ຜົນກະທົບຈາກ ພະຍາດລະບາດ COVID-19 ຕໍ່ການເຕີບໂຕ ແລະ ໜີ້ສິນຂອງ ສປປ ລາວ ໃນປີ 2020

ຜົນກະທົບຈາກ ພະຍາດລະບາດ covid-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020 - frame now 1 - ຜົນກະທົບຈາກ ພະຍາດລະບາດ COVID-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020
ຜົນກະທົບຈາກ ພະຍາດລະບາດ covid-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020 - Untitled design - ຜົນກະທົບຈາກ ພະຍາດລະບາດ COVID-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020

ຄາດວ່າການຂະຫຍາຍຕົວທາງເສດຖະກິດຂອງ ສປປ ລາວ ຈະຫລຸດລົງໃນປີ 2020 ຍ້ອນຜົນກະທົບຂອງພະຍາດລະບາດ COVID-19 ໃນທົ່ວໂລກ ແລະ ຍ້ອນການໃຊ້ມາດຕະການຄວບຄຸມການແຜ່ລາມຂອງພະຍາດດັ່ງກ່າວ, ເຊິ່ງການເຕີບໂຕຄາດວ່າຢູ່ໃນລະຫວ່າງ 1% ໃນກໍລະນີພື້ນຖານ ແລະ ອາດຫົດຕົວເຖິງ 1,8%. ການຫລຸດລົງຂອງເສດຖະກິດ ແມ່ນສົ່ງຜົນກະທົບສະເພາະໃຫ້ກັບຂະແໜງບໍລິການ ອີງຕາມການລາຍງານໃນບົດລາຍງານຕິດຕາມເສດຖະກິດ ລາວສະບັບຫລ້າສຸດ ໃນຫົວຂໍ້ ສປປ ລາວ ໃນໄລຍະ COVID-19.

ຜົນກະທົບຂອງພະຍາດ COVID-19 ທີ່ມີການລະບາດທົ່ວໂລກ ຄາດວ່າຈະເຮັດໃຫ້ການຂາດດຸນງົບປະມານເພີ່ມຂຶ້ນໃນປີ 2020 ໃນລະດັບ ລະຫວ່າງ 7,5 ຫາ 8,8% GDP ທີ່ເພີ່ມຈາກ 5,1% ໃນປີ 2019. ຜົນທີ່ນໍາມາກໍຄື ລະດັບໜີ້ສິນຄາດວ່າຈະມີການເພີ່ມຂຶ້ນເປັນ 65 ຫາ 68% ຂອງ GDP ໃນປີ 2020 ເຊິ່ງເພີ່ມຈາກ 59% ຂອງ GDP ໃນປີ 2019. ຄັງສຳຮອງເງິນຕາຕ່າງປະເທດ ກໍຄາດວ່າຈະຫລຸດລົງໃນປີ 2020 ແລະ ກຸ້ມການນໍາເຂົ້າໄດ້ໜ້ອຍກວ່າໜຶ່ງເດືອນ.

ທ່ານ ນາງ ມາຣຽມ ເຊີມານ, ອໍານວຍການຫ້ອງການທະນາຄານໂລກ ປະຈໍາປະເທດ ມຽນມາ, ກໍາປູເຈຍ ແລະ ສປປ ລາວ ໄດ້ກ່າວວ່າ, “ໃນໄລຍະເວລາ ອັນທ້າທາຍນີ້, ສິ່ງສໍາຄັນແມ່ນການຫລຸດ ຜ່ອນຜົນກະທົບດ້ານເສດຖະກິດຕໍ່ບັນດາຄົວເຮືອນ ແລະ ພາກທຸລະກິດ. ຖ້າເບິ່ງໄປໃນອະນາຄົດ, ການຫລຸດຜ່ອນພາລະແບກຫາບອັນໜັກໜ່ວງຂອງໜີ້ຕ່າງປະເທດ ແລະ ການດໍາເນີນການປະຕິຮູບເສດຖະກິດມະຫາພາກ ຈະຊ່ວຍ ສປປ ລາວ ສ້າງເສດຖະກິດທີ່ມີຄວາມເຂັ້ມແຂງ ຮັບມືກັບການກະທົບຕ່າງໆໄດ້ຫລາຍຂຶ້ນ.”

ຜົນກະທົບຈາກ COVID-19 ຈະສົ່ງຜົນອັນສໍາຄັນຕໍ່ກັບຕະຫລາດແຮງງານ ແລະ ຄວາມທຸກຍາກ. ການຕົກຕໍ່າລົງແບບກ້າວກະໂດດຂອງຜົນປະກອບການ ຂອງຂະແໜງເດີນທາງ-ຂົນສົ່ງ, ການທ່ອງ ທ່ຽວ ແລະ ບໍລິການ-ການໂຮງແຮມ, ເຊິ່ງກວມເອົາ 11% ຂອງການສ້າງວຽກເຮັດງານທໍາທັງໝົດ ແລະ 22% ຂອງການສ້າງວຽກເຮັດງານທໍາໃນເຂດຕົວເມືອງ ໄດ້ກໍ່ໃຫ້ເກີດມີການສູນເສຍວຽກເຮັດງານທໍາຢ່າງກວ້າງຂວາງ. ຄາດຄະເນວ່າ ປະມານ 96.000-214.000 ຄົນ ຈະກັບຄືນສູ່ຄວາມທຸກຍາກ ອັນເປັນຜົນມາຈາກພະຍາດລະບາດ ເຊິ່ງບັ່ນທອນຜົນສໍາເລັດ ທີ່ເຄີຍຍາດມາໄດ້ໃນເມື່ອກ່ອນ.

ຜົນກະທົບຈາກ ພະຍາດລະບາດ covid-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020 - Wave100S AD to Website 2020 0 - ຜົນກະທົບຈາກ ພະຍາດລະບາດ COVID-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020

ບົດລາຍງານດັ່ງກ່າວ, ຍັງລວມເອົາ ພາກຫົວຂໍ້ສະເພາະ ກ່ຽວກັບການສ້າງລະບົບສາທາລະນະສຸກທີ່ເຂັ້ມແຂງ ສາມາດປັບຕົວໄດ້. ຫລັກຖານໄດ້ສະແດງໃຫ້ເຫັນວ່າ ສປປ ລາວ ຈໍາເປັນຕ້ອງລົງທຶນໃນການສ້າງລະບົບສາທາລະນະສຸກ ທີ່ມີຄວາມເຂັ້ມແຂງສາມາດປັບຕົວໄດ້ ເພື່ອຕອບໂຕ້ເຫດສຸກເສີນທາງສາທາລະນະສຸກໄດ້ຢ່າງມີປະສິດທິຜົນ. ໃນເວລາດຽວກັນ, ສິ່ງທີ່ສໍາຄັນແມ່ນໃຫ້ຮັບປະກັນວ່າ ມີຊັບພະຍາ ກອນຢ່າງພຽງພໍ ຮອງຮັບການສະໜອງບໍລິການສາທາລະນະສຸກຈໍາເປັນ ທີ່ໄດ້ຄຸນນະພາບໃຫ້ພົນລະເມືອງທຸກໆຄົນ.

ຜົນກະທົບຈາກ ພະຍາດລະບາດ covid-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020 - WhatsApp Image 2020 05 27 at 5 - ຜົນກະທົບຈາກ ພະຍາດລະບາດ COVID-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020
ຜົນກະທົບຈາກ ພະຍາດລະບາດ covid-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020 - WhatsApp Image 2020 05 27 at 5 - ຜົນກະທົບຈາກ ພະຍາດລະບາດ COVID-19 ຕໍ່ການເຕີບໂຕ  ແລະ ໜີ້ສິນຂອງ ສປປ ລາວ ໃນປີ 2020
error: Alert: ເນື້ອຫາຂ່າວມີລິຂະສິດ !!