແພດ​ສາມາດ​ທຸ້ມ​ເທ​ຊັບພະຍາກອນ​ ​ເພື່ອ​ປິ່ນປົວ​ຜູ້​ຕິດ​ເຊື້ອອາການ​ຮຸນ​ແຮງ​ໄດ້.

ມີ​ການ​ສົ່ງ​ຂໍ້ຄວາມ​ທາງ​ໂທລະສັບ​ມື​ຖື​ຢ່າງ​ສະໝໍ່າສະ​ເໝີ ​ເພື່ອ​ແນະນຳ​ໃຫ້​ປະຊາຊົນ​ປ້ອງ​ກັນ​ຕົນ​ເອງ, ​ໃຊ້​ປະ​ໂຫຍ​ດຈາກ​ນະ​ໂຍບາຍ​ໂຄສະນາ​ຊວນ​ເຊື່ອ ​ເພື່ອ​ປຸກລະດົມ​ໃຫ້​ທຸກ​ຄົນ​ເນັ້ນໜັກ​ຮູ້ ​ໂດຍ​ອ້າງ​ເຖິງ​ໄລຍະ​ເວລາ​ສົງຄາມ ​ແລະ ​ໃຊ້​ວາທະ​ຈູງ​ໃຈ​ໃຫ້​ຄົນ​ຮ່ວມ​ສູ້​ສັດຕູ​ດ້ວຍ​ກັນ.

ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ? - WhatsApp Image 2020 05 27 at 5 - ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ?
ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ? - WhatsApp Image 2020 05 27 at 5 - ຫວຽດນາມປະສົບຜົນສຳເລັດ ໃນການຄວບຄຸມການຕິດເຊື້ອໄດ້ແນວໃດ ?
error: Alert: ເນື້ອຫາຂ່າວມີລິຂະສິດ !!