ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ

ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ - 4455 - ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ
ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ - Untitled design - ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ

ໃນວັນທີ 22 ພຶດສະພາ 2020 ທີ່ຜ່ານມາ ຢູ່ແຂວງ ສາລະວັນ, ຫ້ອງການ ກະຊວງວິທະຍາສາດ ແລະ ເຕັກໂນໂລຊີ (ກວຕ) ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ ສາລະວັນ ໄດ້ຈັດຝຶກອົບຮົມ ພາຍໃຕ້ຫົວຂໍ້ “ສ້າງຄວາມເຂັ້ມແຂງທາງດ້ານວຽກງານຂ່າວສານ ແລະ ປະຊາສໍາພັນ” ໃຫ້ແກ່ຜູ້ປະສານງານຂ່າວສານ ໃນຂົງເຂດວຽກງານວິທະຍາສາດ ແລະ ເຕັກໂນໂລຊີ ຢູ່ຂັ້ນທ້ອງຖິ່ນ ມີ 6 ແຂວງ ເຂົ້າຮ່ວມ ຄື: ແຂວງຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະ ແຂວງອັດຕະປື.

ທ່ານ ພຸດທະສັກ ວິຈິດຕຣາ, ຫົວໜ້າຫ້ອງການ ກວຕ ກ່າວວ່າ: ຈຸດປະສົງຂອງການຝຶກອົບຮົມຄັ້ງນີ້, ກໍເພື່ອເປັນການສ້າງຄວາມເຂັ້ມແຂງ ໃຫ້ແກ່ວິຊາການຢູ່ຂັ້ນທ້ອງຖິ່ນ ໄດ້ຮຽນຮູ້ກ່ຽວກັບ ພາລະບົດບາດ ແລະ ໜ້າທີ່ຂອງວຽກງານຂ່າວສານ ແລະ ປະຊາສໍາພັນ ໃນຂະແໜງວິທະຍາສາດ ແລະ ເຕັກໂນໂລຊີ ເພື່ອໂຄສະນາເຜີຍແຜ່ຜົນການຄົ້ນຄວ້າ, ວິໄຈ, ຜົນການເຄື່ອນໄຫວຈັດຕັ້ງປະຕິ ບັດວຽກງານຕ່າງໆໃນຂະແໜງການຂອງຕົນ ກໍຄືໃນທົ່ວແຂວງ ອອກສູ່ສັງຄົມຢ່າງກວ້າງຂວາງ. ພ້ອມນັ້ນ, ບັນດານັກສໍາມະນາກອນ ທີ່ເຂົ້າຮ່ວມຍັງໄດ້ຮຽນຮູ້ທັກສະພື້ນຖານຂອງການຂຽນຂ່າວ, ການວິເຄາະຂ່າວ ແລະ ກວດແກ້ບົດຂ່າວ ເພື່ອນຳເອົາໄປຜັນຂະຫຍາຍໃນກົມກອງຂອງຕົນໃຫ້ປະສົບຜົນສຳເລັດ ແລະ ພັດທະນາໄປຢ່າງບໍ່ຢຸດຢັ້ງ.

ນອກຈາກນີ້, ບັນດານັກສໍາມານາກອນ ຍັງໄດ້ຮຽນຮູ້ທັງພາກທິດສະດີ ແລະ ປະຕິບັດຕົວຈິງ ໂດຍໄດ້ມີການຈັດແບ່ງເປັນກຸ່ມແລກປ່ຽນຄໍາຄິດເຫັນເຊິ່ງກັນ ແລະ ກັນ ລະຫວ່າງນັກສໍາມະນາກອນດ້ວຍກັນ ແລະ ນັກວິທະຍາກອນ ຊຶ່ງເຕັມໄປດ້ວຍບັນຍາກາດຟົດຟື້ນ ໂດຍສະແດງອອກເຖິງຄວາມກະຕືລືລົ້ນ ແລະ ຄວາມເອົາໃຈໃສ່ຂອງບັນດານັກສໍາມະນາກອນ.

ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ - Wave100S AD to Website 2020 0 - ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ
ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ - WhatsApp Image 2020 05 27 at 5 - ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ
ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ - WhatsApp Image 2020 05 27 at 5 - ກວຕ ສ້າງຄວາມເຂັ້ມແຂງວຽກງານຂ່າວສານ ແລະ ປະຊາສໍາພັນໃຫ້ແກ່ ພວຕ 6 ແຂວງທ້ອງຖິ່ນ
error: Alert: ເນື້ອຫາຂ່າວມີລິຂະສິດ !!