ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ

ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ - 183 - ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ
ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ - Untitled design - ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ

ອາການ​ນີ້​ອາດ​ກ່ຽວຂ້ອງ​ກັບ​ໂຄ​ວິດ-19 ​ເຖິງ​ວ່າ​ຍັງ​ບໍ່​ມີ​ການ​ຢືນຢັນ​ຢ່າງ​ເປັນ​ທາງ​ການ, ​ແຕ່​ເດັກນ້ອຍ​ສ່ວນ​ຫລາຍ​ທີ່​ມີ​ອາການ​ມີ​ຜົນ​ກວດ​ໂຄ​ວິດ-19 ​ເປັນ​ບວກ.

ອົງການ​ອະນາ​ໄມ​ໂລກ (WHO) ຮຽກຮ້ອງ​ໃຫ້​ປະຊາ​ຄົມ​ໂລກ​ຮ່ວມ​ກັນ​​ໄຂ​ປິດສະໜາ​ກ່ຽວ​ກັບ​ກຸ່ມ​ອາການ​ອັກ​ເສບ​ທີ່​ເກີດ​ຂຶ້ນກັບ​ເດັກນ້ອຍ ​ແລະ ​ໄວ​ໜຸ່ມ ​ແລະ ອາດ​ມີ​ການ​ເຊື່ອມ​ໂຍງ​ກັບ​ການ​ເປັນ​ໂຄ​ວິດ-19.

ອົງການ​ອະນາ​ໄມ​ໂລກ ກ່າວ​ວ່າ: ມີ​ຄວາມ​ຈຳ​ເປັນ​ຮີບ​ດ່ວນ​ໃນ​ການ​ຮວບ​ຮວມຂໍ້​ມູນ​ຈາກ​ທົ່ວ​ໂລກ ​ເພື່ອ​ສ້າງ​ຄວາມ​ເຂົ້າ​ໃຈ​ຕໍ່​ອາການ​ປິດສະໜາ​ດັ່ງກ່າວ ​ເຊິ່ງ​ເຮັດ​​ໃຫ້​ເກີ​ດອາການ​ອັກ​ເສບ​ໃນ​ຫລອດ​ເລືອດ ​ແລະ ມັກ​ເກີດ​ຂຶ້ນກັບ​ເດັກນ້ອຍ ​ເຮັດ​ໃຫ້​ເກີດ​ສະພາບ​ລົ້ມ​ເຫ​ລວຂອງ​ອະ​ໄວ​ຍະ​ວະ​ຫລາຍ​ສ່ວນ ​ແລະ ​ເກີດ​ອາການ​ຊ້ອກ ​ເພາະ​ພິດ​ຄື​ພະຍາດ​ຄາ​ວາ​ຊາ​ກິ.

ອົງການ​ອະນາ​ໄມ​ໂລກ​ຮຽກຮ້ອງ​ໃຫ້​ໜ່ວຍ​ງານ​ດ້ານ​ສາທາລະນະ​ສຸກ​ທົ່ວ​ໂລກ​ຮ່ວມ​ກັນ​ແບ່ງປັນ​ຂໍ້​ມູນ​ກ່ຽວ​ກັບ​ການ​ຕິດ​ເຊື້ອປິດສະໜາ​ດັ່ງກ່າວ, ​ເບື້ອງຕົ້ນຄາດ​ວ່າ​ອາການ​ນີ້​ອາດ​ກ່ຽວຂ້ອງ​ກັບ​ໂຄ​ວິດ-19 ​ແລະ ຍັງ​ບໍ່​ມີ​ການ​ຢືນຢັນ​ຢ່າງ​ເປັນ​ທາງ​ການ. ​ເບື້ອງຕົ້ນອາການ​ນີ້​ເອີ້ນ​ວ່າ: PMIS ຫລື ກຸ່ມ​ອາການ​ຂອງ​ພະຍາດ​ລະບົບ​ການ​ອັກ​ເສບ​ໃນ​ເດັກ.

ທັງ​ນີ້ ​ໂຮງໝໍ​ຢູ່​ແຂວງ​ແບຣກາ​ໂມ​ຂອງ​ອິຕາ​ລີ ​ເຊິ່ງ​ເປັນ​ພື້ນທີ່​ການລະບາດ​ໃຫຍ່ ມີ​ລາຍ​ງານ​ວ່າ​ພົບ​ເດັກ​ມີ​ອາການ​ປິດສະໜາ​ດັ່ງກ່າວ​ເພີ່ມ​ຂຶ້ນ 30 ​ເທົ່າ ​ໂດຍ​ໃນ​ບັນດາ​ຜູ້​ປ່ວຍ 10 ຄົນ​ທີ່​ໄດ້​ຮັບ​ການ​ບົ່ງມະຕິ​ລະຫວ່າງ​ວັນ​ທີ 18 ກຸມພາ​ຫາ 20 ​ເມສາ ຜູ້​ປ່ວຍ​ໃນ​ຈຳນວນ​ນີ້​ມີ 8 ຄົນ​ທີ່​ຕິດ​ເຊື້ອ​ໂຄ​ວິດ-19.

ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ - Wave100S AD to Website 2020 0 - ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ

​ໃນ​ເດືອນ​ເມສາ​ຢູ່​ອັງກິດ​ພົບ​ເດັກ​ມີ​ອາການ​ດັ່ງກ່າວ 8 ຄົນ ທັງ​ໝົດ​ກວດ​ພົບ​ໃນ​ພາຍຫລັງ​ວ່າ​ເປັນ​ໂຄ​ວິດ-19 ​ແລະ ຍັງ​ມີ​ຄວາມ​ເປັນ​ໄປ​ໄດ້​ທີ່​ຈະ​ພົບ​ຜູ້​ປ່ວຍ​ລັກສະນະ​ນີ້​ຢູ່​ຝຣັ່ງ ​ແລະ ສະ​ເປ​ນ. ຢູ່​ນິວຢອກ​ມີ​ລາຍ​ງານ​ຜູ້​ຕ້ອງ​ສົງ​ໄສ​ປ່ວຍ​ຈາກ​ອາການ​ດັ່ງກ່າວ 102 ຄົນ ສ່ວນ​ຫລາຍ​ຕິດ​ໂຄ​ວິດ-19.

ສະ​ຖາ​ບັນ​ກຸມມານ​ລະ​ເວດ​ສາດ​ອາ​ເມ​ລິ​ກາ (AAP) ​ໄດ້​ເຜີຍ​ແຜ່​ແນວ​ທາງ​ການກວດ​ອາການ​ນີ້​ໃນ​ເດັກ ​ໂດຍ​ແນະນຳ​ວ່າ: ຖ້າ​ເດັກ​ມີ​ອາການ​ດັ່ງ​ຕໍ່​ໄປ​ນີ້​ໃຫ້​ພົບ​ແພດຢ່າງ​ຮີບ​ດ່ວນ​ຄື: ອາການ​ໄຂ້​ຍືດ​ເຍື້ອຫລາຍ​ວັນ, ມີ​ອາການ​ເຈັບທ້ອງ, ປວດຮາກ, ມີ​ຜືນ ຫລື ສີ​ຜິວ​ປ່ຽນ​ໄປ, ຫາຍ​ໃຈ​ລຳບາກ, ​ເດັກ​ມີ​ອາການ​ເຫງົາ ຫລື ຊຶມ​ຜິດ​ປົກກະຕິ.

ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ - WhatsApp Image 2020 05 27 at 5 - ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ
ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ - WhatsApp Image 2020 05 27 at 5 - ອະນາໄມໂລກເຕືອນ ລະວັງພະຍາດປະຫລາດໃນເດັກນ້ອຍ ຮຽກຮ້ອງທົ່ວໂລກໄຂປິດສະໜາ
error: Alert: ເນື້ອຫາຂ່າວມີລິຂະສິດ !!