ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ

ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ - 31 - ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ
ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ - Untitled design - ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ

ວັນທີ 18 ພຶດສະພານີ້ ເປັນມື້ທໍາອິດ ທີ່ລັດຖະບານ ກໍຄື ຄະນະສະເພາະກິດຕ້ານ ແລະ ຄວບຄຸມພະຍາດໂຄວິດ-19 ໄດ້ອະນຸຍາດໃຫ້ເປີດການຂົນສົ່ງໂດຍສານທາງບົກ, ທາງນ້ຳ ແລະ ທາງອາກາດ ລະຫວ່າງພາຍໃນປະເທດ ພາຍຫລັງໄດ້ຢຸດໃຫ້ບໍລິການຊົ່ວຄາວມາເປັນເວລາເດືອນກວ່າ ຍ້ອນສະພາບການແຜ່ລະບາດຂອງພະຍາດດັ່ງກ່າວ. ຊຶ່ງປັດຈຸບັນ, ການຂົນສົ່ງໂດຍສານແມ່ນເປີດເປັນປົກກະຕິແລ້ວ ແຕ່ຜູ້ໂດຍສານ ກໍຄືຜູ້ໃຫ້ບໍລິການດ້ານການຂົນສົ່ງ ຕ້ອງເຂັ້ມງວດປະຕິບັດມາດຕະການປ້ອງກັນການຕິດເຊື້ອຕາມຄຳແນະນຳຕ່າງໆ ຂອງຄະນະສະເພາະກິດ ແລະ ຂອງຂະແໜງການທີ່ກ່ຽວຂ້ອງ.ດັ່ງສະຖານນີຂົນສົ່ງໂດຍສານສາຍເໜືອ ແຈ້ງໃຫ້ຮູ້ວ່າ: ທາງສະຖານີໄດ້ເຂັ້ມງວດປະຕິບັດມາດຕະການປ້ອງກັນຕໍ່ຜູ້ໂດຍສານ ຫລື ຜູ້ໃຊ້ບໍລິການຕ່າງໆ ຢູ່ສະຖານນີຂອງຕົນ ໂດຍມີການວັດແທກອຸນຫະພູມທຸກຄົນ ທີ່ຈະເຂົ້າໄປໃນສະຖານນີ, ຖ້າມີກໍລະນີສົງໃສແມ່ນຈະບໍ່ອະນຸຍາດໃຫ້ບຸກຄົນດັ່ງກ່າວ ເຂົ້າໄປໃນສະຖານນີເດັດຂາດ. ພ້ອມນັ້ນກໍໄດ້ເຂັ້ມງວດຕໍ່ການໃສ່ຜ້າອັດປາກ-ດັງ ແລະ ການລ້າງມືດ້ວຍເຈວ ຫລື ສະບູສຳລັບທຸກຄົນທີ່ຈະຜ່ານເຂົ້າໃນສະຖານນີ, ຖ້າໃຜບໍ່ປະຕິບັດກໍຈະບໍ່ອະນຸຍາດໃຫ້ເຂົ້າໄປໃຊ້ບໍລິການເຊັ່ນດຽວກັນ.

ພາຍຫລັງເປີດການຂົນສົ່ງໂດຍສານ, ກໍເຫັນວ່າປະຊາຊົນຈຳນວນຫລວງຫລາຍໄດ້ເລີ່ມເຂົ້າມາໃຊ້ບໍລິການ ເພື່ອຈະໄດ້ເດີນທາງກັບບ້ານເຮືອນ ຫລື ໄປປະຕິບັດວຽກງານຕ່າງໆຕາມຈຸດປະສົງ ແລະ ຜູ້ມາໃຊ້ບໍລິການຕ່າງກໍໄດ້ສະແດງຄວາມດີໃຈວ່າ: ການຂົນສົ່ງໂດຍສານມັນມີຄວາມຈໍາເປັນຫລາຍສຳລັບການດຳລົງຊີວິດຂອງປະຊາຊົນພົນລະເມືອງເຮົາເພື່ອສາມາດເດີນທາງໄປມາຫາສູ່ ແລະ ເພື່ອການທຸລະກິດຊອກຢູ່ຫາກິນຕ່າງໆໄດ້ສະດວກສະບາຍ. ແຕ່ ແນວໃດກໍດີ ພວກເຮົາຍັງຈະຕ້ອງໄດ້ພ້ອມພາກັນປະຕິບັດ ມາດຕະການປ້ອງກັນການຕິດເຊື້ອພະຍາດໂຄວິດ-19 ຕາມຄຳສັ່ງແນະນໍາຕ່າງໆຂອງຄະນະສະເພາະກິດ ແລະ ເຈົ້າໜ້າທີ່ໃຫ້ເຂັ້ມງວດທີ່ສຸດ.

ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ - Wave100S AD to Website 2020 0 - ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ
ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ - WhatsApp Image 2020 05 27 at 5 - ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ
ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ - WhatsApp Image 2020 05 27 at 5 - ມື້ທໍາອິດລາວເລີ່ມເປີດການຂົນສົ່ງໂດຍສານພາຍໃນປະເທດ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!