ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19

ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19 - 4477 - ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19
ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19 - Untitled design - ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19

ຫົວໜ້າກົມພັດທະນາສີມືແຮງງານ ກະຊວງແຮງງານ ແລະ ສະຫວັດດີການສັງຄົມ ໄດ້ກ່າວໃນກອງປະຊຸມການຈັດຫາງານ ໃຫ້ຜູ້ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດ ໂຄວິດ-19 ທີ່ຈັດຂຶ້ນໃນວັນທີ 20 ພຶດສະພາ ນີ້ວ່າ: ການແຜ່ລະບາດຂອງພະຍາດຂອງພະຍາດດັ່ງກ່າວ ໄດ້ສົ່ງຜົນກະທົບຢ່າງໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ ແລະ ຊີວິດການເປັນຢູ່ ຂອງຜູ້ອອກແຮງງານ ຢູ່ ສປປ ລາວ, ເນື່ອງຈາກຫົວໜ່ວຍແຮງງານ, ໂຄງການ ແລະ ໂຮງຈັກໂຮງງານຫຼາຍແຫ່ງໄດ້ໂຈະ ແລະ ປິດກິດຈະການ ສົ່ງຜົນເຮັດໃຫ້ ຜູ້ອອກແຮງງານລາວຈຳນວນຫລາຍໄດ້ ປະເຊີນກັບການວ່າງງານ.ຕາມການ ຄາດຄະເນ ຂອງອົງການແຮງງານສາກົນ ອັດຕາການວ່າງງານຢູ່ ສປປ ລາວຈະເພີ່ມຂຶ້ນ ປະມານ 25 %. ຄຽງຄູ່ກັນນັ້ນແຮງງານລາວຢູ່ປະເທດໄທແບບຖືກຕ້ອງ ແລະ ບໍ່ຖືກຕ້ອງໄດ້ຫຼັງໄຫຼກັບຄືນປະເທດ ເປັນຈຳນວນຫຼວງຫຼາຍ.

ຜ່ານມາກະຊວງແຮງງານໄດ້ມີກົນໄກ ແລະ ແຈ້ງການຈຳນວນໜຶ່ງເພື່ອແນະນຳໃຫ້ເຈົ້າໜ້າທີ່ ທີ່ກ່ຽວຂ້ອງທຸກຂັ້ນ ສືບຕໍ່ປະສານງານກັບນັກລົງທຶນ ແລະ ຜູ້ປະກອບການໃນປະເທດ ເພື່ອຊ່ວຍສ້າງວຽກເຮັດງານທໍາໃຫ້ ແຮງງານດັ່ງກ່າວ ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດ ໂຄວິດ-19.

ທ່ານ ນາງ ອານຸສອນ ຄຳສິງສະຫວັດ ໃຫ້ຮູ້ວ່າ: ພວກເຮົາຍອມຮັບວ່າພົບຄວາມຫຍຸ້ງຍາກຫຼາຍ ເພາະມີຫຼາຍບໍລິສັດໃນລາວ ລວມທັງບໍລິສັດໃນເຂດເສດຖະກິດພິເສດ ຍັງບໍ່ທັນໄດ້ທັນມີແຜນທິ່ຊັດເຈນໃນການຮັບເອົາແຮງງານລາວ ໂດຍພວກເຂົາເຈົ້າອ້າງເຖິງຄວາມຈຳເປັນຂອງບໍລິສັດ ແລະ ຫຼາຍເຫດຜົນເພຶ່ອບໍ່ຢາກຮັບເອົາແຮງງານລາວກຸ່ມດັ່ງກ່າວເຂົ້າເຮັດວຽກນຳ. ເຖິງແມ່ນວ່າຈະພົບຄວາມຫຍຸ້ງຍາກຫຼາຍ ແຕ່ກະຊວງແຮງງານ ແລະ ສະຫວັດດີການສັງຄົມ ແລະ ບັນດາຂະແໜງການທີ່ກ່ຽວຂ້ອງຈະສືບຕໍ່ຕິດຕາມສະພາບການຕ່າງໆ, ເກັບກຳຂໍ້ມູນ ແລະ ລາຍງານສະພາບຢ່າງປົກກະຕິ; ພະແນກແຮງງານ ແລະ ສະຫວັດດີການສັງຄົມ ຂັ້ນແຂວງ ແລະ ນະຄອນຫຼວງ, ສູນບໍລິການຈັດຫາງານ ແລະ ບໍລິສັດຈັດຫາງານ ເພື່ອຕິດຕາມ ແລະ ເກັບຂໍ້ມູນຂອງຜູ້ອອກແຮງງານ ເພື່ອສະເໜີຕໍ່ລັດຖະບານໃຫ້ພິຈາລະນາການຊ່ວຍເຫຼືອ.

ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19 - Wave100S AD to Website 2020 0 - ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19
ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19 - WhatsApp Image 2020 05 27 at 5 - ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19
ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19 - WhatsApp Image 2020 05 27 at 5 - ແຮງງານລາວ ພົບຄວາມຫຍຸ້ງຍາກຫຼາຍ ຍ້ອນຖືກເລີກຈ້າງງານພາຍຫລັງໂຄວິດ-19
error: Alert: ເນື້ອຫາຂ່າວມີລິຂະສິດ !!