ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ

ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ - 61 2 - ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ
ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ - Untitled design - ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ

  ໄຂ້ຫວັດໃຫຍ່ເກີດຈາກການຕິດເຊື້ອໄວຣັສອິນຟລູເອນຊ່າ ເຊິ່ງມີການລະບາດເປັນໄລຍະໆໃນຍາມຝົນ ແລະ ຍາມໜາວ, ເປັນເຊື້ອທີ່ມີໂອກາດກາຍພັນເປັນສາຍພັນໃໝ່ທີ່ຮຸນແຮງໄດ້. ໄຂ້ຫວັດໃຫຍ່ມີຫລາຍສາຍພັນ, ແຕ່ພົບຫລາຍໃນປະເທດລາວມີ 3 ສາຍພັນ ຄື : ສາຍພັນ A, ສາຍພັນ B ແລະ ສາຍພັນ C ໂດຍແຕ່ລະໄຂ້ຫວັດໃຫຍ່ຍັງເປັນພະຍາດຕິດຕໍ່ທີ່ສາມາດແຜ່ເຊື້ອໄດ້ທາງການຫາຍໃຈ, ຈາມ ແລະ ໄອໄດ້ນຳອີກ. ຈາກສະຖິຕິທົ່ວໂລກມີຜູ້ເສຍຊີວິດຈາກໄຂ້ຫວັດໃຫຍ່ປີລະ 250.000 – 500.000 ຄົນ.

  • ອາການພະຍາດໄຂ້ຫວັດໃຫຍ່ເປັນແບບໃດ ຕ່າງຈາກໄຂ້ຫວັດທຳມະດາແນວໃດ ?

ອາການແມ່ນມີນຳ້ມູກໄຫລ, ໄອ, ເຈັບຄໍຫລາຍ ໄປເຖິງຂັ້ນຮຸນແຮງ, ເຈັບຫົວ,​ ປວດເມື່ອຍຕາມຕົນໂຕ, ອ່ອນເພຍຫລາຍ, ມີໄຂ້ສູງເຖິງ 38,5 – 40 ອົງສາ, ປຸ້ນທ້ອງປວດຮາກ ຈະມີອາການແບບນີ້ປະມານ 2 – 3 ມື້ ຫລື ບາງຄົນອາດຈະມີອາການຮຸນແຮງ ເຊັ່ນ : ປວດບວມ ຫາກບໍ່ຟ້າວເຂົ້າຮັບການປິ່ນປົວອາດມີໂອກາດເກີດພະຍາດແຊກຊ້ອນຈົນເຖິງຂັ້ນເສຍຊີວິດໄດ້.

ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ - Wave100S AD to Website 2020 0 - ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ
  • ວິທີປ້ອງກັນໄຂ້ຫວັດໃຫຍ່ທີ່ສາມາດເຮັດໄດ້ດ້ວຍຕົນເອງ ຄື :
  1. ລ້າງມືຫລາຍໆເທື່ອ ແລະ ລ້າງໃຫ້ສະອາດທຸກເທື່ອ.
  2. ກິນອາຫານໃຫ້ຄົບ 5 ໝວດ, ນອນຫລັບພັກຜ່ອນໃຫ້ພຽງພໍ ແລະ ອອກກຳລັງກາຍເປັນປະຈຳ.
  3. ຫລີກເວັ້ນການຢູ່ໃກ້ຊິດກັບຄົນປ່ວຍ ຫລື ສະຖານທີ່ແອອັດ.
  4. ຫລີກເວັ້ນການເອົາມືເຂົ້າປາກ ຫລື ສີຕາ.
  5. ຢ່າໃຊ້ສິ່ງຂອງເຄື່ອງໃຊ້ຮ່ວມກັບຄົນອື່ນ.
  6. ປ້ອງກັນຕົນເອງດ້ວຍຜ້າອັດປາກ ຫລື ໜ້າກາກອະນາໄມປິດປາກ-ປິດດັງ.
  • ຮູ້ຫລືບໍ່ ໄຂ້ຫວັດໃຫຍ່ສາມາດປ້ອງກັນໄດ້ດ້ວຍວັກແຊັງ ?

ວັກແຊັງປ້ອງກັນໄຂ້ຫວັດໃຫຍ່ຜະລິດຈາກເຊື້ອທີ່ຕາຍແລ້ວ, ຜ່ານຂະບວນການຜະລິດທີ່ມີຄວາມປອດໄພ, ມີປະສິດທິພາບສູງໃນການປ້ອງກັນພະຍາດໄຂ້ຫວັດໃຫຍ່. ໄລຍະເວລາທີ່ຄວນສັກວັກແຊັງແມ່ນກ່ອນຍາມຝົນ ເພາະໄລຍະເວລາທີ່ພະຍາດລະບາດຫລາຍທີ່ສຸດແມ່ນຍາມຝົນ ແລະ ຍາມໜາວ ໂດຍອົງການອະນາໄມໂລກ ແລະ ແພດ ແນະນຳວ່າ ໃຫ້ສັກວັກແຊັງເພື່ອປ້ອງກັນໄຂ້ຫວັດໃຫຍ່ເປັນປະຈຳທຸກປີ ເຊິ່ງຈະສາມາດຫລຸດຄວາມສ່ຽງໃນການເກີດພະຍາດໄດ້ເຖິງ 50 –95%, ເມື່ອສັກວັກແຊັງໄປແລ້ວມັກຈະມີອາການຂ້າງຄຽງທີ່ພົບສ່ວນຫລາຍອາດຈະມີອາການບວມແດງບໍລິເວນທີ່ສັກ, ມີໄຂ້, ປວດເມື່ອຍ, ອ່ອນເພຍ ຫລື ວິນຫົວ ແລະ ອາການຈະເຊົາພາຍໃນ 1 – 2 ມື້. ດັ່ງນັ້ນ,​ ໄຂ້ຫວັດໃຫຍ່ບໍ່ແມ່ນເລື່ອງໜ້າຢ້ານອີກຕໍ່ໄປຖ້າຮູ້ຈັກວິທີປ້ອງກັນໂຕເອງດ້ວຍການສັກວັກແຊັງປ້ອງກັນພະຍາດໄຂ້ຫວັດໃຫຍ່ຢູ່ໂຮງໝໍ.

ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ - WhatsApp Image 2020 05 27 at 5 - ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ
ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ - WhatsApp Image 2020 05 27 at 5 - ໄຂ້ຫວັດໃຫຍ່ອັນຕະລາຍເຖິງຊີວິດ ຮູ້ທັນ ປ້ອງກັນໄດ້ດ້ວຍວັກແຊັງ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!