ແຂວງບໍລິຄຳໄຊ ຈະປູກໄມ້ໃຫ້ໄດ້ຫລາຍກ່ວາ 4.900 ເຮັກຕາໃນວັນປູກໄມ້ແຫ່ງຊາດ

ຮອງຫົວໜ້າພະແນກກະສິກຳ ແລະ ປ່າໄມ້ແຂວງບໍລິຄຳໄຊ ໃຫ້ຮູ້ວ່າ:

ໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນານີ້, ແຂວງຂອງຕົນໄດ້ວາງຄາດຫມາຍປູກໄມ້ໃຫ້ໄດ້ຫລາຍກ່ວາ 4.900 ເຮັກຕາ, ເພື່ອແນໃສ່ສ້າງແຂວງໃຫ້ເປັນສີຂຽວ ແລະ ຍືນຍົງ,ຕົ້ນຕໍແມ່ນເລັ່ງໃສ່ເຂດໂຄງການນໍ້າເທີນ 2 ມາຮອດປັດຈຸບັນແຂວງໄດ້ກະກຽມເບ້ຍໄມ້ໄວ້ແລ້ວຫລາຍກວ່າ 4,98  ລ້ານເບ້ຍ, ໃນນັ້ນສະເພາະວັນທີ 1 ມິຖຸນານີ້, ຈະປູກໃຫ້ໄດ້ 5.330 ເບ້ຍ ຊຶ່ງແຕ່ລະມືອງ ຈະໄດ້ຈັດພິທີປູກ ປູກຢູ່ຕາມແຄມທາງ, ຫ້ອງການອ້ອມຂ້າງເມືອງ, ໂຮງຮຽນ ແລະ ສະຖານທີ່ຕ່າງໆ ຕາມຄວາມເໝາະສົມ, ເບ້ຍໄມ້ສ່ວນຫລາຍພັນໄມ້ດູ່, ໄມ້ຂະຍຸງ ແລະ ໄມ້ປະດັບຈຳນວນໜຶ່ງ, ພາກບໍລິສັດ ແມ່ນຈະປູກໃຫ້ໄດ້ປະມານ 2.430 ເຮັກຕາ, ໂດຍຈະເລັ່ງໃສ່ ຄື: ຕົ້ນຄູນ, ຕົ້ນກາກະເລົາ, ຕົ້ນຝາງແດງ ແລະ ຕົ້ນໝາກໝໍ້ ເນື້ອທີ 3 ເຮັກຕາ ຈຳນວນ 3000 ເບ້ຍ.

error: Alert: Content is protected !!