ມອບ-ຮັບ ເຄື່ອງທີ່ຖືກຄົນລັກໄປ ຄືນໃຫ້ບໍລິສັດບໍ່ຄຳ ມູນຄ່າ 500 ລ້ານກວ່າກີບ

- 25 - ມອບ-ຮັບ ເຄື່ອງທີ່ຖືກຄົນລັກໄປ ຄືນໃຫ້ບໍລິສັດບໍ່ຄຳ ມູນຄ່າ 500 ລ້ານກວ່າກີບ
- AGL banner - ມອບ-ຮັບ ເຄື່ອງທີ່ຖືກຄົນລັກໄປ ຄືນໃຫ້ບໍລິສັດບໍ່ຄຳ ມູນຄ່າ 500 ລ້ານກວ່າກີບ

ເຈົ້າໜ້າທີ່ໜ່ວຍສະເພາະກິດແກ້ໄຂປະກົດການຫຍໍ້ທໍ້ຂັ້ນແຂວງ ປະຈໍາຢູ່ບໍລິສັດ ບໍ່ຄໍາ ຄຳເກີດ – ແສນອຸດົມ ເມືອງຄໍາເກີດ ແຂວງບໍລິຄໍາໄຊ ໃຫ້ຮູ້ວ່າ ພາຍຫຼັງໄດ້ຮັບການຊີ້ນໍາ ແລະ ແຕ່ງຕັ້ງຈາກຂັ້ນເທິງແລ້ວ ກໍ່ໄດ້ລົງຕິດຕາມກວດກາ ເອົາຂໍ້ມູນການເສຍຫາຍນໍາບໍໍລິສັດ ແລະ ຄັດຈ້ອນບັນດາເປົ້າໝາຍ. ຕົກມາຮອດ ວັນທີ 30 ເມສາ 2020 ຈຶ່ງສາມາດກັກຕົວ ທ້າວ ໄມແກ່ນ, ທ້າວເຄນສຸກ, ທ້າວ ຄໍາໝັ້ນ, ທ້າວ ເພັງ ຂຸນທະຈອນ, ທ້າວ ຂັວນຕາ, ທ້າວ ແຫຼ້, ທ້າວ ພຸດ , ທ້າວ ເຄນ ຂຸນທະຈອນ ທັງ 08 ຄົນ ເປັນປະຊາຊົນ ຢູ່ບ້ານ ນາໄຮ ເມືອງຄໍາເກີດ ແຂວງບໍລິຄໍາໄຊ  ໃນຂໍ້ຫາລັກຊັບຂອງພົນລະເມືອງ ກໍ່ຄືລັກຊັບຂອງບໍລິສັດ, ກັກຕົວທ້າວ ສີພັນ ປະຊາຊົນ ບ້ານທົ່ງແຄະ ເມືອງຄໍາເກີດ ແຂວງບໍລິຄໍາໄຊ ແລະ ທ້າວ ມາຍຫົງຟູ ອາຊີບຄ້າ-ຂາຍ ຄົນສັນຊາດຫວຽດນາມ ທີ່ມາພັກເຊົາຢູ່ບ້ານ ແສນອຸດົມ ເມືອງຄໍາເກີດ ແຂວງບໍລິຄໍາໄຊ ທັງ 02 ຖືກເຈົ້າໜ້າທີ່ກັກຕົວມາດໍາເນີນຄະດີ ໃນຂໍ້ຫາ ຊຸກເຊື່ອງ, ຊື້-ຂາຍຊັບບໍ່ຖືກຕ້ອງ ມາດໍາເນີນການສືບສວນ-ສອບສວນ.

- 336 300x180 - ມອບ-ຮັບ ເຄື່ອງທີ່ຖືກຄົນລັກໄປ ຄືນໃຫ້ບໍລິສັດບໍ່ຄຳ ມູນຄ່າ 500 ລ້ານກວ່າກີບ

ຜ່ານການສືບສວນ-ສອບສວນ ເຈົ້າໜ້າທີ່ໃຫ້ຮູ້ວ່າ: ທ້າວ ໄມແກ່ນ, ທ້າວ ເຄນ ຂຸນທະຈອນ, ທ້າວ ເຄນພຸດ, ທ້າວ ແຫຼ້ ພວກກ່ຽວຮັບສາລະພາບວ່າ ໄດ້ຮ່ວມກັນເຄື່ອນໄຫວລັກຊັບມາແຕ່ປີ 2018 ຈົນຮອດ ເດືອນມີນາ 2020, ເຊິ່ງໄດ້ຮ່ວມກັນລົງມືລັກຊັບຂອງບໍລິສັດ ບໍ່ຄຳ ຄຳເກີດ-ແສນອຸດົມ ຈໍານວນ 03 ຄັ້ງ, ໄດ້ໂທລະພາບ 12 ໜ່ວຍ.  ທ້າວ ຄໍາໝັ້ນ, ທ້າວ ຂວັນຕາ, ທ້າວ ບຸນຍັງ, ທ້າວ ສີວັນ, ທ້າວ ຊຽງສົມພອນ, ທ້າວ ຕຸ່ນ ແລະ ທ້າວ ໄມຕາ ທັງ 07 ຄົນ ໄດ້ຮ່ວມກັນລົງມືລັກຊັບແຕ່ເດືອນ ມັງກອນ ຫາ ເດືອນ ເມສາ 2020 ຈໍານວນ 10 ຄັ້ງ, ໄດ້ສາຍໄຟທອງແດງ 1.576 ກິໂລກຼາມ, ທອງເຫຼືອງ 164 ກິໂລກຼາມ, ຈັກໄຟຟ້າຂະໜາດນ້ອຍເພື່ອໃຊ້ເຈາະແຮ່ 07 ເຄື່ອງ, ໄດປັ່ນໄຟຟ້າ 01 ເຄື່ອງ, ດອກໄຟສະປອດໄລ້ 01 ດອກ, ແບັກເກີ 01 ອັນ, ໝໍ້ໄຟລົດໃຫຍ່ 01 ໜ່ວຍ, ໃບເລື່ອຍ 03 ໃບ, ໄດປັ່ນໄຟ 01 ອັນ, ພັດລົມ 01 ໜ່ວຍ, ມີດ 01 ດວງ, ເຊິ່ງເຄື່ອງທີ່ລັກມາໄດ້ແຕ່ລະຄັ້ງແມ່ນນຳໄປຂາຍໃຫ້ ທ້າວ ມາຍຫົງຟູ ຄົນຫວຽດນາມທີ່ມາພັກເຊົາຢູ່ບ້ານແສນອຸດົມ ເມືອງຄຳເກີດ ມູນຄ່າທັງໝົດ 8,428,000 ກີບ. ທ້າວ ເພັງ ພະນັກງານຝ່າຍສໍາຫຼວດແຮ່ຄໍາບໍລິສັດດັ່ງກ່າວ ສາລະພາບວ່າ ໄດ້ຮ່ວມມືກັບທ້າວ ໄມແກ່ນ, ທ້າວ ວັນ, ທ້າວ ແຫຼ້,  ທ້າວ ເຄນສຸກ, ທ້າວ ກົງໃຈ, ທ້າວ ເຄນ ຂຸນທະຈອນ, ທ້າວ ພຸດ ແລະ ທ້າວ ຂວັນຕາ ຮ່ວມກັນລົງມືລັກຊັບ 04 ຄັ້ງ, ແຕ່ເດືອນ ພະຈິກ 2019 ຫາ ວັນທີ 04 ເມສາ 2020 ໄດ້ສາຍໄຟທອງແດງ 60 ກິໂລກຼາມ, ກິບຈັບຫົວແປງໝໍ້ໄຟ 05 ອັນ, ນ໊ອດ 03 ກິໂລ, ໃດປັ່ນໄຟ 01 ໜ່ວຍ, ດອກໄຟສະປອດໄລ້ 01 ດອກ, ແຜ່ນທອງ 10 ກິໂລກຼາມ, ໃບເລື່ອຍ 03 ໃບ, ຕູ້ແຊ່ 01 ໜ່ວຍ, ຈໍຄອມພິວເຕີ 01 ໜ່ວຍ, ຕັ້ງອີ້ 01 ໜ່ວຍ ລວມມູນຄ່າ 06 ລ້ານກ່ວາກີບ, ຮອດວັນທີ 30 ເມສາ ພວກກ່ຽວຈຶ່ງຖືກເຈົ້າໜ້າທີ່ກັກຕົວມາດໍາເນີນຄະດີ, ສ່ວນເຄື່ອງທີ່ລັກມາໄດ້ແມ່ນນໍາໄປຂາຍໃຫ້ທ້າວ ສີພັນ ບ້ານທົ່ງແຄະ ເມືອງຄໍາເກີດ ແລະ ທ້າວ ມາຍຫົງຟູ ຄົນສັນຊາດຫວຽດນາມ.

ທ້າວ ສີພັນ ຮັບສາລະພາບວ່າຕົນໄດ້ຮັບຊື້ຊັບບໍ່ຖືກຕ້ອງແທ້ ໃນຈໍານວນ 01 ຄັ້ງ ເປັນໂທລະພາບ 01 ໜ່ວຍ  ແລະ  ທ້າວ ມາຍຫົງຟູ ສາລະພາບວ່າ  ຕົນໄດ້ຮັບຊື້ຊັບສິ່ງຂອງບໍ່ຖືກຕ້ອງແທ້ ຊື້ມາແລ້ວຈໍານວນຫຼາຍຄັ້ງ, ຕົກມາຮອດວັນທີ່ 01 ພືດສະພາ 2020 ຈຶ່ງຖືກເຈົ້າໜ້າທີ່ກັກຕົວມາດໍາເນີນຄະດີ, ຜ່ານການສືບສວນ-ສອບສວນ ຕີລາຄາຂອງເຈົ້າໜ້າທີ່ເຫັນວ່າ ທ້າວ ໄມແກ່ນ ແລະ ກຸ່ມແກ້ງທັງ 07 ຄົນ ແມ່ນມີເຈດຕະນາເຄື່ອນໄຫວລັກຊັບ ເຊິ່ງຜິດຕໍ່ ມາດຕາ 231 ຂອງປະມວນກົດໝາຍອາຍາແຫ່ງ ສປປ ລາວ, ສ່ວນທ້າວ ສີພັນ ແລະ ທ້າວ ມາຍຫົງຟູ ແມ່ນມີເຈດຕະນາຊຸກເຊື່ອງ, ຊື້-ຂາຍ ຊັບບໍ່ຖືກຕ້ອງຕາມລະບຽບກົດໝາຍ ຜິດຕໍ່ມາດຕາ 244 ຂອງປະມວນກົດໝາຍອາຍາ ແຫ່ງ ສປປ ລາວ. ປະຈຸບັນເຈົ້າໜ້າທີ່ພວມສືບສວນ-ສອບສວນຂະຫຍາຍຜົນເພື່ອນໍາຈັບຕົວພວກຮ່ວມຂະບວນການມາດໍາເນີນຄະດີຕາມລະບຽບກົດໝາຍຢ່າງເຂັ້ມງວດ.

- Wave100S AD to Website 2020 0 - ມອບ-ຮັບ ເຄື່ອງທີ່ຖືກຄົນລັກໄປ ຄືນໃຫ້ບໍລິສັດບໍ່ຄຳ ມູນຄ່າ 500 ລ້ານກວ່າກີບ

ມາໃນຕອນບ່າຍ ວັນທີ 05 ພຶດສະພາ 2020 ນີ້, ຄະນະສະເພາະກິດແກ້ໄຂປະກົດການຫຍໍ້ທໍ້ຂັ້ນແຂວງ, ຂັ້ນເມືອງ ທີ່ປະຈໍາຢູ່ບໍ່ຄໍາ ຄໍາເກີດ-ແສນອຸດົມ ເມືອງຄໍາເກີດ ແຂວງບໍລິຄໍາໄຊ ຈຶ່ງໄດ້ຈັດພິທີ ເຊັນບົດບັນທຶກມອບ-ຮັບເຄື່ອງຂອງກາງທີ່ເກັບກູ້ໄດ້ຄືນໃຫ້ບໍລິສັດ ໂດຍການເຊັນບົດບັນທຶກມອບ-ຮັບລະຫວ່າງ ທ່ານ ພັນຕີ ຄໍາແກ້ວ ມາກວິໄລ ຮອງພະແນກຕໍາຫຼວດ ຄະນະສະເພາະກິດຂັ້ນເມືອງ ແລະ ທ່ານ  ຄໍາກອງ ສຸພາພົງ ຫົວໜ້າພະແນກຮັກສາຄວາມປອດໄພບໍລິສັດ ບໍ່ຄໍາ ຄໍາເກີດ-ແສນອຸດົມ, ມີທ່ານ ພັນໂທ ລໍາເງິນ ພະບາດໄຊ ຫົວໜ້າກອງບັນຊາການ ປກສ ເມືອງຄໍາເກີດ, ຄະນະສະເພາະກິດແກ້ໄຂປະກົດການຫຍໍ້ທໍ້ຂັ້ນແຂວງ, ມີກອງບັນຊາການ ທະຫານແຂວງ, ກອງບັນຊາການ ປກສ ແຂວງ, ອົງການໄອຍະການປະຊາຊົນເຂດ, ຕະຫຼອດຮອດພະນັກງານທັງ 02 ຝ່າຍເຂົ້າຮ່ວມເປັນສັກຂີພະຍານ.

ເຄື່ອງຂອງກາງທີ່ນໍາມາມອບໃນຄັ້ງນີ້ລວມມີ ໂທລະທັດ 12 ໜ່ວຍ, ສາຍໄຟຟ້າ, ອຸປະກອນໄຟຟ້າ, ສາຍທອງແດງ, ແຜ່ນທອງເຫຼືອງ 2.062 ກິໂລກຼາມ, ໜ້າຈໍາຄອມພິເຕີ 01 ໜ່ວຍ, ແຮ່ຄໍາ ຈໍານວນ 92 ກິໂລກຼາມ, ຈັກປັ່ນໄຟຂະໜາດນ້ອຍ 07 ເຄຶ່ອງ, ແຜ່ນເຫຼັກ ຈໍານວນ 11 ແຜ່ນ, ກໍ້ສາຍໄຟຟ້າ 01 ກໍ້, ໄດເຈາະ 01 ເຄື່ອງ, ໄດປັ່ນນໍ້າ 01 ເຄື່ອງ, ຈັກສະຕີ່ນ 03 ເຄື່ອງ, ຕູ້ແຊ່ 01 ໜ່ວຍ, ເຫຼັກທໍ່ 13 ທໍ່, ບັ້ງເຫຼັກຕໍາແຮ່ພ້ອມສາກ 01 ຊຸດ, ຈານໃບເລື່ອຍທານ 02 ອັນ, ທອງແດງທີ່ລອກອອກຈາກສາຍໄຟ 188 ກິໂລກຼາມ, ເຫຼັກມົນ 16 ໜ່ວຍ ໜັກ 24 ກິໂລກຼາມ ລວມມູນຄ່າ 500 ລ້ານ​ກີບ.

- lattana 1 - ມອບ-ຮັບ ເຄື່ອງທີ່ຖືກຄົນລັກໄປ ຄືນໃຫ້ບໍລິສັດບໍ່ຄຳ ມູນຄ່າ 500 ລ້ານກວ່າກີບ
error: Alert: Content is protected !!