ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?

ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - 182 - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?
ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - Untitled design - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?

     ສະຫະຣາຊະ​ອານາຈັກ ກຽມ​ເລີ່​ມການ​ທົດ​ລອງ​ເພື່ອ​ຫາ​ວ່າ​ໝາ​ທີ່​ໄດ້​ຮັບ​ການ​ຝຶກ​ຝົນ​ເປັນພິ​ເສດ​ສາມາດ​ດົມ​ຫາ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ໃນ​ມະນຸດ​ໄດ້​ບໍ່.

ອົງການການ​ກຸສົນ​ໝາ​ເພື່ອ​ການກວດ​ຫາ​ທາງ​ການ​ແພດ (Medical Detection Dogs) ກຳລັງ​ຝຶກ​ໝາ​ເຫລົ່າ​ນີ້​ເພື່ອ​ໃຫ້​ດົມ​ຫາ​ກິ່ນ​ມະ​ເຮັງ​ບາງ​ຊະນິດ, ​ພະຍາດ​ມາລາ​ເຣຍ ​ແລະ ພະຍາດ​ພາຣ໌ກິນ​ສັນ ຢູ່​ແລ້ວ.

ການ​ວິ​ໄຈ​ໃນ​ຂັ້ນທຳ​ອິດ​ຈະ​ນຳ​ໂດຍ​ວິທະຍາ​ໄລ​ສຸຂະພາບ ​ແລະ ​ເວດ​ຊະ​ສາດ​ເຂດ​ຮ້ອນ​ແຫ່ງ​ລອນ​ດອນ, ມະຫາວິທະຍາ​ໄລ​ເດ​ວຣຳ ພ້ອມ​ດ້ວຍ​ອົງການ​ການ​ກຸສົນ​ໝາ​ເພື່ອ​ການກວດ​ຫາ​ທາງ​ການ​ແພດ ​ໂດຍ​ໄດ້​ຮັບ​ທຶນ​ສະໜັບສະໜູນ​ຈາກ​ລັດຖະບານ 500.000 ປອນ.

ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - 112296340 furby bexarts - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?

ທ່ານ ລອດ ​ເບ​ເທ​ວ ຮອງ​ລັດຖະມົນຕີ​ດ້ານ​ວັດຕະ​ກຳ ສັງກັດ​ກະຊວງ​ສາທາລະນະ​ສຸກ ​ແລະ ການ​ເບິ່ງ​ແຍງ​ສັງຄົມ ຂອງ​ສະຫະຣາຊະ​ອານາຈັກ ບອກ​ວ່າ: ທ່ານ​ຫວັງ​ວ່າ​ໝາ​ຈະ​ສາມາດ​ກວດ​ເຊື້ອ​ໄດ້​ຢ່າງ​ວ່ອງ​ໄວ ​ເປັນ​ສ່ວນ​ໜຶ່ງ​ຂອງ​ຄວາມ​ພະຍາຍາມ​ຂອງ​ລັດຖະບານ​ໃນ​ພາບ​ລວມທີ່​ຈະ​ກວດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ໃຫ້​ຫລາຍ​ທີ່​ສຸດ.

ການ​ວິ​ໄຈ​ຈະ​ຫາ​ວ່າ “ໝາ​ໂຄ​ວິດ” (Covid dogs) ​ເຊິ່ງປະ​ກອບ​ມີ​ໝາ​ພັນ​ລາບຣາດໍ ​ແລະ ຄ໊ອກ​ເກີ ສະ​ແປ​ນຽວ ຈະ​ສາມາດ​ຫາ​ໄວຣັສ​ໃນ​ຄົນ​ໄດ້​ບໍ່​ຈາກ​ຕົວຢ່າງ​ກິ່ນ​ທີ່​ເກັບ​ຈາກ​ຄົນ​ຕິດ​ເຊື້ອກ່ອນ​ຈະ​ມີ​ອາການ.

ການ​ທົດ​ລອງ​ນີ້​ຈະ​ຫາ​ຄຳ​ຕອບ​ວ່າ: ໝາ​ທີ່​ເອີ້ນ​ກັນ​ວ່າ​ສາມາດ​ດົມ​ຫາ​ກິ່ນ​ທາງ​ຊີວະ​ພາບ​ໄດ້ (bio-detection dogs) ​ເຊິ່ງສາມາດ​ກວດ​ຄົນ​ໄດ້​ເຖິງ 250 ຄົນ​ຕໍ່​ຊົ່ວ​ໂມງ ຈະ​ສາມາດ​ນຳ​ໄປ​ກວດ​ຫາ​ສັນຍານ​ທຳ​ອິດ​ຂອງ​ຄົນ​ທີ່​ຕິດ​ເຊື້ອ​ໂຄ​ວິດ-19 ​ໄດ້​ບໍ່.

​ໃນ​ໄລຍະ​ທຳ​ອິດ ​ເຈົ້າໜ້າ​ທີ່​ຈາກ​ສຳນັກງານ​ບໍລິການ​ສຸຂະພາບ​ແຫ່ງ​ຊາດ (NHS) ຢູ່​ໂຮງໝໍ ​ໃນ​ນະຄອນຫລວງ​ລອນ​ດອນ ຈະ​ເກັບ​ຕົວຢ່າງ​ກິ່ນ​ຈາກ​ຄົນ​ຕິດ​ເຊື້ອທີ່​ເປັນ ​ແລະ ບໍ່​ໄດ້​ເປັນ​ໂຄ​ວິດ-19.

ຕົວຢ່າງ​ຈະ​ປະກອບ​ມີ​ ລົມ​ຫາຍ​ໃຈ ​ແລະ ກິ່ນ​ຕົວ ​ໂດຍ​ເກັບ​ມາ​ຈາກ​ຫລາຍ​ແຫ່ງ​ ລວມທັງ​ຜ້າ​ປິດ​ປາກ​ປິດ​ດັງ​ນຳ​ອີກ.

ຈາກ​ນັ້ນ ໝາ 6 ​ໂຕ ຈະ​ເຂົ້າຮັບ​ການ​ຝຶກ​ໃຫ້​ກວດ​ຫາ​ໄວຣັສຈາກ​ຕົວຢ່າງ​ທີ່​ເກັບ​ມາ.

ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - Wave100S AD to Website 2020 0 - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?

ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - 112294503 thisasher 2 bexarts - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?

ອົງການ​ການ​ກຸສົນ​ໝາ​ເພື່ອ​ການກວດ​ຫາ​ທາງ​ການ​ແພດ ບອກ​ວ່າ: ການ​ຝຶກ​ຝົນ​ຈະ​ໃຊ້​ເວລາ​ປະມານ 6-8 ອາທິດ. ຫລັງ​ຈາກ​ສາມ​ເດືອນ​ທຳ​ອິດ ລັດ​ຖະບານ​ຈະ​ຕັດສິນ​ໃຈ​ວ່າ​ຈະ​ເອົາ​ໝາ​ໄປ​ປະຕິບັດ​ງານ​ຢູ່​ໃສ​ຈຶ່ງ​ຈະ​ໄດ້​ປະ​ໂຫຍ​ດສູງ​ສຸດ. ຄວາມ​ເປັນ​ໄປ​ໄດ້​ຢ່າງ​ໜຶ່ງ ຄື​ອາດ​ໃຊ້​ຢູ່​ຈຸດ​ກວດ​ຄົນ​ເຂົ້າ​ເມືອງ​ເຊັ່ນ: ສະໜາມ​ບິນ. ນອກຈາກ​ນີ້ ອາດ​ນຳ​ໄປ​ປະຕິບັດ​ງານ​ຢູ່​ສູນ​ກວດ​ເຊື້ອນຳ​ອີກ ​ເພື່ອ​ຊ່ວຍ​ໃນ​ຂະ​ບວນການ​ການ​ຄັດ​ກອງ.

ອົງການ​ການ​ກຸສົນ​ໝາ​ເພື່ອ​ການກວດ​ຫາ​ທາງ​ການ​ແພດ ​ເກັບ​ຮວບ​ຮວມຜົນ​ການ​ວິ​ໄຈ​ຫລາຍ​ກວ່າ 10 ປີ ​ແລະ ພົບ​ວ່າ: ສາມາດ​ຝຶກ​ໝາ​ໃຫ້​ດົມ​ກິ່ນ​ພະຍາດ​ຈາກ​ກິ່ນ​ທີ່​ເບົາບາງ​ທຽບ​​ໃສ່​ການ​ເອົາ​ນ້ຳຕານ 2 ບ່ວງ​ກາ​ເຟ​ໄປ​ລະລາຍ​​ໃນ​ນ້ຳປະລິມານ​ສະ​ລອຍນ້ຳມາດຕະຖານ 2 ສະ.

ທ່ານ ນາງ ດຣ. ​ແຄລ ​ເກສ ຜູ້​ຮ່ວມ​ສ້າງຕັ້ງ ​ແລະ ປະທານ​ບໍລິຫານ​ມູນ​ນິທິ ​ບອກ​ວ່າ: ທ່ານໝັ້ນ​ໃຈ​ວ່າ “ໝາ​ຂອງ​ພວກ​ເຮົາ​ຈະ​ສາມາດ​ດົມ​ຫາ​ກິ່ນ​ໂຄ​ວິດ-19 ​ໄດ້​ແນ່ນອນ”. ຖ້າ​ເປັນ​ແບບ​ນັ້ນ​ແທ້ ຈະ​ໃຫ້​ໝາ​ເຂົ້າສູ່​ການ​ທົດ​ລອງ​ໃນ​ຂັ້ນຕໍ່​ໄປ ຄື​ປະຕິບັດ​ງານ​ໃນ​ສະຖານະ​ການ​ຈິງ.

ກ່ອນ​ໜ້າ​ນີ້ ມີ​ການ​ຝຶກ​ໝາ​ໃຫ້​ກວດ​ຫາ​ສັນຍານ​ພະຍາດ​ມາລາ​ເຣຍມາ​ແລ້ວ​ຈາກ “ຕົວຢ່າງ​ກິ່ນ​ຕີນ” ​ເຊິ່ງ​ໃນ​ກໍລະນີ​ນີ້​ເປັນ​ຖົງຕີນ​ໄນລອນ​ທີ່​ເດັກນ້ອຍ​ໃນ​ປະ​ເທດ​ແກມ​ເບຍ​ທີ່​ສຸຂະພາບ​ດີ​ໃສ່.

ສາ​ສະ​ດາ​ຈານ ​ເຈ​ມ ​ໂລ​ແກນ ຈາກ​ວິທະຍາ​ໄລ​ສຸຂະພາບ ​ແລະ ​ເວດ​ຊະ​ສາດ​ເຂດ​ຮ້ອນ​ແຫ່ງ​ລອນ​ດອນ ບອກ​ວ່າ: “ງານ​ວິ​ໄຈ​ຜ່ານ​ມາ​ພົບ​ວ່າ ມາລາ​ເຣຍມີ​ກິ່ນ​ທີ່​ໂດ​ດ​ເດັ່ນ ​ແລະ ພວກ​ເຮົາ​ໄດ້​ຝຶກ​ໝາ​ເພື່ອ​ການກວດ​ຫາ​ທາງ​ການ​ແພດ ຈົນ​ສາມາດ​ກວດ​ຫາ​ມາລາ​ເຣຍ​ໄດ້​ຢ່າງ​ແນ່​ນອນ”.

ທ່ານ​ບອກ​ວ່າ: ດ້ວຍ​ເຫດ​ນີ້ ພ້ອມ​ກັບ​ຄວາມ​ຮູ້​ທີ່​ມີ​ວ່າ​ພະຍາດ​ທາງ​ລະບົບ​ທາງ​ເດີນ​ຫາຍ​ໃຈ​ສາມາດ​ປ່ຽນ​ກິ່ນ​ຮ່າງກາຍ​ໄດ້ ພວກ​ເຂົາ​​ເລີຍ​ມີ​ຄວາມ​ຫວັງ.

ກ່ອນ​ໜ້າ​ນີ້ ນັກວິ​ໄຈ​ຍັງ​ສາມ​າດຝຶກ​​ໃຫ້​ໝາກ​ວດຫາ​ມະ​ເຮັງ​ບາງ​ຊະນິດ ​ແລະ ພະຍາດ​ພາຣ໌ກິນ​ສັນ​ໃນ​ມະນຸດ​ສຳ​ເລັດ​ມາ​ແລ້ວ.

ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - WhatsApp Image 2020 05 27 at 5 - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?
ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ? - WhatsApp Image 2020 05 27 at 5 - ອັງກິດເລີ່ມການວິໄຈເພື່ອຫາວ່າໝາ ສາມາດດົມກິ່ນຫາຜູ້ຕິດເຊື້ອໄວຣັສ ໂຄໂຣນາສາຍພັນໃໝ່ໄດ້ບໍ່ ?
error: Alert: ເນື້ອຫາຂ່າວມີລິຂະສິດ !!