ລ້ຽງ​ປາ​ຄໍ​ໃສ່​ອ່າງ​ຊີມັງ

ລ້ຽງ​ປາ​ຄໍ​ໃສ່​ອ່າງ​ຊີມັງ - 6899 - ລ້ຽງ​ປາ​ຄໍ​ໃສ່​ອ່າງ​ຊີມັງ
ລ້ຽງ​ປາ​ຄໍ​ໃສ່​ອ່າງ​ຊີມັງ - Untitled design - ລ້ຽງ​ປາ​ຄໍ​ໃສ່​ອ່າງ​ຊີມັງ

 

ປາ​ຄໍ ​ເປັນ​ປານ້ຳຈຶດທີ່​ມີ​ຄຸນຄ່າ​ທາງ​ເສດຖະກິດ​ຊະນິດ​ໜຶ່ງ​ຂອງ​ປະ​ເທດ​ເຮົາພົບ​​ເຫັນ​ອາ​ໄສ​ຢູ່​ໃນ​ແຫ​ລ່ງນ້ຳຈຶດທົ່ວ​ໄປ​ໃນ​ປະ​ເທດ​ເຮົາ ​ເປັນປາ​ທີ່​ມີ​ລົດ​ຊາດ​ດີ ມີ​ກ້າງ​ໜ້ອຍ ສາມາດນຳ​ມາປຸງ​ແຕ່ງ​ອາຫານ​ໄດ້​ຫລາກ​ຫລາຍ​ຊະນິດ ​ໂດຍ​ທຳ​ມະ​ຊາດ​ແລ້ວ​ປາ​ຄໍ​ເປັນ​ປາປະ​​ເພດ​ກິນ​ຊິ້ນ ກິນ​ສິ່ງ​ມີ​ຊີວິດ​ທີ່​ອາ​ໄສ​ຢູ່​ໃນ​ນ້ຳລວມທັງ​ປາ​ນ້ອຍ ​ແລະ ​ແມງ​​ໄມ້ຕ່າງໆ ​ໃນ​ນ້ຳ​ເປັນ​ອາຫານ ​ເມື່ອ​ອາຫານ​ຂາດ​​ເຂີນ​ເຮັດ​ໃຫ້​ປາ​ຄໍ​ໂຕ​ໃຫຍ່ກິນ​ປາ​ໂຕ​ນ້ອຍ  ​ເຊິ່ງການ​ລ້ຽງ​ປາ​ຄໍ​ເລື່ອງ​ອາຫານ​ເປັນ​ເລືອ​ງສຳຄັນ​ຫລາຍ​ເພາະ​ຖ້າ​ອາຫານ​ຂາດ​​ເຂີນ

ລ້ຽງ​ປາ​ຄໍ​ໃສ່​ອ່າງ​ຊີມັງ - 11 1 300x227 - ລ້ຽງ​ປາ​ຄໍ​ໃສ່​ອ່າງ​ຊີມັງ

ກຽມອ່າງຊີມັງ

1.ອ່າງ​ຊີມັງ​ຄວນ​ເຮັດ​ຫລາຍໆ ອ່າງ​ກໍ​ຈະ​ດີ ​ເຊັ່ນ: ອ່າງ​ອານຸບານ​ປາ​ຄໍ ຄວນ​ມີຂະໜາດ 2X3 ​ແມັດ ຫລື 2X2 ​ແມັດ​ກໍ​ໄດ້ ຄວາມ​ເລິກ​ປະມານ 30 ຊັງ​ຕີ​ແມັດ. ມີ​ຫລັງຄາ ​ປ້ອງ​ກັນ​ງູ ​ແລະ ນົກ ຈະ​ມາ​ກິນ​ລູກ​ປາ​ຄໍ, ປ່ອຍ​ລູກ​ປາ​ຂະໜາດ (ປະມານ 1-2 ນິ້ວ) ​ໄດ້ 2.000-3.000 ​ໂຕ ຄວນ​ເຮັດ 2-3 ອ່າງ​ຖ້າ​ຕ້ອງ​ລ້ຽງ​ປາ​ຈຳນວນ 10.000 ​ໂຕ ອານຸບານ​ໄວ້ 30 ວັນ.

ອ່າງ​ລ້ຽງ ຄວນ​ມີ​ຂະໜາດ 5X10 ​ແມັດ ​ເລິກ 1 ​ແມັດ ​ແຊ່​ນ້ຳ​ໃຫ້​ມີ​ຂີ້​ໄຄ​ນ້ຳຕິດ​ໃຫ້​ໝົດ​ລິດຂອງ​ຊີມັງໃສ່​ນ້ຳ​ເລິກ 30 ຊັງ​ຕີ​ແມັດ. ​ໃສ່​ຜັກ​ຕົບ (ຜັກ​ປອດ) ຈຳນວນ​ເຄິ່ງໜຶ່ງຂອງ​ພື້ນທີ່​ອ່າງ​ໃຫ້​ປາ​ຄໍ​ໄດ້​ລີ້​ແສງ​ ​ແລະ ປ້ອງ​ກັນນ້ຳ​​ເປື້ອນງ່າຍ ອ່າງ​ລ້ຽງ​ຕ້ອງ​ມີ​ປະມານ 2-3 ອ່າງ ​ເພື່ອ​ໃຫ້ຄັດ​ຂະໜາດ​ປາ​ທີ່​ໃຫຍ່​ເທົ່າໆ ກັນ​ລ້ຽງ​ໃນ​ອ່າງ​ດຽວ​ກັນ.

ລ້ຽງ​ປາ​ຄໍ​ໃສ່​ອ່າງ​ຊີມັງ - 447 1 300x190 - ລ້ຽງ​ປາ​ຄໍ​ໃສ່​ອ່າງ​ຊີມັງ

ການຫາລູກປາຄໍແລະ ການອານຸບານ

ລູກ​ປາ​ຄໍ​ຫາ​ໄດ້​ຈາກ​ ຄອງນ້ຳ ທົ່ງ​ນາ ຫລື ​ແຫ​ລ່ງນ້ຳ ຈະ​ເຫັນ​ວ່າ​ໃນ​ໄລຍະ​ລະດູຝົນ​ເດືອນ​ພຶດສະພາ ຫາ ​ເດືອນ​ສິງຫາ ປາ​ຄໍ​ຈະ​ວາງ​ໄຂ່ ​ແລະ ຈະ​ມີ​ລູກ​ປາ​ນ້ອຍໆ ​ໂຕ​ຂະໜາດ 1-2 ນິ້ວ ​ເປັນ​ຝູງ​​ເມື່ອ​ໄດ້​ລູກ​ປາ​ແລ້ວ​ນຳ​ມາ​ແຊ່​ນ້ຳ​​ໃໝ່​ໂດຍ​ໃສ່​ຢາຂ້າ​ເຊື້ອ​ໂຣກ​ເຈືອ​ຈາງ​ກ່ອນ​ນຳ​ລົງ ອ່າງ​ອານຸບານ​ປະ​ໄວ້ 1 ມື້​ ​ໃຫ້​ລູກ​ປາ​ຫິວກໍ​ຈະ​ນຳ​ອາຫານ​ຊະນິດ​ຝຸ່ນຂອງ​ປາດຸກ​ນ້ອຍ ມາ​ປັ້ນກ້ອນ​ຂະໜາດ​ເທົ່າ​ຫົວ​​ໂປ້​ມື 2-3 ກ້ອນ ປະ​ໄວ້​ຢູ່​ອ່າງ​​ລູກ​ປາ​ຈະ​ເຂົ້າມາ​ກິນ ​ ​ໃນ​ມື້ຕໍ່ໆ​ມາ ຄວນ​ໃຫ້​ວັນ​ລະ 2 ຄັ້ງ​ເຊົ້າ-​​ແລງ ​ແລະ ມື້ຕໍ່​ມາ​ຄວນ​ຝຶກ​ໃຫ້​ກິນ​ຈິງ​ລິດ​ໂຕ​ນ້ອຍໆ ​ໃນ​ອາທິດ​ທີ 3-4 ​ເຊິ່ງລູກ​ປາ​ຈະ​ໃຫຍ່​ຂະໜາດ​ເທົ່າ​ນິ້ວມື​ຄວາມ​ຍາວ​ຂະໜາດ 4-5 ນິ້ວ.

ລ້ຽງ​ປາ​ຄໍ​ໃສ່​ອ່າງ​ຊີມັງ - 225 300x200 - ລ້ຽງ​ປາ​ຄໍ​ໃສ່​ອ່າງ​ຊີມັງ

​​ເມື່ອ​ລູກ​ປາ​ອາຍຸ 1 ​ເດືອນ ຈະ​ຍ້າຍ​ປາ​ຄໍ​ລົງ​ອ່າງ​ລ້ຽງ​ຂະໜາດ 5X10 ​ແມັດ ຈຳນວນ​ອ່າງ​ລະ 2.000-3.000 ​ໂຕ ​ໄລຍະ​ນີ້​ກໍລະນີ​ບໍ່​ມີ​ຈິງ​ລິດພຽງພໍ ​ໃຫ້​​ເອົາ​ຫອຍ​ເຊີ​ລີ​ມາຕົ້ມ ​ແລະ ​ແກະ​ເອົາ​ແຕ່​ຫົວ​ຫອຍ​ມາ​ພັກ​ໃຫ້​ເປັນ​ຕອນ​ນ້ອຍໆ ​ເອົາ​ໄປ​​ໃຫ້​ປາ​ກິນຈຳນວນ​ຫອຍ​ເມື່ອ​ແກະ​ແລ້ວ ​​ເທື່ອລະ 1 ກິ​ໂລ ​ຈະ​ເຮັດ​ໃຫ້​ນ້ຳ​​ເປື້ອນປະມານ 15 ມື້ ຈະ​ຕ້ອງ​ປ່ຽນ ​ນ້ຳ ການ​ປ່ຽນ​ ນ້ຳ​ໃຫ້​ນ້ຳ​ໄຫລ​ອອກ​ຈາກ​ຮູ​ລະບາຍ​ນ້ຳທີ່​ມີ​ຂະໜາດ​ນ້ອຍ​ກວ່າ​ໂຕ​ປາ ປ່ອຍ​ນ້ຳ​ໃຫ້​ອອກ​ໝົດ​ອ່າງ​ແລ້ວ​ເອົາ​ນ້ຳ​ໃໝ່​ໃສ່ ຂໍ້​ດີ​ຄື ​ເຮັດ​ໃຫ້​ເຮົາ​ເຫັນ​ສະພາບ​ປາ​ໄດ້​ຈະ​ແຈ້ງວ່າ ປາ​ເຈັບ ຫລື ບໍ່? ​ແລະ ປະລິມານ​ການ​ເຕີບ​ໃຫຍ່​ຈະ​ເຫັນ​ໄດ້ດີ​ພ້ອມ​ທັງ​ຄັດ​ຂະໜາດ​ຂອງ​ປາ​ໄດ້.

ລ້ຽງ​ປາ​ຄໍ​ໃສ່​ອ່າງ​ຊີມັງ - Wave100S AD to Website 2020 0 - ລ້ຽງ​ປາ​ຄໍ​ໃສ່​ອ່າງ​ຊີມັງ

ລ້ຽງ​ປາ​ຄໍ​ໃສ່​ອ່າງ​ຊີມັງ - 9998 300x190 - ລ້ຽງ​ປາ​ຄໍ​ໃສ່​ອ່າງ​ຊີມັງ

ຂໍ້ຄວນລະວັງ.

ອ່າງ​ຈະ​ຕ້ອງ​ມີ​ຕາ​ໜ່າງຂຽວ ​ອ້ອມ​ໄວ້​ໃຫ້​ສູງ ຖ້າຝົນຕົກ​ປາ​ຄໍ​ຈະ​ກະ​ໂດດ​ສູງ ຖ້າ​ບໍ່​ກັນຈະ​ກະ​ໂດດ​ອອກ​ໝົດ.

ອາຫານປາຄໍ

ຈຳ​ເປັນ​ຈະ​ຕ້ອງ​ຫລຸດຕົ້ນທຶນ​ໃຫ້​ຫລາຍ​ທີ່​ສຸດ ​ໃຫ້​ໄດ້​ກຳ​ໄລ​ຫລາຍ​ທີ່​ສຸດ ​ໄລຍະ​ຂອງ​ການ​ລ້ຽງ​ປາ​ຄໍ.

​ຕ້ອງການ​ປາຄໍ​ຂະ​ໜາດ​ນ້ອຍ 4 ​ໂຕ​ຕໍ່​ກິ​ໂລ ຈະ​ໃຊ້​ເວລາ​ປະມານ 6​ ​ເດ​ືອນ.

ຕ້ອງການ​ປາ​ຄໍ​ຂະໜາດ 2-3 ​ໂຕ​ຕໍ່​ກິ​ໂລ ຈະ​ໃຊ້​ເວລາ 8-9 ​ເດືອນ.

ລ້ຽງ​ປາ​ຄໍ​ໃສ່​ອ່າງ​ຊີມັງ - 775 300x220 - ລ້ຽງ​ປາ​ຄໍ​ໃສ່​ອ່າງ​ຊີມັງ

 

ລ້ຽງ​ປາ​ຄໍ​ໃສ່​ອ່າງ​ຊີມັງ - WhatsApp Image 2020 05 27 at 5 - ລ້ຽງ​ປາ​ຄໍ​ໃສ່​ອ່າງ​ຊີມັງ
ລ້ຽງ​ປາ​ຄໍ​ໃສ່​ອ່າງ​ຊີມັງ - WhatsApp Image 2020 05 27 at 5 - ລ້ຽງ​ປາ​ຄໍ​ໃສ່​ອ່າງ​ຊີມັງ
error: Alert: ເນື້ອຫາຂ່າວມີລິຂະສິດ !!