ທາງການອູ່ຮັ່ນເອົາຈິງ ຫ້າມກິນຊີ້ນສັດປ່າເດັດຂາດ

- 214 - ທາງການອູ່ຮັ່ນເອົາຈິງ ຫ້າມກິນຊີ້ນສັດປ່າເດັດຂາດ
- AGL banner - ທາງການອູ່ຮັ່ນເອົາຈິງ ຫ້າມກິນຊີ້ນສັດປ່າເດັດຂາດ

     ນອກຈາກ​ຫ້າມ​ກິນ​ແລ້ວ ຍັງ​ຈະ​ປະກາດພື້ນທີ່​ອະນຸລັກ​ສັດປ່າ ​ເພື່ອ​ບໍ່​ໃຫ້​ມີ​ການ​ລັກລອບ​ລ່າ​ສັດ​ນຳ​ອີກ.

ທາງ​ການ​ທ້ອງ​ຖິ່ນ​ເມື​ອງອູ່​ຮັ່ນຂອງ​ຈີນ ອອກ​ກົດໝາຍ​ຫ້າມ​ຊາວ​ເມືອງ​ບໍລິ​ໂພ​ກສັດປ່າ ​ແລະ ຜະລິດ​ຕະພັນ​ຈາກ​ສັດປ່າ​ທຸກ​ຊະນິດ ທັງ​ສັດ​ບົກ ​ແລະ ສັດ​ນ້ຳ​ເປັນ​ເວລາ 5 ປີ ຫລັງ​ຈາກ​ເມືອງ​ອູ່​ຮັ່ນກາຍ​ເປັນ​ສູນ​ກາງ​ການ​ແຜ່​ລະບາດ​ຂອງ​ເຊື້ອ​ໂຄ​ໂຣນາ​ໄວຣັສ​ໃນ​ທ້າຍ​ປີ 2019 ຜ່ານ​ມາ.

ອີກ​ທັງ​ຍັງ​ຫ້າມ​ບໍ່​ໃຫ້​ມີ​ການ​ລ້ຽງສັດ​ປ່າ​ເພື່ອ​ບໍລິ​ໂພ​ກ ​ແລະ ຫ້າມ​ບໍ່​ໃຫ້​ຊື້-ຂາຍ​ສັດປ່າ ບໍ່​ວ່າ​ຈະ​ເປັນ​ການ​ຜະລິດ, ​ແປ​ຮູບ, ​ໃຊ້ ຫລື ​ເຮັດ​ການ​ຄ້າ​ສັດປ່າ ​ແລະ ຜະລິດ​ຕະພັນ​ຈາກ​ສັດປ່າ ລວມທັງ​ການ​ລ້ຽງ, ຂົນ​ສົ່ງ.

ນອກຈາກ​ນີ້, ທາງ​ການ​ຍັງ​ມີ​ແຜນ​ປະກາດ​ພື້ນທີ່​ໃນ​ເມືອງ​ເປັນ​ແຫ​ລ່ງອະນຸລັກ​ສັດປ່າ ​ເພື່ອ​ປ້ອງ​ກັນ​ການ​ລ່າ​ສັດ, ຍົກ​ເວັ້ນການ​ລ່າ​ເພື່ອ​ການ​ວິ​ໄຈ​ທາງ​ວິທະຍາສາດ, ການຈັດ​ລະບຽບ​ປະຊາກອນ​ສັດ, ​ເຝົ້າລະວັງ​ພະຍາດ​ລະບາດ ​ແລະ ກໍລະນີ​ພິ​ເສດ​ອື່ນໆ ​ໂດຍ​ເຈົ້າໜ້າ​ທີ່​ຈາກ​ໜ່ວຍ​ງານ​ທາງ​ວິທະຍາສາດ ​ແລະ ການ​ແພດ​ຕ້ອງ​ໄດ້​ຮັບ​ໃບ​ອະນຸຍາດ​ໃນ​ການ​ລ່າ​ສັດ​ເພື່ອ​ການ​ວິ​ໄຈ.

- Wave100S AD to Website 2020 0 - ທາງການອູ່ຮັ່ນເອົາຈິງ ຫ້າມກິນຊີ້ນສັດປ່າເດັດຂາດ

ຄຳ​ສັ່ງ​ດັ່ງກ່າວ​ເກີດ​ຂຶ້ນຫລັງ​ຈາກ​ທາງ​ການ​ມົນທົນ​ຫູ​ໜານ ​ແລະ ​ຈຽງ​ຊີ ອອກ​ມາດ​ຕະການ​ຊ່ວຍ​ເຫລືອ​ທາງ​ການ​ເງິນ​ໃຫ້​ກະສິກອນ​ທີ່​ລ້ຽງສັດ​ປ່າ ​ເພື່ອ​ໃຫ້​ປ່ຽນ​ໄປ​ປະກອບ​ອາຊີບ​ອື່ນ.

ທັງ​ນີ້ ​ໃນ​ເດືອນ​ກຸມພາ, ທາງ​ການ​ຈີນ​ປະກາດ​ຫ້າມ​ຊື້-ຂາຍ ​ແລະ ບໍລິ​ໂພ​ກສັດປ່າ ລວມທັງ​ສັດ​ແປກ​ຫາ​ຍາກ​ທີ່​ລ້ຽງ​ໃນ​ຟາ​ມຊົ່ວຄາວ ຫລັງ​ຈາກ Covid-19 ລະບາດ. ຂະນະ​ທີ່​ເມືອງ​ອື່ນ​ເຊັ່ນ: ປັກ​ກິ່ງ, ​ເຊິ​ນ​ເຈິ້ນ, ຈູ​ໄຫ່ ອອກ​ກົດ​ຫ້າມ​ບໍລິ​ໂພ​ກສັດປ່າ​ຖາວອນ.

- lattana 1 - ທາງການອູ່ຮັ່ນເອົາຈິງ ຫ້າມກິນຊີ້ນສັດປ່າເດັດຂາດ
error: Alert: Content is protected !!