ໜີໂຄວິດມາຕິດໃສ່ຄ່າໄຟ

- AGL banner - ໜີໂຄວິດມາຕິດໃສ່ຄ່າໄຟ

ກົດເພື່ອຟັງຂ່າວ

ກົດເພື່ອຟັງຂ່າວ

ເມື່ອໂຄວິດລະບາດ ພະຍາດໜຶ່ງທີ່ເກີດຂຶ້ນກັບພໍ່ແມ່ປະຊາຊົນກໍຄືຊັບ ຈາງ, ຊໍ້າຮ້າຍອ້າຍຄ່າໄຟກໍບໍ່ໄດ້ຜ່ອນຜັນ ອັນເຮັດໃຫ້ປະຊາຊົນທັງຢ້ານໂຄ ວິດທັງ ຢ້ານຕິດໜີ້ຄ່າໄຟກໍພໍປານນັ້ນ.

ການລະບາດຂອງພະຍາດໂຄວິດ 19 ນັ້ນ ເປັນເລື່ອງທີ່ຮ້າຍແຮງ ທີ່ຕ້ອງພ້ອມພາກັນປະຕິບັດຕາມມາດຕະການຂອງລັດຖະບານວາງອອກ ຢ່າງເຂັ້ມງວດ ເພື່ອຄວາມປອດໄພຂອງທຸກຄົນພາຍໃນຊາດເຊິ່ງມາຮອດ ປັດຈຸບັນຜູ້ຂຽນມີຄວາມພາກພູມຢ່າງຍິ່ງທີ່ເຫັນວ່າລັດຖະບານເຮົາເຮັດໜ້າ ທີ່ໄດ້ດີທີ່ສຸດສົມທົບກັບການຮ່ວມມືຂອງຂະແໜງການທີ່ກ່ຽວຂ້ອງກໍຄືພໍ່ແມ່ປະ ຊາຊົນພາຍໃນປະເທດ ຈຶ່ງເຮັດໃຫ້ອັດຕາຜູ້ຕິດເຊື້ອຢູ່ປະເທດເຮົາມີໜ້ອຍ ແລະ ບໍ່ມີຜູ້ເສຍຊີວິດ.

ໜຶ່ງໃນມາດຕະການທີ່ເຂັ້ມງວດກໍຄືໃຫ້ພໍ່ແມ່ປະຊາຊົນກັກໂຕຢູ່ບ້ານ ຢູ່ເຮືອນຂອງຕົນເປັນໄລຍະເດືອນປາຍ ເຊິ່ງກໍຖືກໃນຊ່ວງເວລາລະດູຮ້ອນຢູ່ ບ້ານເຮົາ, ສະນັ້ນພວກເຮົາພໍນຶກພາບອອກວ່າເມື່ອສະມາຊິກໃນຄອບຄົວໝົດ ທຸກຄົນຢູ່ເຮືອນ ແລະ ອາກາດຮ້ອນການນຳໃຊ້ໄຟຟ້ານັ້ນຍິ່ງເພີ່ມທະວີຂຶ້ນ ບໍ່ ວ່າຈະເປັນແອ, ພັດລົມ ແລະ ອື່ນໆ.

ຄຽງຄູ່ກັນນັ້ນ, ເມື່ອການປະຕິບັດມາດຕະການດັ່ງກ່າວມີຜົນກະທົບຕໍ່ ວຽກງານຂອງຜູ້ຄົນໃນສັງຄົມແຕກຕ່າງກັນ, ຫຼາຍຄົນກໍບໍ່ມີວຽກກໍບໍ່ເງິນ ທັນທີ ຫຼື ລາຍໄດ້ຫຼຸດລົງ, ເຮັດໃຫ້ການໃຊ້ຈ່າຍຕ້ອງລະມັດລະວັງຫຼາຍຂຶ້ນ.

ຍ້ອນແນວນັ້ນລັດຖະບານເຮົາຈຶ່ງມີຄວາມເຫັນໃຈປະຊາຊົນໂດຍທ່ານ ນາຍົກໄດ້ອອກຂໍ້ຕົກລົງສະບັບເລກທີ 31/ນຍ ລົງວັນທີ 2​ ເມສາ 2020 ວ່າດ້ວຍການກຳນົດນະໂຍບາຍ ແລະ ມາດຕະການເພື່ອຫຼຸດຜ່ອນຜົນກະທົບ ຈາກການລະບາດຂອງພະຍາດ ໂຄວິດ-19 ຮວມທັງຄ່າໄຟຟ້າ.

 

ຂໍ້ຕົກລົງນັ້ນມີຜົນສັກສິດທັນທີໂດຍຄ່າຂີ້ເຫຍື້ອຫຼຸດລົງເຄິ່ງໜຶ່ງ, ຍົກເວັ້ນອາກອນລາຍໄດ້ເປັນເວລາ 3 ເດືອນ ແລະ ອື່ນໆ ເຊິ່ງນັບວ່າເປັນ ເລື່ອງທີ່ດີ. ແຕ່ຢ່າງໃດກໍຕາມ, ຄ່າໄຟຟ້າພັດເພີ່ມຂຶ້ນເຖິງສອງ-ສາມທົບ ຫຼື ຫຼາຍກວ່ານັ້ນ ທຽບໃສ່ກ່ອນວິກິດນັ້ນກໍຖືວ່າມີຜົນກະທົບບໍ່ຫຼາຍກໍໜ້ອຍຕໍ່ ຊີວິດການເປັນຢູ່ຂອງປະຊາຊົນ ເຊິ່ງໂດຍສະເລ່ຍແມ່ນມີລາຍຮັບຕໍ່າຢູ່ ແລ້ວທຽບໃສ່ຄ່າຊີບຕົວຈິງ. ເພາະສະນັ້ນ, ຈຶ່ງບໍ່ແປກໃຈແມ່ນແຕ່ໜ້ອຍເມື່ອ ຄ່າໄຟແພງຂຶ້ນໃນຍາມວິກິດເຮັດໃຫ້ປະຊາຊົນຈົ່ມວ່າຜ່ານສື່ສັງຄົມອອນ ລາຍຢ່າງຟົດຮ້ອນຄືກັນກັບອາກາດໃນປັດຈຸບັນ.

- Wave100S AD to Website 2020 0 - ໜີໂຄວິດມາຕິດໃສ່ຄ່າໄຟ

ບໍ່ວ່າພວກເຮົາຈະມີວິທີການຄິດໄລ່ຄ່າໄຟໃນຮູບແບບໃດແຕ່ປະຊາຊົນ ຈະຕັດສິນຢູ່ທີໃບບິນເກັບຄ່າໄຟວ່າລັດຖະບານຈະເຫັນໃຈປະຊາຊົນຫຼາຍ ໜ້ອຍສໍ່າໃດໃນຍາມວິກິດເຊັ່ນນີ້. ພວກເຮົາຮັບຮູ້ນຳກັນເຖິງຄວາມຫຍຸ້ງ ຍາກດ້ານຕ່າງໆຂອງລັດຖະບານ ກໍຄືລັດວິສາຫະກິດໄຟຟ້າລາວໃນການ ເກັບລາຍຮັບ, ແຕ່ຖ້າປະຊາຊົນລາວກໍຄູ່ຄວນທີ່ຈະໄດ້ຊົມໃຊ້ໄຟຟ້າທີ່ລາຄາ ຖືກ ແລະ ມີຄຸນນະພາບດ້ວຍຫຼາຍເຫດຜົນເຊັ່ນ: ການເກີດວິກິດ, ໃນນາມ ສປປ ລາວ ເປັນຜູ້ສົ່ງອອກໄຟຟ້າເປັນຕົ້ນ.

ໃນຍາມວິກິດເຊັ່ນນີ້, ພວກເຮົາໄດ້ເຫັນຜູ້ຄົນມີຄວາມໂລບໜ້ອຍລົງ, ຢູ່ຫຼາຍປະເທດກໍມີນະໂຍບາຍພິເສດຕໍ່ປະຊາຊົນເຊັ່ນການແຈກເງິນສົດ, ງົດເກັບຄ່ານໍ້າຄ່າໄຟ ແລະ ອື່ນໆ ຢູ່ປະເທດເຮົາກໍເຊັ່ນກັນນອກຈາກນະໂຍ ບາຍຂອງລັດຖະບານແລ້ວ, ສ່ວນບຸກຄົນກໍໄດ້ສະແດງຄວາມເມດຕາໃນ ການຊ່ວຍເຫຼືອເຊິ່ງກັນ ແລະ ກັນເປັນຕົ້ນຍົກເລີກເກັບຄ່າຫ້ອງແຖວ ຫຼື ຫຼຸດລາຄາລົງ, ແຈກຢາຍອາຫານການເຄື່ອງດື່ມລ້າ ແລະ ອື່ນໆ ແລະ ຖ້າຄ່າໄຟຫຼຸດລົງຕື່ມກໍຍິ່ງເປັນການດີທີ່ສຸດ! ປະຊາຊົນວ່າຢ້ານຕິດໂຄວິດຍັງບໍ່ ຢ້ານເທົ່າຕິດຄ່າໄຟຟ້າ ດັ່ງນີ້ເປັນຕົ້ນ!​.

- lattana 1 - ໜີໂຄວິດມາຕິດໃສ່ຄ່າໄຟ
error: Alert: Content is protected !!