ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19

ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19 - frame now - ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19
ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19 - Untitled design - ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19

ໃນວັນທີ 20 ພຶດສະພາ 2020 ນີ້, ທ່ານ  ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ ໄດ້ກ່າວໃນໂອກາດຖະແຫລງຂ່າວ ຮ່ວມກັບຄະນະສະເພາະກິດປ້ອງກັນ ຄວບຄຸມ ແລະ ແກ້ໄຂ ການລະບາດຂອງພະຍາດ ໂຄວິດ-19 ວ່າ: ປັດຈຸບັນມີໂຮງຮຽນຫລາຍແຫ່ງໃນເຂດຊົນນະບົດ ຍັງຂາດອຸປະກອນປ້ອງກັນພະຍາດດັ່ງກ່າວ, ພາຍຫລັງທີ່ໄດ້ເປີດການຮຽນ-ການສອນຄືນໃໝ່ໃນວັນທີ 18 ພຶດສະພາ ຜ່ານມາສໍາລັບຊັ້ນປະຖົມສົມບູນປີທີ 5 ມັດທະຍົມສຶກສາ ຕອນຕົ້ນປີທີ 4 ແລະ ມັດທະຍົມສຶກສາຕອນປາຍ ປີທີ 7.

ດັ່ງນັ້ນຈິ່ງເຮັດໃຫ້ຫລາຍໂຮງຮຽນບໍ່ສາມາດປະຕີບັດມາດຕະການຕ່າງໆ ໃນການປ້ອງກັນພະຍາດນີ້ໄດ້ ເຊັ່ນ: ເຈວລ້າງມື, ຜ້າອັດປາກ-ດັງ ພ້ອມນັ້ນກໍແມ່ນເຄື່ອງວັດແທກອຸນຫະພູມສຳລັບນັກຮຽນແຕ່ລະຄົນກ່ອນຈະເຂົ້າຫ້ອງຮຽນ ແລະ ໂຮງຮຽນບາງແຫ່ງຍັງຂາດ ນໍ້າສະອາດທີ່ຈະນຳໃຊ້, ເພາະສະນັ້ນ ທາງກະຊວງສຶກສາທິການ ແລະ ກິລາ ໄດ້ແນະນໍາໃຫ້ໂຮງຮຽນ ເຫລົ່ານັ້ນ ແນະນໍານັກຮຽນຖືນໍ້າສະອາດມາເອງເຖິງວ່າຈະມີຄວາມຫຍຸ້ງຍາກ ແຕ່ກໍຕ້ອງໄດ້ພະຍາມ.

ທ່ານ ຮອງລັດຖະມົນຕີ ໃຫ້ຮູ້ຕື່ມວ່າ: ປັດຈຸບັນ ບັນດາໂຮງຮຽນ ແລະ ສະຖາບັນການສຶກສາ ຂັ້ນຕ່າງໆ ແມ່ນມີຄວາມພ້ອມໃນການເປີດການຮຽນ-ການສອນຄືນໃໝ່ ໃນວັນທີ 2 ມິຖຸນານີ້, ຖ້າວ່າ ຄະນະສະເພາະກິດ ມີມາດຕະການຜ່ອນຜັນເພີ່ມຕື່ມ ເພື່ອຈະໄດ້ສືບຕໍ່ຮຽນທົດແທນຄືນຈໍານວນ 2 ເດືອນ ທີ່ຖືກໂຈະໄປຍ້ອນການລະບາດຂອງພະຍາດໂຄວິດ-19 ກ່ອນຈະມີການສອບເສັງຂຶ້ນຫ້ອງຂອງແຕ່ລະຊັ້ນຮຽນ.ສໍາລັບນັກສຶກສາລາວຢູ່ຕ່າງປະເທດ ທີ່ມີຈຸດປະສົງຢາກກັບມາຢາມບ້ານແມ່ນສາມາດມາໄດ້ ແຕ່ຕ້ອງໄດ້ປະຕິບັດຕາມມາດຕະການຕ່າງໆໃນໄລຍະຜ່ອນຜັນ ຂອງຄະນະສະເພາະກິດ ຢ່າງເຂັ້ມງວດ. ສ່ວນນັກສຶກສາລາວ ທີ່ຢາກຈະກັບໄປໂຮງຮຽນຢູ່ຕ່າງປະເທດນັ້ນ ແມ່ນໃຫ້ປະສານກັບພະແນກສຶກສາທິການ ແລະ ກິລາ ຂັ້ນແຂວງ ຫລື ນະຄອນຫລວງ ເພື່ອປະສານຫາປະເທດເຈົ້າພາບໃນການອະນຸຍາດ.

ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19 - Wave100S AD to Website 2020 0 - ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19

ຂ່າວ:ສຸພະສະຫວັນ

ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19 - WhatsApp Image 2020 05 27 at 5 - ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19
ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19 - WhatsApp Image 2020 05 27 at 5 - ໂຮງຮຽນຊົນນະບົດຫລາຍແຫ່ງ ຍັງຂາດອຸປະກອນປ້ອງກັນ ໂຄວິດ-19
error: Alert: ເນື້ອຫາຂ່າວມີລິຂະສິດ !!