ຢ່າໄດ້ເຊື່ອ 7 ສິ່ງນີ້ທີ່ຜົວບອກ

ຢ່າໄດ້ເຊື່ອ 7 ສິ່ງນີ້ທີ່ຜົວບອກ - 60 1 - ຢ່າໄດ້ເຊື່ອ 7 ສິ່ງນີ້ທີ່ຜົວບອກ
ຢ່າໄດ້ເຊື່ອ 7 ສິ່ງນີ້ທີ່ຜົວບອກ - Untitled design - ຢ່າໄດ້ເຊື່ອ 7 ສິ່ງນີ້ທີ່ຜົວບອກ

ເມື່ອມີຜົວ ແນ່ນອນວ່າຫລາຍໆສິ່ງຫລາຍໆຢ່າງໃນຊີວິດຍ່ອມປ່ຽນໄປ ແລະ ມື້ນີ້ພວກເຮົາຈະມາເວົ້າເຖິງສິ່ງທີ່ຜົວບອກແລ້ວເຮົາບໍ່ຄວນເຮັດຕາມ ເພາະມັນຈະບໍ່ດີຕໍ່ໂຕເຮົາເອງ, ເລື່ອງອື່ນອັນໃດຍອມໄດ້ກໍຍອມໄປກ່ອນ ແຕ່ເລື່ອງນີ້ຍອມບໍ່ໄດ້ແທ້ໆ ຈະມີຫຍັງແດ່ນັ້ນ ມາເບິ່ງກັນເລີຍ.

  1. ຢ່າຢຸດທີ່ຈະເຮັດວຽກ : ເມື່ອມີຄອບຄົວແລ້ວ ແນວໃດກໍຢ່າຢຸດເຮັດວຽກ, ຢ່າໄປຟັງທີ່ຜົວບອກວ່າໃຫ້ທ່ານຢູ່ເຮືອນ ບໍ່ຕ້ອງໄປເຮັດວຽກ, ເປັນແມ່ເຮືອນ, ເຂົາຈະຫາມາລ້ຽງທ່ານເອງ. ຈົ່ງຈື່ໄວ້ວ່າອະນາຄົດບໍ່ມີຫຍັງແນ່ນອນ ຢ່າຢຸດເຮັດວຽກຫາເງິນເອງເດັດຂາດ, ບໍ່ມີຜົວຢູ່ໄດ້ ແຕ່ບໍ່ມີເງິນຢູ່ບໍ່ໄດ້.
  2. ຢ່າຢຸດທີ່ຈະແຕ່ງໂຕ : ຢ່າຢຸດທີ່ຈະແຕ່ງໂຕງາມໆ, ຜົວມັກບອກບໍ່ໃຫ້ເມຍແຕ່ງໂຕງາມໆ ເພາະບໍ່ຢາກໃຫ້ໃຜມາແນມເບິ່ງເມຍ ແລ້ວເມຍກໍຈະຄິດວ່າຜົວຫວງ ຈຶ່ງບໍ່ແຕ່ງໂຕຕາມທີ່ຜົວບອກ ເຊິ່ງແບບນີ້ບໍ່ດີແນ່ນອນ ເພາະຜົວອອກເຮືອນຍາມໃດກໍມັກແນມເບິ່ງຜູ້ຍິງງາມໆຢູ່ແລ້ວ. ສະນັ້ນ, ທ່ານບໍ່ຄວນທີ່ຈະປ່ອຍໂຕ, ແຕ່ງໂຕງາມໆ, ແຕ່ງໜ້າງາມໆ ເພື່ອໂຕທ່ານເອງ.
  3. ຢ່າຢຸດທີ່ຈະມີສັງຄົມ : ຢ່າເມົາແຕ່ຢູ່ເຮືອນເອົາໃຈຜົວ ຫລື ລໍຖ້າຜົວພຽງຢ່າງດຽວ, ຕິດຕໍ່ກັບໝູ່ແດ່, ໄປພົບພໍ້ກັບສັງຄົມແດ່, ອອກໄປທ່ຽວໄປພົບໝູ່, ຢ່າຖິ້ມສັງຄົມເດັດຂາດ ດົນໆພົບພໍ້ກັນເທື່ອໜຶ່ງກໍຍັງດີ ແຕ່ຢ່າຫາຍໜ້າຈາກໝູ່ໄປເລີຍ ເພາະຫາກຜົວຖິ້ມປະມື້ໃດກໍຍັງມີໝູ່ໃຫ້ໄປຫາຢູ່.
  4. ຢ່າຢຸດທີ່ຈະເບິ່ງແຍງຮູບຮ່າງ : ເຈົ້າກິນໂລດ ກິນຫລາຍໆ ຕຸ້ຍແນວໃດຂ້ອຍກໍຮັກ, ຕຸ້ຍກໍບໍ່ເປັນຫຍັງ ກໍຍັງໜ້າຮັກຢູ່ຄືເກົ່າ…. ຢ່າໄປໄດ້ໃຈກັບຄຳເວົ້າເຫລົ່ານັ້ນຫລາຍ ທ່ານບໍ່ຄວນປ່ອຍໂຕໃຫ້ຕຸ້ຍຫລາຍເກີນໄປ, ດູແລໂຕເອງໃຫ້ດີ, ເລືອກກິນອາຫານດີໆມີປະໂຫຍດຕໍ່ສຸຂະພາບ ແລະ ຮູບຮ່າງ ເພາະແນວໃດແລ້ວຫາກໃຜຈະບໍ່ຢູ່ນຳທ່ານໃນອະນາຄົດ ທ່ານກໍຍັງມີສຸຂະພາບທີ່ດີ, ຮູບຮ່າງງາມສົມສ່ວນໄວ້ເປັນທຶນ.
  5. ຢ່າຢຸດທີ່ຈະຮຽນຮູ້ : ຢ່າຢຸດທີ່ຈະໄຝ່ຮູ້ ມີຜົວແລ້ວກໍບໍ່ຈຳເປັນທີ່ຈະຕ້ອງຢຸດພັດທະນາຕົນເອງ ເພາະການພັດທະນາຕົນເອງເປັນເລື່ອງທີ່ສຳຄັນຫລາຍ ຢ່າຢຸດທີ່ຈະຮຽນຮູ້ ແລະ ອັບເດດເລື່ອງໃໝ່ໆ ລວມໄປເຖິງທາງເຕັກໂນໂລຊີຕ່າງໆ ເພາະປັດຈຸບັນໂລກມັນໄປໄວຫລາຍ.
  6. ຢ່າຢຸດທີ່ຈະສ້າງຮາກຖານໃຫ້ຕົນເອງ : ເງິນແມ່ນສິ່ງສຳຄັນໃນການວາງຮາກຖານໃຫ້ກັບຊີວິດ. ດັ່ງນັ້ນ, ທ້ອນເງິນໃຫ້ຫລາຍ, ມີເງິນທ້ອນໃຫ້ກັບຕົນເອງ, ຫາສົມບັດໃຫ້ກັບຕົນເອງ, ສ້າງຮາກຖານຂອງຕົນເອງໃຫ້ດີ, ຮັກຜົວໄດ້ ແຕ່ບໍ່ຄວນໄວ້ໃຈທັງໝົດ ເພາະແນ່ນອນວ່າອະນາຄົດມັນເປັນສິ່ງທີ່ບໍ່ແນ່ນອນ.
  7. ຢ່າຢຸດທີ່ຈະອອກໄປທ່ຽວ : ຫາເວລາອອກໄປທ່ຽວ ໄປເປີດຫູເປີດຕາແດ່,​ ຊວນຜົວໄປທ່ຽວ ຈະໄດ້ຕື່ມເຕັມຄວາມຮັກໃຫ້ກັນຫລາຍຂຶ້ນ, ບໍ່ແມ່ນຄິດແຕ່ວ່າມັນຈະເປືອງເງິນ, ເສຍດາຍເງິນ ແລ້ວຈະມາເສຍດາຍເວລາພາຍຫລັງບໍ່ໄດ້.

ນີ້ກໍແມ່ນ 7 ຂໍ້ທັງໝົດທີ່ພວກເຮົາບໍ່ຄວນເຮັດຕາມຜົວ, ຮູ້ແລ້ວແມ່ນບໍ່ວ່າເປັນຫຍັງ, ລອງເອົາໄປປັບໃຊ້ໃນຊີວິດເບິ່ງ ພວກເຮົາຫວັງວ່າມັນຈະເປັນປະໂຫຍດ ແລະ ເຮັດໃຫ້ທ່ານມີຄວາມສຸກກັບຊີວິດຄູ່ໄດ້ຫລາຍຂຶ້ນ.

ຢ່າໄດ້ເຊື່ອ 7 ສິ່ງນີ້ທີ່ຜົວບອກ - Wave100S AD to Website 2020 0 - ຢ່າໄດ້ເຊື່ອ 7 ສິ່ງນີ້ທີ່ຜົວບອກ
ຢ່າໄດ້ເຊື່ອ 7 ສິ່ງນີ້ທີ່ຜົວບອກ - WhatsApp Image 2020 05 27 at 5 - ຢ່າໄດ້ເຊື່ອ 7 ສິ່ງນີ້ທີ່ຜົວບອກ
ຢ່າໄດ້ເຊື່ອ 7 ສິ່ງນີ້ທີ່ຜົວບອກ - WhatsApp Image 2020 05 27 at 5 - ຢ່າໄດ້ເຊື່ອ 7 ສິ່ງນີ້ທີ່ຜົວບອກ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!