ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ

ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ - 202 - ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ
ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ - Untitled design - ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ

     ຄະນະ​ລັດຖະບານ ອະນຸມັດ “ການບິນ​ໄທ” ຍື່ນ​ສານ​ລົ້ມລະລາຍ​ຟື້ນຟູ​ກິດຈະການ ຫລຸດ​ອັດຕາ​ສ່ວນກະຊວງ​ການ​ເງິນ​ຖື​ຫຸ້ນ​ຕໍ່າ​ກວ່າ 50%.

ລາຍ​ງານ​ຂ່າວ​ຈາກ​ທຳນຽບລັດຖະບານຂອງ​ໄທ​ລະບຸ​ວ່າ: ຄະນະ​ລັດຖະບານ​ເຫັນ​ພ້ອມ​ຕາມ​ກະຊວງ​ຄົມມະນາຄົມ​ສະ​ເໜີ ​ເພື່ອ​​ເຂົ້າສູ່​ຂະ​ບວນການ​ຟື້ນຟູ​ກິດຈະການ ບໍລິສັດ​ການບິນ​ໄທ ຈຳກັດ (ມະຫາຊົນ) ຕາມ​ກົດໝາຍ​ລົ້ມລະລາຍ ​ໂດຍ​ການ​ຍື່ນ​ຂໍ​ຟື້ນຟູ​ກິ​ດຈະ​ການຈະ​ດຳ​ເນີນ​ທັງ​ສານ​ລົ້ມລະລາຍ​ໄທ ​ແລະ ສານ​ລົ້ມລະລາຍອາ​ເມ​ລິ​ກາ. ລວມທັງ​ເຫັນ​ພ້ອມ​ໃຫ້​ກະຊວງ​ການ​ເງິນ​ຫລຸດ​ອັດຕາ​ສ່ວນ​ການ​ຖື​ຫຸ້ນ​ຕໍ່າ​ກວ່າ 50%.

ທັງ​ນີ້ ຂໍ້ສະ​ເໜີ​ດັ່ງກ່າວ​ຜ່ານ​ຄວາມ​ເຫັນ​ພ້ອມ​ຈາກ​ຄະນະ​ກຳມະການ​ນະ​ໂຍບ​າຍລັດ​ວິ​ສາ​ຫະກິດ ​ໃນ​ວັນ​ທີ 18 ພຶດສະພາ​ຜ່ານ​ມາ. ສຳລັບ​​ແນວທາງ​ການ​ຟື້ນຟູ​ກິດຈະການ​ການ​ບິນ​ໄທ​ປະກອບ​ມີ:

ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ - Wave100S AD to Website 2020 0 - ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ
  1. ເລີ່​ມຈາກ​ການ​ໃຫ້ການ​ບິນ​ໄທ​ພົ້ນຈາກ​ການ​ເປັນ​ລັດ​ວິ​ສາ​ຫະກິດ ​ໂດຍ​ໃຫ້​ກະຊວງ​ການ​ເງິນຂາຍ​ຫຸ້ນ​ການບິນ​ໄທ 3% ​ໃຫ້​ກອງ​ທຶນ​ວາຍຸ​ພັກ ພາຍຫລັງ​ການ​ຂາຍ​ຫຸ້ນ​ແລ້ວ​ເຮັດ​ໃຫ້​ກະຊວງ​ການ​ເງິນ​ເຫລືອ​ການ​ຖື​ຫຸ້ນ 47%. ທັງ​ນີ້ ປັດຈຸບັນ​ກະຊວງ​ການ​ເງິນ​ຖື​ຫຸ້ນ​ການບິນ​ໄທ 1.113,93 ລ້ານ​ຫຸ້ນ ຄິດ​ເປັນ 51,03%. ຖ້າ​ກະຊວງ​ການ​ເງິນ​ຕ້ອງ​ຂາຍ​ຫຸ້ນ​ອອກ 3% ຈະ​ມີ​ຫຸ້ນ​ທີ່​ຖືກ​ຂາຍ​ອອກ​ປະມານ 65,48 ລ້ານ​ຫຸ້ນ ຫລື ຄິດ​ເປັນ​ການ​ຂາດທຶນ​ທັງ​ໝົດ 654 ລ້ານ​ບາດ.
  2. ຈາກ​ນັ້ນຈະ​ປັບ​​ໂຄງ​ສ້າງ​ການ​ບໍລິຫານ ​ໂດຍ​ໃຫ້​ກຳມະການ​ລາ​ອອກ​ຈົນ​ເຫລືອ 3 ຄົນ ​ເຊິ່ງຍັງບໍ່​ໄດ້​ກຳນົດ​ວ່າ​ເຫລືອ​​ໃຜ ​ແລະ ຈະ​ເພີ່ມ​ກຳມະການ​ໃໝ່​ເຂົ້າ​ໄປ ຂັ້ນທຳ​ອິດ 3 ຄົນ ທີ່​ວາງ​ຕົວ​ໄວ້​ຄື: ທ່ານ ​ເທວິນ ວົງ​ວານິດ ອະດີດ​ຜູ້​ບໍລິຫານ ປຕທ, ທ່ານ ຊາດ​ຊາຍ ພາຍຸ​ໜາ​ວິ​ໄຊ ຜູ້ອຳນວຍການ​ທະນາຄານ​ອອມ​ສິນ ​ແລະ ທ່ານ ຈະ​ລຳ​ພອນ ​ໂຊຕິ​ກສະຖຽນ ກຳມະການ​ບໍລິຫານ​ທະນາຄານ​ກຸງ​ເທບ ​ແລະ ອະດີດ ດີ​ດີ ການບິນ​ໄທ.
  3. ຮ້ອງ​ຂໍ​ຕໍ່​ສານ​ລົ້ມລະລາຍ​ເພື່ອ​ຂໍ​ຟື້ນຟູ​ກິດຈະການ ​ເຊິ່ງ​ເມື່ອ​ສານຮັບ​ຟື້ນຟູ​ກິດຈະການ ໜີ້​ຂອງ​ການບິນ​ໄທ​ຈະ​ຜິດ​ນັດ​ຊຳລະ​ໜີ້ (default) ​ໂດຍ​ອັດຕະ​ໂນ​ມັດ ​ໃນ​ບັນຫາ​ນີ້​ທີ​ມບໍລິຫານ​ຄິດ​ວ່າ​ຈະ​ເບິ່ງ​ແຍງ​ໃນ​ສ່ວນ​ໜີ້​ສະຫະກອນ 36.000 ລ້ານ​ບາດ ຂະຫຍາຍ​ໜີ້​ອອກ​ໄປ ​ໂດຍ​ມີ​ເງື່ອນ​ໄຂ​ຈະ​ຈ່າຍ​ດອກ​ເບ້ຍ​ເພີ່ມ.
  4. ຍົກ​ເລີກ​ແນວ​ຄິດ​ເກົ່າ​ທີ່​ຕ້ອງການ​ໃຫ້ ການບິນ​ໄທ ​ເປັນ​ໂຮ​ນດິ້ງ ຄຳ​ພານີ ​ໂດຍ​ການ​ຍົກ​ເລີກ​ການ​ຕັດ​ຂາຍ​ກິດຈະການ​ໃນ​ເຄືອ​ທັງ​ໝົດ​ເຊັ່ນ: ຄົວ​ການບິນ​ໄທ ຫລື ​ໄທ​ສະ​ມາຍ.
  5. ການ​ເບິ່ງ​ແຍງ​ເຈົ້າໜີ້​ຕ່າງປະ​ເທດ ຈະ​ຄູ່​ຂະໜານ​ກັບ​ສານ​ໄທ ​ແລະ ສານ​ອາ​ເມ​ລິ​ກາ ທີ່​ຕ້ອງ​ຍື່ນ​ຟື້ນຟູ ​ໂດຍ​ອາ​ໄສ Chapte 11 ຕາມ​ກົດໝາຍ​ລົ້ມລະລາຍ​ຂອງ​ອາ​ເມ​ລິ​ກາ ​ເພາະ​ການບິນ​ໄທ​ຕ້ອງ​ດຳ​ເນີນ​ກິດຈະການ​ຕໍ່​ໄປ ຖ້າ​ບິນ​ໄປ​ໃນ​ຕ່າງປະ​ເທດ​ອາດ​ຈະ​ຖືກ​ຍຶດ​ເຮືອບິນ ລວມທັງ​ການ​ເບິ່ງ​ແຍງ​ເຈົ້າໜ້າ​ທີ່​ລິ​ສຊິ່ງ​ເຮືອບິນ​ນຳ​ອີກ ​ເຊິ່ງມີ​ອາ​ເມ​ລິ​ກາ, ອັງກິດ ​ແລະ ​ເຢຍລະ​ມັນ ​ເປັນ​ເຈົ້າໜີ້​ລາຍ​ໃຫຍ່.

ທັງ​ນີ້ ຖານະ​ການ​ເງິນ​ຂອງ​ການບິນ​ໄທ ​ໃນທ້າຍ​ປີ 2020 ຈາກ​ການ​ຕີ​ລາຄາ​ຂອງ​ຝ່າຍ​ບໍລິຫານ​ການ​ເບິນ​ໄທ ລະບຸ​ວ່າ: ຈະ​ຂາດທຶນ​ສຸດທິ 59.000 ລ້ານ​ບາດ, ສ່ວນ​ຂອງ​ທຶນ 47.000 ລ້ານ​ບາດ ​ໃນ​ຂະນະ​ທີ່​ໜີ້​ສິນ​ທີ່​ມີດ​ອກ​ເບ້ຍ (ບໍ່​ລວມຄ່າ​ເຊົ່າ​ເຮືອບິນ) ຢູ່​ທີ່ 220.000 ລ້ານ​ບາດ.

ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ - WhatsApp Image 2020 05 27 at 5 - ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ
ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ - WhatsApp Image 2020 05 27 at 5 - ຄະນະລັດຖະບານໄທ ໄຟຂຽວ ອະນຸມັດການບິນໄທ ເຂົ້າສານລົ້ມລະລາຍ
error: Alert: ເນື້ອຫາຂ່າວມີລິຂະສິດ !!