ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ

ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ - 06 2 - ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ
ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ - Untitled design - ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ

ໂດຍ: ລູກເມືອງພວນ

ເພື່ອຜັນຂະຫຍາຍໂຄງການ “ນັກສືກສາລາວກັບຄອບຄົວຊາວຫວຽດນາມ”. ໃນນັ້ນໄດ້ມີ 13 ຄອບຄົວຢູ່ນະຄອນໂຮ່ຈິມິນໄດ້ເຂົ້າຮ່ວມໂຄງການດັ່ງກ່າວ ດ້ວຍການຮັບເອົານັກສຶກສາລາວທີ່ກຳລັງສຶກສາຮໍ່າຮຽນຢູ່ຕາມສະຖາບັນການສຶກສາຕ່າງໆໃນນະຄອນໂຮ່ຈິມິນ ມາເປັນລູກຮັກຫຼານແພງຂອງຄອບຄົບ ເພື່ອໃຫ້ເຂົາເຈົ້າໄດ້ໃຊ້ຊີວິດຢູ່ຮ່ວມກັບຄອບຄົວຂອງຊາວຫວຽດນາມເປັນເວລາ 3 ເດືອນ ເພື່ອຈະໄດ້ຮຽນຮູ້ຮີດຄອງປະເພນີ, ວັດທະນະທຳ ແລະ ວິຖີການດຳລົງຊີວິດຂອງຊາວຫວຽດນາມ, ດ້ານໜຶ່ງອີກກໍເພື່ອໃຫ້ການຊ່ວຍເຫຼືອເບິ່ງແຍງດູແລພວກລູກຫຼານນັກສຶກສາລາວໃນເວລາຢູ່ໄກບ້ານເກີດເມືອງນອນ ແລະ ຄອບຄົວຂອງຕົນ.

ນອກໂມງຮຽນແລ້ວ, ພວກນ້ອງນັກສຶກສາລາວຍັງໄດ້ເຂົ້າຮ່ວມເຄື່ອນໄຫວວຽກງານນຳຄອບຄົວທີ່ຕົນອາໃສຢູ່ ກໍຄືການເຄື່ອນ ໄຫວສັງຄົມອື່ນໆຂອງບ້ານ ແລະ ການຈັດຕັ້ງສັງຄົມຕ່າງໆ. ຜ່ານການເຮັດຄືແນວນັ້ນ ມັນໄດ້ສ້າງສາຍສຳພັນທີ່ແໜ້ນແຟ້ນລະຫວ່າງນັກສືກສາລາວ ແລະ ຄອບຄົວຂອງປະຊາຊົນຫວຽດນາມ, ຊ່ວຍໃຫ້ພວກນ້ອງໄດ້ຮຽນຮູ້ ແລະ ມີປະສົບການທາງດ້ານພາສາ, ຄວາມຮັກແພງສະຫນິດສະຫນົມແລະ ອົບອຸ່ນໃນ ຍາມຫ່າງໄກຈາກບ້ານເກີດເມືອງນອນ ແລະ ຄອບຄົວ.

ໂຄງການ “ນັກສຶກສາລາວກັບຄອບຄົວຊາວຫວຽດນາມ” ເປັນໂຄງການທີ່ມີຄວາມໝາຍອັນເລິກເຊິ່ງໃນການເສີມຂະຫຽາຍສາຍພົວພັນມິດຕະພາບທີ່ເປັນມູນເຊື້ອຂອງສອງຊາດລາວ-ຫວຽດນາມກໍຄືລະຫວ່າງນະຄອນໂຮ່ຈິມິນກັບບັນດາແຂວງຕ່າງໆຂອງລາວອີກດ້ວຍ.
ຜ່ານການຈັດຕັ້ງປະຕິບັດໂຄງການດັ່ງກ່າວ ເຫັນວ່າເປັນຜົນດີ ແລະ ມີຜົນປະໂຫຍດທີ່ສຸດ, ຈຶ່ງມີທິດທີ່ທາງຈະຂະຫຍາຍອອກໃຫ້ເປັນວົງກວ້າງເຖິງສຳນັກງານອົງການຕ່າງໆຕື່ມອີກ.

ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ - Wave100S AD to Website 2020 0 - ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ

ເມື່ອປະຊາຊົນໃນນະຄອນໂຮ່ຈິມິນໄດ້ຍິນຂ່າວ ແລະ ເຫັນວ່າໂຄງການດັ່ງກ່າວມີຜົນປະໂຫຍດດີ ຈຶ່ງມີຫຼາຍຄອບຄົວສະໝັກໃຈເຂົ້າຮ່ວມໂຄງການນັບມື້ນັບຫຼາຍຂຶ້ນ. ແຕ່ເຖິງຢ່າງໃດກໍຕາມ ໂຄງການນີ້ ກໍຍັງເປັນພຽງການທົດລອງ ໃນເບື້ອງຕົ້ນ, ດັ່ງນັ້ນຈຶ່ງໄດ້ຂັດເລືອກເອົາບາງຄອບຄົວເຂົ້າຮ່ວມເຮັດທົດລອງກ່ອນ ເພື່ອແນໃສ່ເສີມຂະຫຍາຍສາຍພົວພັນມິດຕະພາທີ່ເປັນມູນເຊື້ອຂອງສອງພັກສອງລັດ ແລະ ປະຊາຊົນສອງຊາດ ໃຫ້ນັບມື້ແໜ້ນແຟ້ນຍິ່ງຂຶ້ນ.

ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ - WhatsApp Image 2020 05 27 at 5 - ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ
ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ - WhatsApp Image 2020 05 27 at 5 - ສາຍສຳພັນອັນອົບອຸ່ນລະຫວ່າງນັກສຶກສາລາວກັບຄອບຄົວຫວຽດນາມ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!