ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ

ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ - 204 - ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ
ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ - Untitled design - ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ

ທ່ານ ດຣ. ນາງອ່ອນຜິວ ໂພທິລາດ ຫົວໜ້າພະແນກສາທາລະນະສຸກແຂວງອັດຕະປື ໃຫ້ຮູ້ວ່າ: ປັດຈຸບັນການລະບາດຂອງພະຍາດໄຂ້ຍຸງແມ່ນຍັງເກີດແບບກະແຈກກະຈາຍໃນທົ່ວແຂວງ ເຊິ່ງໄດ້ກວດພົບຜູ້ຕິດເຊື້ອໄຂ້ຍຸງລາຍແລ້ວ 181 ກໍລະນີ ຍິງ 79 ກໍລະນີ ໃນຈຳນວນ 50 ບ້ານ ແລະ ບໍ່ມີກໍລະນີເສຍຊີວິດ ຜູ້ຕິດເຊື້ອໄຂ້ຍຸງສ່ວນຫລາຍຢູ່ເມືອງໄຊເສດຖາ ແລະ ເມືອງສາມັກຄີໄຊ ສາເຫດຍ້ອນມີຄວາມໜາແໜ້ນຂອງໜອນນ້ຳຍຸງລາຍໃນເຂດບ້ານທີ່ມີຄວາມສ່ຽງ, ປະຊາຊົນມີການເຄື່ອນຍ້າຍໃນການດຳລົງຊີວິດຈາກເຂດມີເຊື້ອໄປຕິດຕໍ່ໃສ່ເຂດທີ່ບໍ່ມີເຊື້ອ ແລະ ປະຊາຊົນມັກກັກເກັບນ້ຳໄວ້ດົນ ໂດຍບໍ່ມີການປ່ຽນຖ່າຍນ້ຳໃນແຕ່ລະອາທິດ ເຮັດໃຫ້ຍຸງສາມາດໄຂ່ໃສ່ໄດ້.

ທ່ານ ດຣ. ນາງອ່ອນຜິວ ໂພທິລາດ ໃຫ້ຮູ້ຕື່ມວ່າ: ການລະບາດຂອງພະຍາດໄຂ້ຍຸງຍັງມີທ່າອ່ຽງເພີ່ມຂຶ້ນ ຍ້ອນສະພາບດິນຟ້າອາກາດໃນຊ່ວງລະດູຝົນ ​ເຊິ່ງເປັນສິ່ງເອື້ອອຳນວຍໃນການແຜ່ພັນຂອງຍຸງລາຍ. ສະນັ້ນ ພະແນກສາທາລະນະສຸກແຂວງຈຶ່ງໄດ້ເຄື່ອນໄຫວຜັນຂະຫຍາຍຄຳສັ່ງຂອງລັດຖະມົນຕີ ກະຊວງສາທາລະນະສຸກ ມາເປັນຄຳສັ່ງຂອງແຂວງ-ຂອງເມືອງ-ຂອງບ້ານ, ພ້ອມແຕ່ງຕັ້ງທີມງານສຸຂະສຶກສາ, ທີມງານສອບສວນເກັບຕົວຢ່າງ, ທີມງານສຳຫຼວດໜອນນ້ຳ ແລະ ທຳລາຍໜ້າກະດານ ລົງສົມທົບກັບຂັ້ນເມືອງ-ຂັ້ນບ້ານ ແລະ ຈັດຕັ້ງປະຕິບັດໃນບ້ານທີ່ມີການເຈັບເປັນອາທິດລະຄັ້ງ, ແຕ່ງຕັ້ງ ອສບ ຕິດຕາມເຝົ້າລະວັງໜອນນ້ຳໃນແຕ່ລະບ້ານ ເພື່ອເຄື່ອນໄຫວທຸກອາທິດ ແລະ ໃນໂອກາດນີ້ ທ່ານ ດຣ. ນາງອ່ອນຜິວ ໂພທິລາດ ໄດ້ຮຽກຮ້ອງໃຫ້ປະຊາຊົນເອົາໃຈໃສ່ປະຕິບັດ 5 ປ ຕາມກະຊວງສາທາລະນະສຸກວາງອອກ ເປັນຕົ້ນ ປິດຝາພາຊະນະນ້ຳກິນ, ນໍ້າໃຊ້ໃນເຮືອນ ແລະ ນອກເຮືອນ; ປ່ຽນ ນ້ຳ ແລະ ຜັດຖູພາຊະນະເຊັ່ນ: ນ້ຳໃນໄຫ, ໃນຟຸຍ, ໂອ່ງ ແລະ ອື່ນໆ; ປ່ອຍປາ ຫຼື ລ້ຽງປາຫາງນົກຍຸງເພື່ອກິນໜອນນໍ້າ, ປັບປຸງບໍ່ໃຫ້ມີນໍ້າຄ້າງ, ນໍ້າຂັງຢູ່ໃນສິ່ງຂອງຕ່າງໆເຊັ່ນ: ກະໂປະ, ກະປ໋ອງ, ຕີນລົດເກົ່າ ແລະ ອື່ນໆ; ປະຕິບັດເປັນປະຈໍາທຸກອາທິດ ແລະ ຖ້າມີການເຈັບເປັນໃຫ້ໄປພົບແພດໂດຍດ່ວນ ຫ້າມປິ່ນປົວ ຫຼື ຊື້ຢາມາກິນເອງ.

ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ - Wave100S AD to Website 2020 0 - ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ
ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ - WhatsApp Image 2020 05 27 at 5 - ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ
ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ - WhatsApp Image 2020 05 27 at 5 - ອັດຕະປືພົບຜູ້ຕິດເຊື້ອໄຂ້ຍຸງລາຍ 181 ກໍລະນີ
error: Alert: ເນື້ອຫາຂ່າວມີລິຂະສິດ !!