ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19

- 4 3 - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19
- AGL banner - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19


ນັບເປັນຂ່າວດີສໍາລັບລູກຄ້າຂອງບໍລິສັດ ເຄບີ ລາວ ເຊົ່າສີນເຊື່ອ, ພາຍຫລັງ
ບໍລິສັດດັ່ງກ່າວໄດ້ມີນະໂຍບາຍຊ່ວຍຜ່ອນຜັນການຊໍາລະຄ່າສີນເຊື່ຶອຂອງລູກຄ່າເປັນເວລາ 3 ເດືອນ.
ອໍານວຍການບໍລິສັດດັ່ງກ່າວ ໃຫ້ສໍາພາດວ່າ: ເຄບີ ແມ່ນກຸ່ມບໍລິສັດການເງິນຂະໜາດໃຫຍ່ ສ ເກົາຫລີ ແລະ ໄດ້ຂະຫຍາຍທຸລະກິດເຂົ້າມາ ສປປ ລາວ ໃນປີ 2017, ມີຊື່ວ່າ ເຄບີລາວ ເຊົ່າສິນເຊື່ອ, ເພື່ອໃຫ້ບໍລິການທາງດ້ານສີນເຊື່ອຊື້ລົດຕ່າງໆ, ຊຶ່ງຕະຫລອດໄລຍະຜ່ານມາແມ່ນ ໄດ້ຮັບການສະໜັບສະໜູນຈາກປະຊາຊົນເປັນຢ່າງດີ,ແຕ່ພາຍຫລັງເກີດການລະບາດຂອງພະຍາດ COVID-19 ຢູ່ລາວໄດ້ສົ່ງຜົນກະທົບບໍ່ຫນ່ອຍໃຫ້ແກ່ລູກຄ້າກໍຄື ການເຄື່ອນໄຫວທຸລະກິດ ຂອງບໍລິສັດຍ້ອນລູກຄ້າບໍ່ສາມາດຈ່າຍຕົ້ນທຶນ ແລະ ດອກເບ້ຍເງິນກູ້ຊື້ລົດເປັນປົກກະຕິໄດ້ ຍ້ອນບໍ່ມີລາຍຮັບ ເຮັດໃຫ້ຍອດຄ້າງຊໍາລະບໍລິສັດນັບມື້ເພີ່ມຂຶ້ນຫລາຍເທົ່າຕົວ. ດັ່ງນັ້ນມາຮອດວັນທີ 10 ເມສານີ້, ບໍລິສັດໄດ້ກໍານົດນະໂຍບາຍຍົກເວັ້ນການເກັບຕົ້ນທຶນ 3 ເດືອນ ຕັ້ງແຕ່ມື້ທີ່ລູກຄ້າໄດ້ຢືນຂໍນະໂຍບາຍ (ໝາຍວ່າໃຫ້ລູກຄ້າຈ່າຍແຕ່ດອກເບ້ຍໃນແຕ່ລະເດືອນເປັນປົກກະຕິເທົ່ານັ້ນສໍາລັບ ລູກຄ້າທີ່ມີອາຊີບເຮັດການບໍລິການ, ທຸລະກິດ, ຄ້າຂາຍ, ການທ່ອງທ່ຽວ ແລະ ອາຊີບອື່ນໆ). ສ່ວນລູກຄ້າທີ່ຄ້າງຊໍາລະມາເປັນເວລາຫລາຍເດືອນນັ້ນ ທາງບໍລິສັດກໍມີນະໂຍບາຍຍົກເວັ້ນຄ່າປັບໃໝ່ອີກດ້ວຍ.
ທ່ານອໍານວຍການບໍລິສັດ ກ່າວວ່າ: ການກໍານົດນະໂຍບາຍດັ່ງກ່າວ ແມ່ນສອດຄ່ອງກັບແຈ້ງການຂອງທະນາຄານແຫ່ງ ສປປ ລາວ ເພື່ອຊ່ວຍຫລຸດຜ່ອນຜົນກະທົບຂອງປະຊາຊົນໃນໄລຍະມີການລະບາດຂອງພະຍາດ COVID-19 , ດັ່ງນັ້ນ ບໍລິສັດກໍຍັງຈະສືບຕໍ່ຄົ້ນຄວ້ານະໂຍບາຍຊ່ວຍເຫລືອ ລູກຄ້າໃນດ້ານອື່ນໆຕື່ມອີກ.

- Wave100S AD to Website 2020 0 - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19
- WhatsApp Image 2020 05 27 at 5 - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19
- WhatsApp Image 2020 05 27 at 5 - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19
- WhatsApp Image 2020 05 27 at 5 - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19
- WhatsApp Image 2020 05 27 at 5 - ເຄບີລາວ ເຊົ່າສິນເຊື່ອມີນະໂຍບາຍຕໍ່ລູກຄ້າຊ່ວຍຫລຸດຜ່ອນຜົນກະທົບຈາກໂຄວິດ-19
error: Alert: Content is protected !!