ວິທີປະຖົມພະຍາບານເບື້ອງຕົ້ນເມື່ອຖືກຂີ້ເຂັບຕອດ

- 68 7 - ວິທີປະຖົມພະຍາບານເບື້ອງຕົ້ນເມື່ອຖືກຂີ້ເຂັບຕອດ
- AGL banner - ວິທີປະຖົມພະຍາບານເບື້ອງຕົ້ນເມື່ອຖືກຂີ້ເຂັບຕອດ

  ຂີ້ເຂັບ ມີຊື່ພາສາອັງກິດວ່າ Centipede ມີລັກສະນະລຳໂຕເປັນປ້ອງ, ມີຂະໜາດຄວາມຍາວລຳໂຕຕັ້ງແຕ່ 3 – 8 ຊັງຕີແມັດ, ມີຈຳນວນປ້ອງເຖິງ 50 – 150 ປ້ອງ ແລະ ມີຂາຫລາຍເຖິງ 30 – 300 ຂາ ໂດຍມີແຂ້ວພິດ 1 ຄູ່ຢູ່ປ້ອງທຳອິດຂອງລຳໂຕ. ຂີ້ເຂັບເປັນສັດມີພິດທີ່ອາໄສຢູ່ໃນບ່ອນຊຸ່ມ, ປຽກ ເຊັ່ນ : ກ້ອງເປືອກໄມ້, ຂຸດຮູໃນດິນ, ກ້ອງກ້ອນຫີນ ເມື່ອນຳ້ຖ້ວມຂີ້ເຂັບກໍຈະໜີອອກມາຈາກແຫ່ລງທີ່ຢູ່.

ຂີ້ເຂັບຈະຕອດຄົນໂດຍໃຊ້ແຂ້ວຄູ່ໜ້າ ແລະ ສັກນຳ້ພິດເຂົ້າໄປໃນບາດແຜທີ່ຕອດ ຈຶ່ງເຮັດໃຫ້ເຈັບປວດທໍລະມານ. ນຳ້ພິດຂອງຂີ້ເຂັບປະກອບດ້ວຍເອັນໄຊ proteinases ແລະ esterasesໂດຍປົກກະຕິພິດຈະບໍ່ຮຸນແຮງເຖິງແກ່ຊີວິດ, ແຕ່ທັງນີ້ຄວາມຮຸນແຮງຂອງພິດຂຶ້ນຢູ່ກັບຂະໜາດຂອງຂີ້ເຂັບທີ່ຕອດນຳ.

- Wave100S AD to Website 2020 0 - ວິທີປະຖົມພະຍາບານເບື້ອງຕົ້ນເມື່ອຖືກຂີ້ເຂັບຕອດ
  • ອາການເມື່ອຖືກຂີ້ເຂັບຕອດ : ເມື່ອຖືກຂີ້ເຂັບຕອດຈະມີຮອຍແຂ້ວ 2 ຮອຍ, ມີອາການປວດ, ຄັນ, ປວດແສບອອກຮ້ອນ, ບວມແດງຮ້ອນບໍລິເວນທີ່ຖືກຕອດ. ໃນຄົນທີ່ມີອາການແພ້ຮຸນແຮງ ເຊັ່ນ : ມີບາດແຜໃຄ່ໂພງ ຫລື ນຳ້ເຫລືອງບໍລິເວນທີ່ເກີດບາດແຜ, ຊ໊ອກໝົດສະຕິ ໃຫ້ຮີບພາໄປໂຮງໝໍໂດຍໄວ.
  • ວິທີປະຖົມພະຍາບານເບື້ອງຕົ້ນ :
  1. ເຮັດຄວາມສະອາດບາດແຜບໍລິເວນທີ່ຖືກຕອດດ້ວຍການລ້າງນຳ້ສະອາດ.
  2. ຫ້າມແກະເກົາບໍລິເວນທີ່ຖືກຕອດ ເພື່ອບໍ່ໃຫ້ເກີດການຕິດເຊື້ອຊຳ້ຊ້ອນ.
  3. ຫ້າມເໜັງບໍລິເວນທີ່ຖືກຂີ້ເຂັບຕອດ.
  4. ຫາກມີອາການປວດ ສາມາດກິນຢາແກ້ບວດເພື່ອຫລຸດຜ່ອນອາການປວດໄດ້.
  5. ໃຊ້ຢາໝ່ອງ ຫລື ຢາທາແກ້ພິດສັດກັດຕອດບໍລິເວນທີ່ຖືກຕອດໄດ້.
  6. ຫາກມີອາການຮຸນແຮງ ຫລື ແພ້ຫລາຍ ຄວນໄປໂຮງໝໍທັນທີ.
  • ສູດປິ່ນປົວແບບພື້ນເມືອງແມ່ນໃຊ້ຢາງໝາກຫຸ່ງດິບທາບໍລິເວນທີ່ຖືກຂີ້ເຂັບຕອດ ຈະຊ່ວຍຫລຸດຜ່ອນຄວາມເຈັບປວດລົງໄດ້ ຫລື ນຳ້ໝາກນາວປະສົມແປ້ງນົວ ເອົາມາທາບໍລິເວນທີ່ຖືກຂີ້ເຂັບຕອດ ຈະຊ່ວຍໃຫ້ອາການປວດຫລຸດຜ່ອນລົງໄດ້ຄືກັນ.
- lattana 1 - ວິທີປະຖົມພະຍາບານເບື້ອງຕົ້ນເມື່ອຖືກຂີ້ເຂັບຕອດ
error: Alert: Content is protected !!